بفكر اجيب دايو لاسيتي 2010 حد يعرف مواصفتها و سعرها و أجيبها منين ومميزاتها و عيوبها و قطع غيارها موجوده ولا لأ وشكرا
عرض للطباعة
بفكر اجيب دايو لاسيتي 2010 حد يعرف مواصفتها و سعرها و أجيبها منين ومميزاتها و عيوبها و قطع غيارها موجوده ولا لأ وشكرا
اعتقد ان الدايو لاسيتى فى مصر هيا الكروز
انا لسه شايفها امبارح شكلها قريبة جدا ن الاوبترا
صديقي المواطن
تعقيب بسيط الدايو لاسيتي في مصر هي شيفرولية أوبترا للأسف وليست كروز
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
صاحب الموضوع أرجوك تصرف تظر هو حد طايق اﻷوبترا عشان إنت تجيب بنت خالتها متنكرة
حتتعبك في البيع وفي كل حاجة رغم إن مواصفاتها أعلى من أوبترا مصر وأنظف ثم حضرتك لازم تكون لقيت واحدة وبعدين تسألنا مش لسه عاوز تبتدي تدور ﻷنه إنك تلاقيها ده صعب أنا في حياتي في مصر مشفتش غير 2 وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
اللاسيتى هيا الاوبترا بس بمواصفات خليجى
انا قصدي الاسيتي 2010 اللي هيا زي الكروز
:fun_10_9_134[1]:
اللاسيتي 2010 هي الكروز فعلا
لعربيه كمالياتها خرافه يعني فيها زياده عن مصر شاشه جي بي اس و سخانات كراسي و فتحه سقف
كنت شفت واحده سوداء فابريكه عامله 60 الف كيلوا فيها كل الكماليات و كان عايز 105 الف ...صيانتها وقطع غيارها هي هي الكروز ..في منها عربيات قليله موتورها 124 حصان يعني غير بتلاع الكروز القديم .....اللاسيتي الاوبترا ممتازه برضه وفيها abs and ebd وتحكم طاره
وميزه العربيات دي انها عربيه اعتماديه يعني مش شكل و اوبشنز علي الفاضي و تقرفك في المشاكل و موتورها مايعمرش زي كتير من الصيني اللي قريب من الفئه السعريه دي
انا عن نفسي معايا اوبترا و مجربها 5000 كيلو ثبات وسحب و تقفيل ممتاز يعني عربيه تخدمك مش انت اللي تخدمها
هي مش موتور اوبل ايكو تك؟ و انا قدامي واحده 136 حصان عايز اعرف ايه نظام الموتور ده و ياريت حضرتك تقوللي فين العربيه دي و اروح اشوفها
الدايو لاسيتى 2010 هى الكروز
وموتورها مش 136 ولا 124
موتورها 115 نفس الموتور الموجود فى 2013 حاليا
مفيش خوف من قطع الغيار غير فى علامة الدايو وممكن تحط بدالها شيفروليه وتريح دماغك :)
فبركة بل كامل عدا أكسدمن ورد كوريا الواحدة ف مصر . gps navgation s . نظام فرامل stability control .abs ebd /فرش وتابلو وببان جلد طبعي 136 hp .فتس 6 سرعة .سنسور بارك و كاميرا . بصمة . فتحت سقف . بلوتوث. لا يوجد بها خدوش .السيارة نزلة كدة من بلدها.كراسي سخان
بص ياباشا العربيه حلوه وتستاهل وفيها كماليات مستحيل منصور ينزلها بيها
وإنت كدا كدا هاتجيبها مستعمله فمش فارقه الضمان , والموتور زى اللى نزل فى الفيس ليفت يعنى مش هاتغلب فى أى قطع غيار إن شاء الله
بس مفيش 136 حصان دى , هما 114 حصان فقط
وعلى فكره العربيه دى كانت بتتباع ب 145 الف زيرو أيام الرخص بقى
دي علي كونتكت كار ...و هو كاتب ان الهورس باور كده و لما كلمته قال ان الكتالوج مكتوب فيه كده
كان بينزلها جابر عبد الشهيد وهتلاقي التابلوه لونين و تقفيله تحفه
طيب اتأكد ازاي
ممكن تبقى 1600 تيربولان الكروز بتنزل 1.4t ,1.6t,1.6,1.8,2.0
هو لو منصور نزل ال 1400 تيربو الجمارك تبقي اقل عليها و سعرها مايزيدش و نستفيج بتوفير البنزين و لا انا غلطان
تنزل مصر إيه بس ياجماعه ماتقلبوش علينا المواجع :)
العربيه 1400 تربو 130 حصان مش 140 زى الأمريكانى , بس نفس العزم 200 نيوتن
ونازله بالجيل التانى من الفتيس ال 6 سرعات تبترونيك
وطبعا فيها جميع الكماليات ووسائل الأمان
وسعرها بيبدأ من حوالى 19000 دولار
بس بصراحه هى كدا أغلى من ال 1600 اللى كانت بتنزل فى كوريا من فتره , وأغلى من ال 1800 كمان , وأول فئه منها بتمن الإلنترا والسيراتو أعلى فئه فى كوريا , مع مراعاة فروق المواصفات
يعنى لو منصور فكر ينزلها هتبدأ من 180 الف فاضيه أقل واجب , ودا صعب يحصل على الأقل عشان مابيوظش سوق الأسترا , دا حتى لسه مغليها عشان يوسع السكه شويه للكروز :)
استاذ حسام احييك على معلوماتك
واتفق معاك فى كل ما قلته لأنه كلام علمى سليم
مش اى فتى وخلاص
غاليه كده جدا طبعا ....الظاهر مفيش امل تلاقي عربيه فخمه و واسعه و كمالياتها قويه و قليله المشاكل في رانج ال 150 الف
شكرا يا استاذ عصام ربنا يخليك
مواتير الكروز فى أمريكا
1400 تربو - 1800 - 2000 ديزل
2014 Chevy Cruze: Engine and Specs - Powertrain | Chevrolet
من ساعة ما الدولار زاد والدنيا باظت , ال 150 الف تجيبلك Compact-Car زى الإلنترا والسيراتو والكروز والشارك بس هاتكون أول فئه أو تانى فئه بالكتير
أو تجيب SubCompact كامله زى البيجو 301 والإليزى والريو والأكسنت
[QUOTE=Hosam_Optrawy;3875277031]
مواتير الكروز فى أمريكا
1400 تربو - 1800 - 2000 ديزل
2014 Chevy Cruze: Engine and Specs - Powertrain | Chevrolet
شوف يا باشا الرابط ده
Powertrain
ده منتدى فى امريكا وشوف روابط المواتير دى
أيوه دا منتدى ومحطوط فيه قسم لل 1.6 و 1.6 تربو عشان لو حد معاه كروز بالمواتير دى من خارج أمريكا يتكلم عنها , لكن الموتورين دول مابينزلوش أمريكا زى ماهو واضح فى اللينك اللى انا حطيته فى المشاركه اللى فاتت ودا موقع شيفروليه أمريكا الرسمى
حتى لو فتحت القسمين دول هاتلاقى كل قسم فيه موضوع واحد فقط , لكن قسم ال 1.4 تربو فيه أكتر من 1000 موضوع
بالمناسبه لقيت دلوقتى ان ال 1600 تربو بينزل فى أستراليا كمان بالإضافه للصين
طيب انا اعرف منين هيا كام حصان و مفيش خوف من الاوبشن الكتير ده لو حصلو حاجه يتصلح ولا ايه؟