انا عندي اولسيه الكرنك بيرشح زيت
المهم انا كنت بحط زيت شيل ٥-٤٠ تخليقي وما فيش مشكله وكله تمام
جه معاد تغير الزيت قلت احط زيت شيل الاصفر علي اما اعالج التسريب في العربيه
طبعا رحت بنزينه شيل الي بغير فيها علي طول اضمن طبعا
التكلفه ١٤٠ جنيه علي اساس ان ده زيت يتغير علي ٥٠٠٠ كيلو
مكملتش ٢٠٠٠ كيلو والعربيه بدات تدخن كانها مفوته
وخلاص قلت الماتور فوت ولازم ارميه
المهم قلت افحص بيه الاول خاصه ان معاد الفحص قرب
وبالصدفه لقيت زيت بيتباع نوع جديد وانا بشتري قطعه غيار من شارع دمشق عجبتني علبته قمت شاريه
وغيرته ادور علي دخان ما فيش ريحه زيت بيتحرق ما فيش
طب ده كدة تمام قوي والماتور زي الفل ونوع الزيت الي كان دون المستوي
من الواضح ان الغش وصل للزيوت المعبئه في مصر
وداعا لاي زيت معبا في مصرنا الحبيبه