الموضوع: ضبط عاطل أوهم المواطنين بقدرته استخراج شهادة بيانات من "مرور السلام"

المشاركة الأصلية كتبت بواسطة ahmedfathi

ازبل مرور فى مصر .ربنا يخلصنى منه .انا بروح اعمل الرخصه كل 3 سنين عشان الارف اللى هناك

ياريت لوكان ينفع كل 5 سنين
الشيء اللي مستغرب ليه
لييه مش عايزين يفصلوه ل3او 4 ادرارت

المشاركة الأصلية كتبت بواسطة kokowasfy

الموظفين الى فى المرور هما الى بيخلو الناس دى تعمل كدا الموظف بيدلع و مش عاوز يشتغل و يقعد يتنطط على الناس و يذل فيهم استغفر الله العظيم من كل واحد مقصر فى عملة ولا بيستهبل يجماعة احنا لازم نغير نفسنا و ثقفتنا البلد دى او اى بلد فى العالم مش هتتقدم خطوة واحدة طول ما فى اهمال و تسيب

ؤبنا يولع فيهم بجاز علي اللي بيعملوه في الناس

المشاركة الأصلية كتبت بواسطة ramymechanics

تلاقيه ماداهمش المعلوم فقبضوا عليه ... يا باشا الناس دى جوة مرور السلام عينى عينك ومش بس كدة دول بيدخبوا بورقهم لحد موظف الخزنة جوة مع ان فى عسكرى واقف عالباب والموظف بيقول لنا اما نتخانق معاه يا جماعة دى مصالح ناس تعبانة وبنخلصهالهم مع ان العيال دى شايفينهم برة بيقولى رخصة يا بيه ؟؟ ومش بس كدة شفت راجل غلبان كدة خدوا منه الورق و 50 جنيه عشان يخلص الورق وفلسعوا وبيقولوله عاوزين 500 جنيه ونرجعلك الورق الكلام دة جوووووووووووة المرور وقدام الشبابيك فمتقنعنيش ان الظباط مش عارفين يعنى ... آخر مرة بعد لفة 6 ساعات ادونى رخصة العربية رقم الشاسيه ورقم الموتور وشركة التأمين غلط تخيل !!! وكمان اديت الموظف 50 جنيه عشان يصلحها لأن الباشا كان قفل وماشى

مش عارف ليه دة المرور الوحيد اللى متحرقش فالثورة

يارب انت القادر
يولع مرور السلام بحريقه لاتبقي فيه ولا تذر
بالنسبه لسؤالك عن عدم حرقه في الثوره
طبيعي انه مايتحرقش
الحراميه والبلطجيه هايحرقوا مصدر شغلهم واكل عيشهم
تلاقيهم كانوا عاملين عليه نوبتجيات حراسه

مع انه في مدينه السلام
معقل الاجرام والمجرمين في القاهره