هل من منافس؟؟؟؟

**mohamed ibiza** · 15-09-2008 04:17 PM

SMG وكيل SEAT بمصر اعلن عن طرح الابيزا نفس شكل عام 2008 بمحرك جديد و ناقل حركة جديد فقد تم طرح الابيزا بمحرك 1600 سي سي 105 حصان و ناقل حركة ستيب ترونيك و السعر مفاجأة بكل المقاييس!!!!!!!!!

سيارة بشهرة الابيزا سبور هاتش باك 1600 سي سي الماني اسباني
ABS
EBD
AIR BAGS
و بالسعر ده بصراحة ضربة من SMG السعر اللي انا كنت متوقع انه يزيد عن 120 الف جنيه طلع ................113 الف للنسخة الستيب ترونيك 1600 سي سي موديل 2008

الكوردوبا 1600 ستيب ترونيك 123 الف !!

اظن الاسعار دي هتقلب الموازين لو اتخدمت كويس و خدت دعاية

العربية متواجدة حاليا في التوكيل و باب الحجز مفتوح و التسليم بعد العيد اخبار لسه طازه من توكيل سيات

و في اقرب وقت بأذن الله هنزل فرع جامعة الدول و اعمل تغطية و اجيب بروشورز و اشوف الكماليات الجديدة و الاضافات الجديدة في العربيتين

كان معكم MOHAMED IBIZA:party:

**salem** · 15-09-2008 04:20 PM

ana rashe2 ma3ak
isA anzl enharda b3d el fetar aro7 ashofha we isA asawrha

**Mohamed_Ibiza** · 15-09-2008 04:21 PM

ياسيدي يا سيدي الله ينور يا محمد والله ينور يا سيات هقبال مشوف الابيزا كده زي الادا في الشارع المصري Lol

**hazem_khidr** · 15-09-2008 04:26 PM

لا اعتقد يوجد منافس بالسعر دا.
يا ريت بقي نرجع نشوف الابيزا في الشارع زي زمان

**mohamed ibiza** · 15-09-2008 04:26 PM

المشاركة الأصلية كتبت بواسطة salem

ana rashe2 ma3ak
isA anzl enharda b3d el fetar aro7 ashofha we isA asawrha

انا برضه ان شاء الله هحاول انزل النهاردة بعد الفطار لاني بصراحة همووووووووت و اشوف ال 1600 علي الابيزا:D

**MoToRiZeR** · 15-09-2008 04:31 PM

سعر في الجون و إمكانيات في الجون برضه

**ismaeel** · 15-09-2008 05:58 PM

سعر كويس فعلا و متهيالي كده مبيعاتها هتزيد اكتر و هنرجع تاني نشوفها منتشره

**Ghamrawy** · 15-09-2008 06:02 PM

خبر يدعو للتفائل بجد
يا ريت يا جماعة بعد اذنكم تجيبوا لنا صور عن مساحة الشنطة و المسافات بين الكراسى و الكنبة و الفرق بين الدركسيون و كرسى السواق .............. و شكرا مقدما

**Ahmad Allawy** · 15-09-2008 06:51 PM

حبيب هارتي..
موضوع حميل بس انا عندي تصحيح صغير..
اولا انا فعلا شوفت العربية في معرض جنب البيت عندي ف المقطم..
في عندي شوية ممعلومات زيادة عن العربية.. من اعلانها اللي نزل في اخبار السيارات ملحق يوم السبت اللي فات..

الموتور 1600 سي سي 16 صباب بقوة 105 حصان
ايه بي اس بس مفيش ايه بي دي..
باور ستيرنح كهربا اليكتروني يعني مش هيدروليك
دركسيون مالتي فانكشن
تكييف نصف اوتوماتيك.. ودي بصراخة مش فاهم معناها.. ابقي اسألهم ف التوكيل,,
ؤاديو سي دي ام بي 3 مع وصلة اوكس ان.. يعني ممكن تشغل اي حاجة خارجية,, و 6 سماعات..
ريموت كونترول
2 اير باج
طار و فتيس جلد..
شاشة معلومات
باور لوك.. (برضه مش فاهم ايه ده..)
و المفاجأة ان العربية ليها ضمان سنتين.. بدون حد ادني للكيلومتر..

ابقي قولي انزل اتفرج معاك بس لو في تست درايف..
ةلة عايز تتفرج دلوقتي تعالي المقطم و هافرجك.. عليها و علي الليوم و الالتيا كمان.. يلا ولا تزعل.. :)