تقييم السبارك بعد 3,000km

**Asadek** · 15-09-2008 03:24 PM

أهلا إخواني وكل عام وانتم بخير
أنا استلمت الشيفرولية سبارك من أبو غالي 3/8/2008 عديت بيها ال3000km والحمد لله هي سيارة كويسة بالمقارنة بسعرها وان كان ينقصها بعض الاشياء وارجو ان تتقبلوا تقيمي المتواضع هذا
أولاً السيارة تصنيع وتقفيل كوري وطبعا دخلت تحت مظلة شيفرولية بعد شرائها لدايو موتورز الكورية لذلك هي إمتداد للدايو ماتيز بعد التطوير
في رايئ هي سيارة جيدة ينقصها بعض الاشياء زي مثلاً الباور الكاسيت الجيد مساند الرأس الخلفيةالزجاج الكهربائي الخلفي لذلك اري ان سعرها لابد ان يقل حوالي 4 او 5 الاف لتصبح سعرها مقبول مقابل امكانياتها هي بـ56000 الف جنية بالمناسبة
المهم الموتور4 سلندر جيد ناعم الي حد كبير انجكشن طبعاً وان كان 8 صباب فقط وليس 12 زي مثيلاتها في نفس الفئة استهلاك البنزين كم/20لتر حوالي 285 داخل المدينة بدون تكييف
الفتيس جيد وان كنت بحس بعضة خفيفة لكن غير مزعجة وان شاء الله يكون لها حل في صيانة ال5
الثبات معقول بالمقارنة بالابعاد والوزن انا جريت بيها لحد 120 فقط وكانت الاستجابة جيدة ولكني لا احب الجري الغير مبرر
التكييف ليس قوي في حالة التوقف ولكن يتحسن مع السحب كثيراً لدرجة اني بقلل البرودة ولكن يوجد ثأثير ملحوظ علي السحب خصوصاً لما التكييف بيفصل ويشتغل وكمان الاستهلاك بيزيد بنسبة حوالي 15%
الفرامل جيدة وتستطيع ان توقف السيارة في توقيت جيد
غلق الابواب ناعم فيما عدا الشنطة اعتقد انها تحتاج للقليل من الضبط
لمبة الصالون مزعجة جداً للسائق وكان لابد من تصميمها بشكل اخر
ارجو ان اكون احسنت التقييم وغطيت النقاط المهمة

**semsem85** · 15-09-2008 03:54 PM

شكرا علي التقييم الرائع وان كنت هعقب علي بعض الحاجات بالنسبة للسعر انت عندك كيا بيكانتو ب62000 باور وتكيف فقط و2زجاج امامي وسنتر وتكيف وباور64000 انا شايف ان سبارك سعرها مناسب المفروض انها بتعمل 400 في السفر لكن 285 داخل المدينة بدون تكييف ده كتيرر اوي امال بتتكيف تعمل كام دي استهلكها اكتر من 1600cc ممكن حضرتك توضح لمبة الصالون مزعجة ليه

**Hosam_Optrawy** · 16-09-2008 06:42 AM

مشكور جدا على التقييم
ورأيى ان سعرها مناسب جدا بالنسبه لامكنياتها بالمقارنه مع البيكانتو وال i10 اللى اغلى منها بحوالى 10 الاف ومفيش فرق كبير بينهم

**samehzamzam** · 08-02-2009 12:04 AM

مش فاهم يعنى ايه لمبة الصالون مزعجة جداً للسائق!!!

**WALEED9001** · 24-02-2009 02:11 PM

يا زميل ربنا يطمنك عشان انا سوف اشترى السيارة بعد ما ابيع سيرتى ال128 اسبور ال3p وهى سيارة المانية الصنع موديل 1978 واللهى بينى وبنها عشرة كبيرة 11 سنة وعمرها مزعلتنى فى شى ربنا يصبرنى ويكرمنى بالاسبارك