تجربة سيئة مع بريدجستون الايطالي :( ارجو المساعدة

**KamalShawqi** · 07-11-2013 07:31 PM

ازيكوا يا شباب

انا رحت لعبده أمين في المعادي وكان ذوق بصراحة وبعتلي عامل خدني من المكان اللي انا فيه لحد المحل، لاقيت عنده بريدجستون ايطالي ب٥٥٠ وبريدجستون ياباني ب٦٥٠ جنيه

سألته ايه الفرق بينهم؟ قالي الاتنين زي بعض، قولت في تفسي اكيد ما بينصبش عليا لأنه مالوش مصلحة يقولي الايطالي زي الياباني وقولتله هاتلي ٤ ايطالي وركبهم ورصصهم وشحنه نيتروجين ودفعت ٢٢٠٠ جنيه

المشكلة بقي لما قلبت في الكاوتشات لاقيتها تراكشن بي مش ايه ولا دابل ايه، سألت العامل قالي البريدجستون بينزل بي مافيش منه ايه، انا صدقت وسكت، وصدقت بس عشان قريت هنا مش فاكر في اي موضوع ان مافيش فرق بين تراكشن ايه وبي، وكمان العامل بيقول اول مرة اشوف حد بيسأل عن التراكشن، الكل بيهتم بالسنة والنوع والدولة والسرعة وبس

وانا بقي في طريقي من المعادي لاكتوبر، حاسس ان الكاوتشات بقت بتتزحلق في الفرامل مع ان عندي ايه بي اس!!!!!! وجربت في مرة اضغط فرامل جامد قبل مطب لاقيت الكاوتشات فرملت واتزحلقت علي الطريق مع صوت الزحف الشهير بتاعت الكاوتشات المتكلبشة في الرصيف نتيجة الفرامل

بصراحة مضايق جدا ومش حاسس بالامان مع الفرامل دلوقتي، شايفين اعمل ايه؟
ارجعله واقوله يركبلي الياباني وادفعله ٤٠٠ ولا اعمل ايه؟؟؟؟؟؟
برجاء الافادة

**Omar2017** · 07-11-2013 08:25 PM

حضرتك غلطان من البداية لأنها مفرقتش على 400 جنية يعني دة ياباني و ايطالي اكيد الياباني افضل و انا اوفقك في الرأي انك ترجعهم و تجيب الياباني

**mk3** · 07-11-2013 08:30 PM

يرجع كاوتش مشى على الارض? انا لو مكانه لا اقبل لانى استحرم ابيعه لعميل على انه جديد
انا لو مكانه اقصى شئ اشتريه مستعمل عشان ابيع مستعمل

**M I D O** · 07-11-2013 08:40 PM

الفكرة مش انك ترجعهم الفكرة هل هوة هيقبل يرجعهم بعد ما مشيت بيهم ولو قبل وعمل كدة وباعهم لحد تاني هيبقي غش تجاري ...

**KamalShawqi** · 07-11-2013 09:23 PM

المشاركة الأصلية كتبت بواسطة m i d o

الفكرة مش انك ترجعهم الفكرة هل هوة هيقبل يرجعهم بعد ما مشيت بيهم ولو قبل وعمل كدة وباعهم لحد تاني هيبقي غش تجاري ...

طبعا هايبقي غش تجاري اذا كان بالصورة دي

لكن ممكن ارجعهمله وانزل من تمنهم جزء بسيط واللي ييجي يشتري يخيره بين كاوتشات ما استعملتش، او كاوتشات استخدمت مشوار واحد من المعادي لاكتوبر والعكس (يعني ١٠٠ كيلو) بس ارخص ٥٠ جنيه في الكاوتش

ولا شايفين ايه؟؟ هو الفرق كبير كده بين الايطالي والياباني؟؟

**hugan** · 07-11-2013 09:41 PM

هو ايه التراكشن ايه وبي

**mk3** · 07-11-2013 10:30 PM

المشاركة الأصلية كتبت بواسطة mhkorayem

أنا كمان عاوز أعرف إيه التراكشن ده

الاحتكاك او التماسك على الارض وتقاس ب aa a b c
والافضل aa
واخونا اشترى b وكان امامه a اللى هى افضل.
بس الجديد عليا ان الفرق شاسع كده.
ارجو لو كنت غلطان حد يصححلى

**Ashraf_Ibrahim** · 08-11-2013 12:52 AM

هو خليني اقول ان 100 كم مش كافية عشان تحكم على الكاوتش يا عزيزي
وفارق البريدجستون الايطالي عن الياباني مش بالفارق الرهيب اوي دا
في النهاية الماركة او العلامة التجارية لبريدجستون ليها احترامها ولكن خلينا نقول انهي موديل من بريدجستون حضرتك جبته ؟!
جايز انت اخترت غلط اصلا !؟

-

الموضوع: تجربة سيئة مع بريدجستون الايطالي :( ارجو المساعدة

LinkBack

أدوات الموضوع

عرض

-

-

-

-

-

المواضيع المتشابهه

تجربة سيئة مع مودرن موتورز

تجربة سيئة جدا مع اوتو ايجبت

تجربة سيئة مع المتخصصون

محبى ومالكى السيراتو ارجو المساعدة (اخوكم فى حالة نفسية سيئة)

الكلمات الدلالية لهذا الموضوع

المفضلات

المفضلات

ضوابط المشاركة