-
كلمة السر في علاج الانزلاق الغضروفي هي انقاص الوزن
نفس الشيء مع زوجي
لما بيخس بيبقى كويس
ولما ينسى نفسه ووزنه يزيد بيتعب
مع اي علاج واي دكتور واي طريقة
لازم انقاص الوزن
ربنا يشفيك ويشفي جميع المرضى
-
السلام عليكم ورحمة الله وبركاتة
أخى الحبيب الغضروف هو خروج السائل اللزج من بين الفقرات لخارجها وهذا يؤدى إلى:-
* ضغط الغضروف على العصب وبالتالى مهما فعلت من علاج طبيعى وخشب وغيره فستحتاج للجراحة طالما العصب مضغوط من الغضروف لأن ضغط الغضروف لفترات طويلة على العصب يؤدى لحدوث إتلاف للعصب
* يوجد حالات للإنزلاق الغضروفى ولكن لا تضغط على العصب أو تأثيرها محدود وهذه الحالات ينفع فيها الخشبة والعلاج الطبيعى وهنا يحكمنا طبيعة عملك وعايز إية بعد كده
وللعلم أنا عملت العملية فى 2005 وبعدها ب 3 شهور لعبت كورة وعشت حياتى عادى جدا بس لابد أن تبتعد تمام طوال العمر عن حمل أشياء ثقيلة لكن أنا لم التزم بالتعليمات نهائيا ورجع لى الغضروف واجريت عملية تثبيت فقرات فى 2012 وبفضل الله طبيعى وبالعب كورة بعد سنة من العملية وعمرى الان 40 سنة
عموما ستجد اراء كثيرة كما مر على من قبل ولكنك انت فقط من سيحدد فى ضوء حالتك ماذا تريد واللة الموفق
تقبل أرق تحياتى وشفاك الله وعفاك
-
اخي المريض
اخي العزيز
انا حالتي زي حالتك تمام ازلاق في الفقره الرابعه والخامسه من حوالي 7 سنوات
الاعراض الم حفيف في اسفل الظهر واحيانا يزيد شويه لكن المشكله كهرباء مستمره في الرجل الشمال واحيانا تكون خفيفه - لفيت علي دكاتره عظام كتير واحدهم نصحني بعلاج طبيعي لكن للاسف اضرني اوي وروحت لدكاتره مخ واعصاب وجربت ادويه ومسكنات كتير بدون فائده لحد ماروحت لدكتور مخ واعصاب شاف اشعه الرنين وقالي سيبك من المسكنات موش هاتنفعك وهاتضرك خليها للضروره القسوه وقالي مافيش علاج نهائي لحالتك لكن ممكن تخفيف الاعراض عن طريق تقليل الوزن وعدم رفع حاجه تقيله وتدفئه منطقه الظهر وحقن قيتامين بي 12
مره كل اسبوع وقالي انا موش بعمل جراحه الا اذا كان المريض موش قادر يمشي خالص
وفعلا قللت وزني شويه علي قدر المستطاع ( منها لله الحلويات ) وبطلت اشيل حاجه تقيله وباخد الحقن بس موش بنتظام واهي ماشيه والحمد لله معظم الوقت مرتاح بنسبه 80% وبتعايش مع المشكله لكن طبعا الكهرباء موجوده شبه مستمره لكن اخف من الاول
ليا اصدقاء عملوا العمليه وارتاحوا وليا برضه اصدقاء عملوها بدون فائده
بخصوص موضوع الخسبه دي زميلي في العمل عملها وريحته بنسبه 20% وبعدين رجع زي ماهوا - نصيحتي لو تقدر تتعايش قلل وزنك وماتشيلش حاجه تقيله وصلي وانت جالس وبلاش وضع القرفصاء ومع فيتامين بي 12 حالتك حاتتحسن بنسبه كبيره ان شاء الله ومع الوقت هاتتعود انت بس لسه جديد في نادي الانزلاق الغضروفي وتزكر اننا والحمد لله احسن من غيرنا كتير
واخيرا تمنياتي لك بالشفاء
-
شكرا يا جماعه لكل اللى ردوا وربنا يجازيكم خير
-
بص ياباشا موضوع الظهر ده انا بعانى منه من سنة 2005 و عملت كل اللى حضرتك بتقول عليه و اللى الاخوة بتحكى فيه و لكن كل واحد له علاج غير الثانى لان كل واحد حالته مختلفة عن الاخر و مدى تدهور الحالة بيأثر على اسلوب و طريقة العلاج و للاسف كلنا مهملين جدا فى نفسنا و كل اما بنحس بتحسن و لو طفيف بنحس اننا خفينا و بنعمل كل الممنوعات من الاخر لازم حضرتك تعمل اشعة رنين مغناطيسى على الفقرات القطنية و العجزية و دكتور كويس لازم يشوف الاشعة و التقرير بتاعها و يشخص حالة حضرتك و هو هيوجهك اذا كانت طبيعة الحالة و طبيعة الجسم ممكن تيجى بالعلاج الطبيعى و فى الغالب ده بيكون فى الحالات الخفيفة الاصابة يعنى لسة فى اولها و لكن فى حالتى انا كنت بعانى من انزلاق فى الفقرة الرابعة و الخامسة من سنة 2005 وروحت لعدد 6 داترة و كلهم اجمعو ان مش مستدعية عملية و ان الامور طفيفة و يمكن تداركها بالعلاج الطبيعى و الراحة و لكن نظرا لطبيعة شغلى القاسية فى التعامل تدهورت حالتى و اضطررت الى التدخل الجراحى فى سنة 2011 لان حدث سقوط فى مشط القدم و قمت بعمل عملية جراحية و الحمد لله الحالة تحسنت و لكن بنسبة 70 % و مع اقل مجهود احساس بالم مبرح و لكن نقدر نقول ان هناك تحسن فى مشط القدم و بعدين فى حركات و اوضاع كتير لازم حضرتك تاخد بالك منها عشان الحالة لا تزداد سوء و حاول تمشى على قد ما تقدر و ربنا يسترها معاك و انتقى الدكتور اللى هيباشر حالتك و ربنا يسترها معانا و معاك
-
ربنا يشفيك ويعفيك قبل كل شى بص العلاج الطبيعى اكيد كويس وفى ناس بتقول فى علاج بالعصا كويس بس خلى بالك بالك واختار صح وحاتلاقى دايما العلاج هادى وبياخد وقت سواء طبيعى او بالعصا زى الى فى الفيديو دة https://www.youtube.com/watch?v=5u4ji8K2ahI&t=85s
Content Relevant URLs by
vBSEO 3.6.0 PL2