اشتريت سوني z1

**horas3000** · 08-11-2013 04:50 PM

الف مبروك انا لسه واحد معرفه جايب ال zr
بصراحه لما مسكته كنت عايز اتف علي السامسونج اللي معايا
الاندرويد علي غير السامسونج experience تانيه

**mohaakotb** · 08-11-2013 07:10 PM

المشاركة الأصلية كتبت بواسطة Imhotep

الف مبروك و مستنيين انطباعاتك
هو من ضمن اقوى 3 مكنات موجودين حاليا فى عالم الموبايلات

الجهاز جميل جدا فعلا حاجه كده A piece of art :)

المشاركة الأصلية كتبت بواسطة dede_dodo88

مبروووك :)
هو نزل رسمي بالضمان ؟
أيه أنطباعك المبدأي ؟ و أيه ظروف الكاميرا ؟

الله يبارك فيك .. اه رسمي بالضمان من روق الله
انطباعي زي ماقولت حاجه فخيمه .. بالنسبة للكاميرا لسه مجربتهاش بصراحه

المشاركة الأصلية كتبت بواسطة د.محمود صلاح

الف مبروك .. جهاز ممتاز ولا ينافسه الا النوت 3
المواصفات كامله هنا
Sony Xperia Z1 - Full phone specifications

الله يبارك فيك .. انا مبحبش السامسونج ف بالتالي مكانش خيار ليا :)

**mohaakotb** · 08-11-2013 07:16 PM

المشاركة الأصلية كتبت بواسطة eleanor

الف مبروك انا معايا اخوه الصغير z بس جهاز روعه

الله يبارك فيك .. ال z جهاز تحفه منصحكش تغيره دلوقتي استني لما ينزل ال z2

المشاركة الأصلية كتبت بواسطة Dr.M_baz

ألف مبروك ... وربنا يبارك لك فيه.

الله يبارك فيك

المشاركة الأصلية كتبت بواسطة Ahmed_selmy

الف مبروك ويا ريت تقولنا انطباعك عنه .....انا معايا جدهم xperia acro s وشايف انه ممتاز جدا .

جهاز تحفة ما شاء الله بيشد الانتباه فورا :) و الاكرو اس جميل جدا انا فاكر اول لما نزل كنت هموت واجيبه :)

المشاركة الأصلية كتبت بواسطة أبو بودي وعمر

ولا منافس ولا زفت كويس انك جبته ومجبتش النوت زفت بصراحة ندمت إني جبته ياريتني جبت اتش تي سي أو إكسبيريا كل شوية تهنيج وتعليق وميموري مليانة وحاجة قرف
وحشتني يا آيفون

بص ماضحكش عليك كل الاندرويد معروف بالتهنيج وخلافه بس شركة عن شركة تفرق .. سامسونج معروفه انها مستقطب التهنيج رقم واحد في العالم عشان بتحط اضافات كتير في الموبايل واغلبها ولا بتستخدمها ف بتكون عبء وبتتقل الجهاز .. سوني و اتش تي سي بيضبفو حاجات قليله جداااا اللي هي هتكون عملية معاك ... بس بردو النوت 3 المفروض انه حاجه جامده رامات 3 جيجا ازاي بيعمل معاك كده ؟

المشاركة الأصلية كتبت بواسطة crazydeepman

مبروك ليك على التليفون انا معايا Xperia S. وجميييييل جدا و باسطني وانصح بجد كل اللي حيشتري بالسوني عشان الشاشات و الكاميرا لا منافس مع السوني

كل موبايلات سوني محترمه بصراحه .

المشاركة الأصلية كتبت بواسطة mastr_n

الف مبروك ياباشا

الله يبارك فيك

**mohaakotb** · 08-11-2013 07:20 PM

المشاركة الأصلية كتبت بواسطة horas3000

الف مبروك انا لسه واحد معرفه جايب ال zr
بصراحه لما مسكته كنت عايز اتف علي السامسونج اللي معايا
الاندرويد علي غير السامسونج experience تانيه

بالظبط نفس الاحساس وهيبقي احساس اي حد يمسك سوني او اتش تي سي وبعدين يمسك سامسونج

المشاركة الأصلية كتبت بواسطة r_gamal1

لو عايز لما اتصل بحد ويفتح عليا يدينى فيبريشن .؟ اشغلها منين فى السونى ؟
اصلها بتنفع اوى لما تكون ماسك التليفون ومش حاطه على ودنك
مشغلها عندى فى السامسونج وتليفون صاحبى سونى اكرو s مش لاقينها

تصدق ميزة جميلة جدا !! معرفش تقريبا مفيش في السوني .. طب انت بتجيبها عندك ازاي حاجه تبع السامسونج ولا برنامج خارجي ؟؟

**FAR!D** · 08-11-2013 07:21 PM

المشاركة الأصلية كتبت بواسطة r_gamal1

لو عايز لما اتصل بحد ويفتح عليا يدينى فيبريشن .؟ اشغلها منين فى السونى ؟
اصلها بتنفع اوى لما تكون ماسك التليفون ومش حاطه على ودنك
مشغلها عندى فى السامسونج وتليفون صاحبى سونى اكرو s مش لاقينها

برنامج بينزل بكده

**أبو آسر** · 08-11-2013 07:57 PM

المشاركة الأصلية كتبت بواسطة r_gamal1

لو عايز لما اتصل بحد ويفتح عليا يدينى فيبريشن .؟ اشغلها منين فى السونى ؟
اصلها بتنفع اوى لما تكون ماسك التليفون ومش حاطه على ودنك
مشغلها عندى فى السامسونج وتليفون صاحبى سونى اكرو s مش لاقينها

انت لفت نظري للخاصية الجميلة دي بصراحة ودورت عليها في جهازي النوت 3 لقيتها موجودة ومكنتش متفعلة
هي عندي من Settings > Device > Call > Call a l e r t s > Answer vibration & Call-end vibration
بس دورت على النت لقيت apps بتعمل الخاصية دي ممكن تجربهم من هنا
https://play.google.com/store/apps/d...connectvibrate
https://play.google.com/store/apps/d...d=ac.vibration
Download Vibrate on Call Connect 1.2.0 (Free) for Smartphone

المشاركة الأصلية كتبت بواسطة mohaakotb

بص ماضحكش عليك كل الاندرويد معروف بالتهنيج وخلافه بس شركة عن شركة تفرق .. سامسونج معروفه انها مستقطب التهنيج رقم واحد في العالم عشان بتحط اضافات كتير في الموبايل واغلبها ولا بتستخدمها ف بتكون عبء وبتتقل الجهاز .. سوني و اتش تي سي بيضبفو حاجات قليله جداااا اللي هي هتكون عملية معاك ... بس بردو النوت 3 المفروض انه حاجه جامده رامات 3 جيجا ازاي بيعمل معاك كده ؟

بصراحة ندمت إني جبت السامسونج بعد طول تردد بس قدر الله وما شاء فعل وإن شاء الله في أقرب فرصة هغيره وأجيب HTC أو Sony بس لما تمنه يبرد الأول !
وزي ما بقولك كده والله كل كام يوم كده آجي أضغط زرار الهوم علشان أعمل مكالمة ولا حاجة ألاقي الجهاز مبينطقش خالص والشاشة سودا ومش عايزة تجيب أي حاجة أضغط على زرار الباور مفيش فايدة برده لحد ما أقعد ضاغط عليه بتاع 10 ثواني كده ألاقيه عمل ريستارت ! ده غير التهنيج والبطء في الفتح أحيانا والميموري كل شوية ألاقيها تتملي أكتر من 90% مع إن الرامات 3 جيجا وأنا مش مشغل حاجة في الخلفية أساسا ! حاجة تقرف

**FAR!D** · 09-11-2013 03:05 AM

معلش برامج التنضيف ملهاش لزمه و برامج ال kill task او قفل برامج الخلفبه فعلا مفيده ر عشان تاخد الناهيه عليك و علي الروت و كستم روم و تركيب كيرنال يعلي سرعه المعالج و ان كنت مفهمتش كلامي ادخل على xda-developer او ce4arab و عييييش ال open source واعرف يعني ايه اندرويد