سير الكاتينه 301

**eleanor** · 08-11-2013 05:20 PM

المشاركة الأصلية كتبت بواسطة amrelsaqqa

لا مش صوت المروحة انا قصدى صوت السلانسيه بتاع الموتور نفسه ، وانت قدام الموتور فيس تو فيس مش وانت قافل الكبوت

وانت قافل الكبوت مش مسموع اوى ، ووانت في العربية مفيش اي مشكلة

انا بتكلم لما تبقى فاتح الكبوت وشايف المكنة دايرة قدامك

ابقى جرب موضوع الاريال وقوللى ايه الاخبار بس ابقى اركن في حتة امان مش على طريق :)

صوت التكتكه العالى ده علشان الرشاشات بتاعت العربيه كبيره والعربيه لسا جديده الصوت ده هايبتدى يقل ويبقى طبيعى بعد 3000 كيلو
اما سير الكاتينه فهو كاوتش زى ال 307 والجنزير فى ال 508

**Ahmed Amin** · 09-11-2013 11:31 PM

المشاركة الأصلية كتبت بواسطة eleanor

معلش يا استاذ احمد لا ده تقصير وتقصير كبير من التوكيل فى مصر لان العربيه بتنزل بجهاز انذار واساسى بره مصر بس التوكيل هنا اللى بيطلب طلبات غريبه
والمفروض مصر تحط قائمه بالمواصفات القياسيه ليها علشان مش كل توكيل يشتغل بدماغه

طيب شوفت عربية بتنزلها بيجو في فرنسا أو في أي حتة فيها أوروبا زي ال 508 مثلاً بينزلو فيها أنذار وبتضرب سرينة لما بتتخبط أو بتفتح باب ؟ عشان أنا مشوفتش,,
وعلي حد علمي بيجو مش بتعمل جهاز الأنذار من زمان لأن الأيموبلايزر بيغني عنه, والعربية مش هتدور من غيره.
وكمان موضوع السرينة بتاع الأنذار مخالف لقوانين الضوضاء اللي عندهم,, وفي دول زي ألمانيا لو عربية فيها ضربت السرينة في الشارع بشكل متواصل سواء حد راكب فيها أو مقفولة بتتخالف وممكن تتسحب بسبب الأزعاج دا.

فال التوكيل علي حد علمي مش شغال بدماغة,, ومش بدافع عنه بس بتكلم كلام موضوعي,
لو كنا شفنا ال 508 أو 308 مثلاً نازل فيها أنذار في فرنسا أو أي دولة تانية في أوروبا, كنا ممكن نقول أحنا محتاجين المواصفات دي تنزل لنا.
لكن عشان نطلب من التوكيل إنو يطلبها من المصنع وهيا العربية فيها حاجات تانية بتغني زي الأيموبلايزر,
فالموضوع دا هيبقي نسبي ساعتها وهيبقي في أيد المصنع تاني زي مانا وضحت لأنو لو المصنع نزلها للوكيل بأيموبلايزر ومن غير أنذار الوكيل مش هيقدر يقوله مش بايع إلا أما تنزلي فيها أنذار.!

لأن العربية كدا كدا هتبيع, ونازلة بنفس المواصفات دي في كل البلاد,,
ومش هتتسرق بالأيموبليزر, بس ممكن تتسرق لو فيها أنذار من غير أيموبلايزر..

**Ahmed Amin** · 09-11-2013 11:37 PM

المشاركة الأصلية كتبت بواسطة hugan

ايوا ياباشا اناواخد بالي
لاء طبعا السارينه مش هاتحمي العربيه من السرقه
بس بتفيد انك بتسمع صوت اللوك لما بتقفل السنتر
وبتفيد لو حد فكر انه يفتح العربيه
بس انا باشوف افلام امريكاني
وفيها العربيات فيها سارينه
اكيد فيها ايمبولايزر
ومنها عربيات اوروبي في امريكا
والصيني والكوري فيهم ايمبولايزر وسارينه
يعني السارينه مش نازله في العربيات معدومه الايمبلويزر بس

العربية لما بتقفل اللوك بينور نور الأنتظار بس لفترة طويلة,, يعني مش بيرعش,
ولما بفتحها بيرعش كتير بلمبات الأنتظار بس بسرعة أعلي من سرعة الأنتظار الطبيعية,
ودا بيوضح أنها قفلت,,

وكمان صوت سنتر البيجو ملحوظ, يعني عامل زي طلقة المسدس كدا,, حاجة محترمة. :d
صعب أن الواحد ميلاحظوش,,
علي عكس في اللانسر البومة مثلاً صوت السنتر كان هادي أوي,,

وكان عندي في اللانسر البومة نفس الكلام بالمناسبة, بتنور بطريقة معينة لما بقفل السنتر,
وأكيد كلنا بنبقي سايقين وكلنا بنشوف يعني وهنبص علي العربية وهيا بتقفل وتفتح.

علي عكس أنك لو مدي العربية ضهرك أو بعيدة عنك لو فتحتها أو قفلتها وسمعت الصوت وجمبها عربية من نفس نوع عربيتك مش هتبقي عارف هل عربيتك اللي قفلت ولا العربية اللي جمبها لو مكنتش نورت. ;-)

**Ahmed Amin** · 09-11-2013 11:42 PM

عايز أضيف ملحوظة علي الموضوع دا بخصوص سير الكاتينة,
إن بيجو بتنزل في العربيات اللي مواتيرها بنزين عادية سير كاتينة كاوتش,,
واللي مش بتعدي 120 حصان زي ال 307 وال 301 وال 408.

والعربيات البنزين التربو بتنزل سير كاتينة جنزير,
واللي بيكون عزمها أعلي وبتعدي ال 150 حصان زي ال 308 تربو وال 3008 تربو وال 508 تربو.

والمواتير التربو دي اللي كانت bmw داخلة في تطوريها مع بيجو,
مقابل أن bmw تاخد من بيجو تكنولوجيا مواتير الديزيل اللي كانت بيجو متقدمة فيها جداً في أوروبا عن باقي الشركات.

**eleanor** · 10-01-2014 06:56 AM

المشاركة الأصلية كتبت بواسطة Ahmed Amin

العربية لما بتقفل اللوك بينور نور الأنتظار بس لفترة طويلة,, يعني مش بيرعش,
ولما بفتحها بيرعش كتير بلمبات الأنتظار بس بسرعة أعلي من سرعة الأنتظار الطبيعية,
ودا بيوضح أنها قفلت,,

وكمان صوت سنتر البيجو ملحوظ, يعني عامل زي طلقة المسدس كدا,, حاجة محترمة. :d
صعب أن الواحد ميلاحظوش,,
علي عكس في اللانسر البومة مثلاً صوت السنتر كان هادي أوي,,

وكان عندي في اللانسر البومة نفس الكلام بالمناسبة, بتنور بطريقة معينة لما بقفل السنتر,
وأكيد كلنا بنبقي سايقين وكلنا بنشوف يعني وهنبص علي العربية وهيا بتقفل وتفتح.

علي عكس أنك لو مدي العربية ضهرك أو بعيدة عنك لو فتحتها أو قفلتها وسمعت الصوت وجمبها عربية من نفس نوع عربيتك مش هتبقي عارف هل عربيتك اللي قفلت ولا العربية اللي جمبها لو مكنتش نورت. ;-)

بالفعل يا استاذ احمد بتنزل فى كل الدول الاوروبيه بعض الموديلات بجهاز انذار وممكن تفصله لو عاوز بيبقى ليه زرار فى الكونسوله جنب الاى درايف فوق زرار النجده والاتصال بالشركه الى مرسوم عليه الاسد وتقدر تشوف الصور على جوجل
وده فيديو من اول الفيديو فيه زرار جنب الاى درايف على اليمين عليه علامه العربيه وجواها مفتاح
Peugeot 508 1,6l THP explicit video 6.avi - YouTube
وده لينك لصوره بس يارب تكون واضحه وهاتلاقى فيديوهات كتير باين فيها
https://www.google.com.eg/search?biw...2F%3B550%3B412