هل العيشه فى مصر خطأ فى حق انفستا ؟ سوأل للمغتربين المصريين و الراغبين فى السفر

اقتباس:

---

المشاركة الأصلية كتبت بواسطة m i d o

انا حلمي اخلص دراسة بسرعة ان شاء الله و اسافر برة عاوز اروح كندا واقعدلي هناك بتاع 10 سنين وبعدين ارجع تاني بلدي لان للاسف في مصر عشان تقدر تعيش وتاخد حقوقك ك بني ادم وتعيش بكرامتك محتاج تكون معاك فلوس او سلطة غير كدة هتعيش في مصر حقك مهضوم وملاكش كرامة واسف علي كلامي بس دة الواقع

---

صديقي المواطن
تعقيب بس بسيط
مين قاللك إنك لو قعدت 10 سنين في دول مشابهة لكندا حتعرف تسيبها وترجع مصر تاني قولا واحدا ده من المستحيلات ﻷن فكرك حيتغير واللي بتبقله النهارده وبتعتبره عادي بعد مترجع حتعتبره جريمة في حقك وطبعا كل مغترب تيجي عليه فترة يشغل اﻹسطوانة المشروخة بتاعت بلدي ووطني والهوم سك والخزعبلات دي ويتعب كل من حواليه في الغربة مراته وعياله وده محدش يجادله ويتعب نفسه معاه لحسن يعند سيبوه ينزل أجازة بس مصر أسبوع ومن أول دخلة المطار لمشاكل التاكسي والميكروباص والتكاتك والركنة والسواقة ولو أي يوم إسود إظطر يروح فيه لمصلحة حكومية زي مرور وغيره هو من نفسه حيلف ويرجع تاني وحيتوب عن الجريمة دي
لما تعيش بره ترجع مصر شهر كل 3 سنين تبكي على حالها وتاكل فول وطعمية وإلى الوراء در وتمشي ومتنساش تجيب هدايا ﻷهلك والمحيطين وطبعا كلهم حيتعبوا لما يشوفوك وحتاخد عين وحسد للصبح رغم إني مبرميش وداني للصغائر دي
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

اقتباس:

---

المشاركة الأصلية كتبت بواسطة amr011111

يا جماعه احنا ممكن نحاول نطور البلد بأيدينا فى الوقت الحالى لو كل واحد بيحب البلد فعلا ممكن نجمع مع بعض أفكارنا وايه اللى عاوزين بلدنا تبقى فيه يعنى مثلا عاوزين نخلى تطليع الرخصه مثلا بالتليفون حد يجى يرفع رقم الموتور والشاسيه وتدفعله المصاريف كامله وتانى يوم الرخصه تيحى لحد بيتك
نشوف مثلا العيوب اللى فى الطرق ونجمعها والسلبيات اللى بنشوفها

ونجمع مننا مندوبين او تلاته ونروح نقابل اى محافظ ونساعد فى بناء بلدنا
وبرضه نحاول نتكلم مع ائمة المساجد فى المناطق اللى احنا ساكنين فيها انهم يكلموا فى الامور المعاصره يعنى مثلا يتكلم فى ان رمى الزباله حرام وان اللى بيدق حديد فى الارض لحجز مكان لسيارته حرام دينياً
وان اللى سايق توكتوك وبيعلى صوت الكاسيت حرام
وممكن لو ناس بتشتغل صح تجمع نفسها فى مجموعات وتخاطب فئات الشعب
ولو خلصت النوايا فعلا هنكون فى خلال سنوات قليله من الدول المحترمه

---

باشا ريح نفسك و شيل من دماغك ان ممكن الدنيا تظبط
مش الناس نزلت عملت ثوره يناير و قعدوا يعملوا شقلباظات و اي هبل علشان فاكرين ان كده الدنيا هتنضف!!!!!

اتفرج بقي الناس بتعمل ايه بعد الثوره و سلوكياتها بقيت العن واوسخ من الاول
معظم الشعب المصري عنده شويه جينات وسخه في دمه مهما الدنيا نضفت حوليه برضوا هيدور علي الوساخه
الثوره ديه عباره عن شماعه الشعب علق قذارته عليها

شوف المصريين بره بيعملوا ايه
اكثر من واحد اعرفه سافر بره يقولي اوسخ و ازبل ناس ممكن تشوفها بره هما المصريين

العيب مش في النظام العيب في جينات قذره عمرها ما هتتغير في المصريين

فا متتعبش نفسك في فكره اننا نحسن و ننضف الدنيا حولينا و الكلام الحمصي ده
مواقف كتير الواحد بيقابلها في حياته ان الشخص القدامه لازم يتبع اسلوب قذاره لا متناهيه علشان فاكر كده انه بيشوف مصلحته
في نفس الوقت لما افكر لو هو مشي باسلوب انضف هياخد مصلحته و مصلحه غيره و بزياده
بس الموضوع ذي ما قلت قبل كده جينااااااااااااااات وسخه عمرها ما هتتغير

انا بشتغل برة مصر بس الحمد للة بنزل كل شهر أو شهرين حسب الشغل
زمان كنت لما ارجع مصر أيام كان بيهون عليا انزل على ارض مطار القاهرة وابوسها من فرحتى برجوعى مصر

ودلوقتى واللة العظيم الواحد بعد الثورة العظيمة القومية الشعبية والمناظر اللى بيشوفها وسلوكيات الناس فى الشوارع والموتسيكلات والتكاتيك وسواقين التاكس خلاص البلد بقت عايزة نوعية من الناس اعصابها تستحمل وانا مش من النوع دة
دة انا فى مرة راجع من سفر كنت هاموت بسبب عربيتين نقل
واحد ماسك اقصى اليمين والتانى جاى مخالف وانا فى النص بزمتك مش دية كانت هاتكون موتة رخيصة!!!!!

الشعوب التانية خلصت من تطبيق النظام والعدل ودلوقتى بتبدع فى مجالات تانية فعلا الناس دية سابقانا بسنين ضوئية

دة انا فى مرة من المرات كنت فى اثيوبيا (اديس ابابا) واللة الناس هناك عندها زوقيات فى السواقة وفى احترام المرور مش موجودة عندنا دول اللى احنا بتريق عليهم على فكرة وبلد فيها حكومة قوية حدااااا

انا لولا أمى واللة العظيم لكنت خدت اولادى ومراتى وهاجرت من البلد على الاقل اولادى مش هخاف عليهم لو مشيو فى الشارع بليل دة الواحد بيسمع عن حوادث تقشعر لها الأبدان

انا ليا صديق شغال فى الأمارات بقى بيقضى احازتة السنوية فى تركيا لأن ابوة وأمة متوفيين وهاينزل لمين معاة أولادة ومراتة وبيقولى مابعرفش اسوق العربية فى مصر هههههههههههههه

مش معنى كلامى ان انا سلبى والكلام دة انا اكتشقت ان احنا شعب عايش على الماضى بيحب الشعارات وحب البلد عندة يعنى كام اغنية وطنية وخلاص

عايزين ثورة بس ثورة اخلاق ثورة فى تعاليم الدين وكيفية تطبيقها

البقاء فى مصر لية عيوبة ولية مميزاتة , ولكن عيوبة اكتر بكتير من مميزاتة و للاسف العيوب دية هية من اساسيات ان يكون الانسان عايش حياة كريمة

ومميزات بقاء المصرى على ارضة ووطنة , هية كلها مميزات اجتماعية ليس اكتر

عموما اللى مش قادر يعيش ويتأقلم هنا فى البلد دية كمثلا مرتبة ضعيف ومش قادر يعيش بية عيشة كريمة , او مثلا مش لاقى شغل , او مثلا مش قادر يعيش ويتعايش مع طبيعة الاغلبية من الشعب المصرى ( لان اكيد مش كلهم بلطجية واكيد مش كلهم وحشين ) ودائما فية ناس ربنا بيوقفلها اولاد الحلال فى طريقها

لو اى حد بيواجة المشاكل دية يسافر

بس بردة تبقى عارف انك لو سافرت مش هتلاقى الدنيا وردى , مش هتاخد مرتب خيالى وانت قاعد حاطط رجل على رجل , لأ دانت هتدفع تمن كل قرش بتاخدة شغل وبهدلة واحيانا تفرقة عنصرية من الاخر هيطلعوا منك كل معلومة فى دماغك وكل قوة جسمك عشان تفيدهم فى الشغل , لانهم عارفين انك جاى هنا مجرد لاجىء عشان مش لاقى العيشة الكريمة فى بلدك ولا مرتب يكفيك , وانت جاى هنا تقبض طيب تعالى اقبض بس استحمل

لكن لو تقدر تستحمل فى البلد دية لحد ماتقف على رجليها تانى , وهتقف محدش يقول مش هتقف تانى , وارجعوا للقرأن والاحاديث وانتوا تتأكدوا

بص يا افندم الموضوع ده شاغل تفكيرى بقالى فترة كبيرة جدااا
الحياه هنا جريمة بجدفى حق نفسك و حق ولادك و فى نفس الوقت تربية الابناء تربية اسلامية صحيحة فى بلد غير مسلم مسألة صعبة ان لم تكن مستحيلة
انا ناقشت الموضوع مع ناس كتير بتفكر فى السفر او بالفعل سافرت و رجعت عشان يربوا اولادهم هنا لما وصلوا لسن بداوا فيه يستوعبوا اللى بيحصل حواليهم
لكن هما نفسهم مش متأقلمين مع البلد
مهو مش ممكن بعد مما كنت عايش زى البنى الادميين تيجى تعيش فى مصر يعنى

المهم انا وصلت لدرجة انى قررت الهجرة فعلا و انا بنت ولوحدى انا عارفة انه تفكير كثير من الناس بتقول عليه غير عقلانى لكن انا فعلا مش قادرة اعيش فى البلد دى اكتر من كده من تسيب و اهمال و مفيش حقوق و لا نظام و لا محاسبة و لا امان و لا حياه لاى بنى ادم بيحترم نفسه و الا هيعيش معذب نفسه
انا مش امنة على نفسى و دا كافى
انا عندى هنا شغل مستقر و حياة نسبيا للى حواليا كويسة بفضل الله و لكن فعلا انا ماشية فى طريق السفر
على الرغم من معارضة والدتى لكن انا فعلا مش هظلم نفسى اكتر من كده
انا ليا مستقبل برا و مجال دراستى مطلوب و على الرغم من تفهمى ان الحياه مش دراسة و شغل فقط
لكن انا اصلا غير مقتنعة بفكرة تكوين اسرة فى مصر
دا ظلم

فبقول لحضرتك و لكل المحترمين سافر و لا يعنيك كون البلد هتفضى من الكويسين
البلد دى مش بتاعتنا دى بتاعت كام فئة كده كلنا عارفنهم

و ربنا هو القادر على كل شىء و الميسر لكل عسير

اقتباس:

---

المشاركة الأصلية كتبت بواسطة sameh_fouad

البقاء فى مصر لية عيوبة ولية مميزاتة , ولكن عيوبة اكتر بكتير من مميزاتة و للاسف العيوب دية هية من اساسيات ان يكون الانسان عايش حياة كريمة

ومميزات بقاء المصرى على ارضة ووطنة , هية كلها مميزات اجتماعية ليس اكتر

عموما اللى مش قادر يعيش ويتأقلم هنا فى البلد دية كمثلا مرتبة ضعيف ومش قادر يعيش بية عيشة كريمة , او مثلا مش لاقى شغل , او مثلا مش قادر يعيش ويتعايش مع طبيعة الاغلبية من الشعب المصرى ( لان اكيد مش كلهم بلطجية واكيد مش كلهم وحشين ) ودائما فية ناس ربنا بيوقفلها اولاد الحلال فى طريقها

لو اى حد بيواجة المشاكل دية يسافر

بس بردة تبقى عارف انك لو سافرت مش هتلاقى الدنيا وردى , مش هتاخد مرتب خيالى وانت قاعد حاطط رجل على رجل , لأ دانت هتدفع تمن كل قرش بتاخدة شغل وبهدلة واحيانا تفرقة عنصرية من الاخر هيطلعوا منك كل معلومة فى دماغك وكل قوة جسمك عشان تفيدهم فى الشغل , لانهم عارفين انك جاى هنا مجرد لاجىء عشان مش لاقى العيشة الكريمة فى بلدك ولا مرتب يكفيك , وانت جاى هنا تقبض طيب تعالى اقبض بس استحمل

لكن لو تقدر تستحمل فى البلد دية لحد ماتقف على رجليها تانى , وهتقف محدش يقول مش هتقف تانى , وارجعوا للقرأن والاحاديث وانتوا تتأكدوا

---

يا افندم ان شاء الله هتقف بس اخلاق الناس و ثقافتهم محتاجة وقت كبير جداا عشان تتغير و دا مع وجود خطة للاصلاح مش افلام السبكى
و برا فى بهدلة ماشى لكن فى نظام يعنى مطلوب منك 1 2 3 و هتاخد 1 2 3 و ان دا محصلش ففى قانون و قواعد كلنا بنتعامل بيها لكن مش فهلوة و محسوبية و بلطجة
اما العنصرية فدى ضريبة لازم نتحملها اذا كانت بلدنا ضاقت بينا متوقعين منهم ايه

اقتباس:

---

المشاركة الأصلية كتبت بواسطة 3mr farrag

باشا ريح نفسك و شيل من دماغك ان ممكن الدنيا تظبط
مش الناس نزلت عملت ثوره يناير و قعدوا يعملوا شقلباظات و اي هبل علشان فاكرين ان كده الدنيا هتنضف!!!!!

اتفرج بقي الناس بتعمل ايه بعد الثوره و سلوكياتها بقيت العن واوسخ من الاول
معظم الشعب المصري عنده شويه جينات وسخه في دمه مهما الدنيا نضفت حوليه برضوا هيدور علي الوساخه
الثوره ديه عباره عن شماعه الشعب علق قذارته عليها

شوف المصريين بره بيعملوا ايه
اكثر من واحد اعرفه سافر بره يقولي اوسخ و ازبل ناس ممكن تشوفها بره هما المصريين

العيب مش في النظام العيب في جينات قذره عمرها ما هتتغير في المصريين

فا متتعبش نفسك في فكره اننا نحسن و ننضف الدنيا حولينا و الكلام الحمصي ده
مواقف كتير الواحد بيقابلها في حياته ان الشخص القدامه لازم يتبع اسلوب قذاره لا متناهيه علشان فاكر كده انه بيشوف مصلحته
في نفس الوقت لما افكر لو هو مشي باسلوب انضف هياخد مصلحته و مصلحه غيره و بزياده
بس الموضوع ذي ما قلت قبل كده جينااااااااااااااات وسخه عمرها ما هتتغير

---

للأسف بقى ناس كتير من اللى متسببه فى ان البلد ديه العيشه فيها صعبه هما من الناس ذوى المؤهلات العليا اللى مش عاجابها حال البلد
اقولك ليه
عندك الطرق الزفت اللى فى بلدنا مين اللى نفذها ومين اللى استلمها مش مهندسين
مترو الانفاق اللى مخلى الناس مترميش زباله وجود العقوبه والغرامه والمتابعه من رجال الامن
دلوقتى رجال الامن مش بيشتغلوا طيب مش دول برضه مؤهلات عليا وفيه ناس ماتت فى حوادث مرور كتير ومنهم اقارب لضباط الشرطه مش لو كان ضابط الشرطه ده شايف شغله كانت الحوادث ديه هتقل
وقس على ذلك كل المجالات
فالبلد عاوزه واحد يمسكها يكون عنده افكار صح وناس بتشتغل صح واللى مش عاوز يشتغل يجبر على العيش باحترام الغير عن طريق القانون
يعنى لما يكون قاضى ولا وكيل نيابه بيكسر الاشارات وبيعمل كل المخالفات مش ده برضه مؤهل عالى
فعلشان كده انا قولت فى مشاركه سابقه بدل ما نلعن فى حال بلدنا نجمع افكارنا ونبقى اسمنا حاولنا

يعىى الشباب اللى شغالين فى جمعية رساله متبرعين بوقتهم علشان يساعدوا الناس
واهى افكار

انا ليا رأي و ممكن يحترم؟
انا مسافرتش ولا مره بس بصراحه بسعي جاهدا لتحسين دخلي ولكن ليا اصدقاء و اقرب متهم اللي سافر و رجع و منهم اللي عايش بره و معاه جنسيه
سفرك بره معناه انك حتشوف دنيا تانيه و اكيد احسن و الناس بره منظمه و محترمه والخ والخ لكن تيجي المشكله فعلا لما تيجي تنزل حتلعن مصر باللي عايشين فيها مانت بره و النظافه و الاحترام و كله كله حتيجي بعد الكبر على سن 45 او 50 لازم حتعوز تنزل بلدك حتلاقي اولادك و زوجتك تأقلموا على عيشه بره حتعمل ايه؟ ذنب اولادك ايه انهم ينزلوا هنا ماهيا مش بلدهم بلدهم اللي هما اتربوا فيها مش اللي ابوهم منها و بعدين اختلاف العقليات بره حيجبرك انك تربي اولادك على دماغهم مش دماغك لانك في البيت بس مش في الشارع ولا المدارس حترجع و معاك اموال ماشي لاكن انت عديت سن المشروعات و الاستثمار لانك حتكون في سن جني ماحصدته قصدي لو انك في مصر لسه المفروض ان مشروعك في المرحله ديه بيديك مش بتبدأه لسه... حاجه من الاتنين يا تسافر و مش حتعرف ترجع او تفضل معانا هنا و تناضل في الحياه

اقتباس:

---

المشاركة الأصلية كتبت بواسطة saddam

صديقي المواطن
تعقيب بس بسيط
مين قاللك إنك لو قعدت 10 سنين في دول مشابهة لكندا حتعرف تسيبها وترجع مصر تاني قولا واحدا ده من المستحيلات ﻷن فكرك حيتغير واللي بتبقله النهارده وبتعتبره عادي بعد مترجع حتعتبره جريمة في حقك وطبعا كل مغترب تيجي عليه فترة يشغل اﻹسطوانة المشروخة بتاعت بلدي ووطني والهوم سك والخزعبلات دي ويتعب كل من حواليه في الغربة مراته وعياله وده محدش يجادله ويتعب نفسه معاه لحسن يعند سيبوه ينزل أجازة بس مصر أسبوع ومن أول دخلة المطار لمشاكل التاكسي والميكروباص والتكاتك والركنة والسواقة ولو أي يوم إسود إظطر يروح فيه لمصلحة حكومية زي مرور وغيره هو من نفسه حيلف ويرجع تاني وحيتوب عن الجريمة دي
لما تعيش بره ترجع مصر شهر كل 3 سنين تبكي على حالها وتاكل فول وطعمية وإلى الوراء در وتمشي ومتنساش تجيب هدايا ﻷهلك والمحيطين وطبعا كلهم حيتعبوا لما يشوفوك وحتاخد عين وحسد للصبح رغم إني مبرميش وداني للصغائر دي
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

---

حبيبي يا صدام باشا بس هقولك حاجة مش انا الشخص الي بتتكلم عنة دة وصدقني مش هتلاقي حد بيحب البلد دي قدي وانا اتعرضت للظلم في مصر خلاني مش قادر اعيش في البلد بقيت بحس بصعوبة في التنفس طول منا عايش هنا لان الي حصل معايا في بلدي الي عشت عمري كلة بحلم باليوم الي اموت فية عشانها خلاني حاليا مش قادر اعيش في مصر ورغم حبي ليها عاوز امشي برضو واسافر برة مصر اشوف حياتي يمكن ربنا يكرمني وارجع تاني واقدر افيد بلدي في المجال الاقتصادي لان ليا طموح كبير جدا ومشاريع كبيرة نفسي اعملها عشان كدة لو ربنا اكرمني وسافرت هرجع هرجع ان شاء الله بس يوم ما هرجع هعوض كل الظلم الي اتعرضتلة عشان احس اني خلاص استريحت من جوايا وابدء من جديد احاول اساند بلدي في مجال جديد

اقتباس:

---

المشاركة الأصلية كتبت بواسطة الاستاذ

للعلم بالشئ ابراهيم الفقى مكنش عالم والشهادات بتعته طلعت مزورة
دة غير انه لو افترضنا انه كان عالم بجد محدش هيفكر يغتالة

---

الراجل كان شغال على تنمية الطاقه البشريه و محدش ينكر انه مسمع جامد
مطلوب من المصرى انه دايما يحس بانه حقير وضيع واطى مجرد صرصار
قناعتى الشخصيه انه اغتيل , صدف الموت الغريبه دى مبتدخلش دماغى
طيب و هو جمال حمدان اغتيل ليه رغم انه راجل بتاع جغرافيا بقى بمقياسك ؟ لانه كان بيحاول يفهم الشعب
ان مصر دى منجم الماظ بس لو الناس فاهمه

اقتباس:

---

عفوا السعوديه ليست دوله فاشله

---

اى انسان يؤمن بحقوق الانسان عارف كويس اوى انها دوله فاشله و حقيره و وضيعه و لو لفيت الكون كله لن تجد مكان تمارس فيه العنصريه كما تمارس فى شبه الجزيره العربيه العنصريه مقياس فشل كبير لاى انسان بؤمن بحقوق البشر و انه لا فرق بين جميع البشر
روح اشتغل فى دوله متقدمه حضرتك هتشتغل اكتر من ابن البلد هيقدروك اكتر منه
مش هيقولولك لا انا كفيلك هذا مصرى خلى ولى تريد تترك العمل بسويلك كنسله حبيبى فيه الف حمار غيرك يريد العمل و الله ما ادخلك البلد تانى
هو فيه دوله مش فاشله تروح المطار يرجعوك و يقولولك روح هاتلنا اذن سفر من كفيلك ده طبعا بعد ما بسلمته يفرجلك عن جواز سفرك اللى عاينه عنده فى الخزنه و قافل عليه