معرو على اكسارا 2 موديل 2002 ب 40 الف فيها العيوب التاليه

انا جديد فى الجروب
بسئل على اكسارا 2 موديل 2002 معروضة عليا ب 40 الف فيها العيوب التاليه (ده اللى اخدت بالى منها) عايز نصيحة اشترى و لا لا
1. مفتاح التكييف مش شغال (و صاحبها واخد وصلة و لما بيحب يشغلة بيفتح الكبوت و يوصل الوصلة ب البطارية و بيشغلة .... ده كلامة انا ما شفتش ) بس بيقول البكر شغال كويس
2. كرسى اللسائق الظهر مريح و مش ثابت
3. المرايا الشمال (جنب السواق) مكسورة
4. صوت الماتور عالى جدا اكنه غسالة (و هو بيقول محتاجة بليه ) تكلفتها 50 جنيه و اللى حيركبها ياخد 50 كمان
5. الباب اليمين الخلفى فى الدهان متشال واصل لعظم العربية (بيقولى محتاجة معجون و دهان الجنب و خد باقى العربية الجنب التانى و الكبوت و الشنطة نظافة) تكلفتها مش حتزيد عن 900 جنية

لو حبيت اكشف على العفشة و الماتور اكشف فين فى مصر الجديدة

و شكرا مقدما

بالمنظر ده العربية محتاجة عربية وابعد عنها عشان الفرنساوي لو مفيهوش غلطة بمعنى انه زيرووووووووووو بيصرف حوالي 3000 جنيه عشان تركب عربية تمام ومتعطلش منك فالطريق انما بالمنظر ده لو هيا فعلا هتكلف 1000 جنيه كان عملها ومبعهاش لكن للاسف لو فيها مصاريف 2000 لازم تعمل حسابك علي 5000 مش مصدقني جرب الكلام اللي بقولهولك ده عن تجربة انا اقتنيت اكتر من 25 عربية اكسارا 1 و 2

ولو احتجت اي استفسار انا موجود حضرتك شرفني بالاتصال وانا اقولك تكشف عليها ازاي بنفسك دون اللجؤء لمتخصص وتعرف اذا كانت كويسة ولا لا 01001113170

اقتباس:

---

المشاركة الأصلية كتبت بواسطة honda_lover

بالمنظر ده العربية محتاجة عربية وابعد عنها عشان الفرنساوي لو مفيهوش غلطة بمعنى انه زيرووووووووووو بيصرف حوالي 3000 جنيه عشان تركب عربية تمام ومتعطلش منك فالطريق انما بالمنظر ده لو هيا فعلا هتكلف 1000 جنيه كان عملها ومبعهاش لكن للاسف لو فيها مصاريف 2000 لازم تعمل حسابك علي 5000 مش مصدقني جرب الكلام اللي بقولهولك ده عن تجربة انا اقتنيت اكتر من 25 عربية اكسارا 1 و 2

---

صديقي المواطن
يعني إنت كده اللي بينطبق عليك قولة
بعد 14 سنة خدمة في ثانوي يتقال لي منطق من مسرحية مدرسة المشاغبين
25 عربية ركبت إكسارا وفي اﻵخر رسيت على هوندا لوفر أحييك على تفانيك في السيارة إكسارا أنا عن نفسي مصنفها في خانة ال لا سيارات إنت متفاني بصراحة وأكيد معلوماتك وخبراتك فيها حتنفع كل اﻷخوة الزملاء اﻷفاضل
وهذا ما لزم بيانه ودمتم
وبالتوفيق وإلى الأمام ومن نصر إلى نصر
ودمتم للنضال

اقتباس:

---

المشاركة الأصلية كتبت بواسطة saddam

صديقي المواطن
يعني إنت كده اللي بينطبق عليك قولة
بعد 14 سنة خدمة في ثانوي يتقال لي منطق من مسرحية مدرسة المشاغبين
25 عربية ركبت إكسارا وفي اﻵخر رسيت على هوندا لوفر أحييك على تفانيك في السيارة إكسارا أنا عن نفسي مصنفها في خانة ال لا سيارات إنت متفاني بصراحة وأكيد معلوماتك وخبراتك فيها حتنفع كل اﻷخوة الزملاء اﻷفاضل
وهذا ما لزم بيانه ودمتم
وبالتوفيق وإلى الأمام ومن نصر إلى نصر
ودمتم للنضال

---

ههههههههه علي فكرة اليوزر بتاعي هوندا لافر بس عمري مقتنيت سيارة هوندا معجب بيها فقط

انا شايف انك تشوف غيرها
والسعر ده كتير على عربية بالحالة دى

اقتباس:

---

المشاركة الأصلية كتبت بواسطة honda_lover

ولو احتجت اي استفسار انا موجود حضرتك شرفني بالاتصال وانا اقولك تكشف عليها ازاي بنفسك دون اللجؤء لمتخصص وتعرف اذا كانت كويسة ولا لا 01001113170

---

اشكرك لاهتمامك بالرد
فعلا انا صرفت نظر عنها
و شفت واحده تانيه اكسارا 1 موديل 2001 مفيهاش اى مشاكل غير الاتى :
1. مؤشر (لمبة) البنزين منورة على طول و قالى ان دراع طرمبة البنزبن محتاج يتغير (يا ترى تكلفتها كام)
2. فى شرخ فى الازاز الامامى عن الركن اللى ناحية المراية اليمين لكن مش بارز (يعن عديت عليه بايدى مش بارز )

غير كده العربية شكلا كويسة / جربتها و جريت بيها كويسة / و شغلت التكييف و هى بتجرى سحبها كويس

ايه رايك فيها تستلهل 40 الف
ولو حبيت اكشف على الموتور اكشف فين
و ايه اللى لازم اغيرة اول ما اشترى العربية (سيور - فلاتر - زيت ) و تقريبا تكلفتة كام و فين علما بانى فى عين شمس

اقتباس:

---

المشاركة الأصلية كتبت بواسطة m_kras

اشكرك لاهتمامك بالرد
فعلا انا صرفت نظر عنها
و شفت واحده تانيه اكسارا 1 موديل 2001 مفيهاش اى مشاكل غير الاتى :
1. مؤشر (لمبة) البنزين منورة على طول و قالى ان دراع طرمبة البنزبن محتاج يتغير (يا ترى تكلفتها كام)
2. فى شرخ فى الازاز الامامى عن الركن اللى ناحية المراية اليمين لكن مش بارز (يعن عديت عليه بايدى مش بارز )

غير كده العربية شكلا كويسة / جربتها و جريت بيها كويسة / و شغلت التكييف و هى بتجرى سحبها كويس

ايه رايك فيها تستلهل 40 الف
ولو حبيت اكشف على الموتور اكشف فين
و ايه اللى لازم اغيرة اول ما اشترى العربية (سيور - فلاتر - زيت ) و تقريبا تكلفتة كام و فين علما بانى فى عين شمس

---

مانيوال ولا اوتو ?
تكلفة تصليح مؤشر البنزين لو عوامة هتجيب طرمبة كاملة (450 جنيه ) انضف ليك ولو مش عوامة ابعد عن السيارة نهائيا لانها هتكون من الكمبيوتر وانت وحظك يتتعمل يتاقلم نفسك علي كده
بالنسبة للزجاج تكلفة تغييره (375 جنيه )

العربية اتوماتيك

بالنسبة للزجاج هو بيقول بقالة شهرين و مسرحش الشرخ .... تفتكر محتاج اغيرة دلوقتى و لا مالوش لازمة خاصة انه فى ناحية الكرسى اللى جنب السواق تحت خالص (و انا ما شفتوش غير لما نزلت و كنت بشوف المرايا اليمين)

بالنسبة للطرمبة هو بيقولى هى محتاج تغير دراع العوامة بس لان الدراع هو اللى مش بيتحرك فا اللمبة بتاعت موشر البنزين بتفضل منورة

ما قلتليش محتاج اغير ايه حاليا زى الفلاتر و السيور و الزيت
1. فى طريقة معينة اكشف بيها اعرف هى محتاجة اغير ايه
2. اغيرهم عند مين (خاصة انى ساكن فى عين شمس )
3. تكلفتهم كام
4. و الزيت استعمل زيت ايه

و شكرا مقدما صديقى

مستتعجلش واكشف علي العربية الأول انت مش حتشتريها ببلاش