عرض للطباعة
السلام عليكم ورحمة الله وبركاته
امس الخميس بعد صلاة المغرب كنت في الحرفيين بعمل ترصيص عجل
بعد ماخلصت وانا خارج شوفت عربية كيا كارينز 2014 زيرو بدون نمر لونها شامبين خارج من ورشة دوكو
اخرتها ايه مع الناس معدومة الضمير دي وفي الاخر الزبون يلبس عربية تمنها
اكتر من 200 الف جنيه وراشه .
بجد حسبنا الله ونعم الوكيل في الناس دي
يباشا بتحصل كتير جدا كمان.دانا يا راجل شوفت عربية نيسان صنى 2013 خارجة من مخازن الشركة بورقها و تقريبا رايحة معرض الراجل كان واقف يمون بنزين 80 من بنزينة معفنة.انا زهلت قولت لا حول ولا قوة الا بالله.وغبره كتير و بنشوف ساعات كتير سواقين المعارض بيجرو بالعربيات على الصحراوى 180 و 160 و المفروض العربيات ديه ليه بتليين.حسب الله و نعم الوكيل
الى بيحصل و الكلام ده عرفته من واحد شغال فى الطارق و كان شغال فى المصريه فبيحكى لى
المندور المفروض يستلم العربيه من القاهره يوديها اسكندريه بيتصرف له 100 جنيه بنزين العربيه و مصروفه
طيب حيعمل بيهم ايه يروح بيهم و لا ياكل و لا يشرب و لا يحط بنزين
فبيحط بنزين 80 على قد الفلوس الى عطينها له عشان يفضل معاه فلوس يصرف منها
كمان فى عربيات بيكون نازل فيها بعض كماليات زى عده او دوسات او هدايه عليها ماركه العربيه كل ده بيتقلب يا ريس و الزبون ميعرفش حاجه ده غير العربيات الى بتتحك و يودوها تترش
بصراحه انا لما كنت بشترى رحت للطارق اتفرجت على العربيه و ميفتحش عربيه الا اذا كنت فعلا بتتفرج عشان تشتري انما فى المصريه لقيت باسات طفلين قاعدين بيلعبو جواها و عربيه تانيه مندوب نايم فيها
لما روحت المصريه عشان اشوف الفئه التانيه من عربيتى عشان مكنتش معروضه عند الطارق قرفت منها و كنت بفكر مشتريهاش الصراحه من مظرها الطارق جابها لى ماشيه 7 ك بلزقها حتى الدواسه الكارتون علهيا اسم الشركه
مفيش ضمير حسبى الله ونعم الوكيل
انا حصل معايا موقف برضه من 4 سنين 2 بى ام 318 او 16 نفس اللون وبورق المصنع ومن غير لوح وبترابهم بيجرو ورا بعض فى نفق الكوربه وواحد خد غرزه من قدامى كان هيلبسنى فى الرصيف وكاانت معابا عربيتى القديمه وكنت عاوزه اخبطه من كتر نرفزتى من سرعته
واحد معرفه لسه شاري هيونداي ix35 من سمير ريان من اسبوع بالظبط
بعد الاتفاق على اعلى فئه واللون وكل حاجه
سمع المندوب بيتكلم في التليفون بالظبط كده (ايه؟؟؟ لا لا مش مشكله هاتها بس)
راحو يستلموها لقوا الاكصدام اللي قدام بيلمع بزياده عن باقي العربيه وفيه خربشه في النص
كلموا بتاع المبيعات قاللهم مافيهاش حاجه
قالولوا العربيه دي راشه اكصدام, ولو هتبيعها هتعملنا عليها خصم
مابين لأ مش هينفع وهينفع يدخل ويطلع ويقوللهم طيب هنعملكوا خصم 500 جنيه
قفلوا من اللون والعربيه وخدوا واحده لون تاني
نسيت اقولكو ان السوداء دي كانت ماشيه فوق ال 100 كيلو
ولما بتاع السيلز كان عايز يجيبها في مكان فيه نور اكتر طلع على حجر :)
النهارده تشتري العربيه الزيرو كانك بتشتري عربيه مستعمله لزم تفحصها كلها و تاخد معاك حد بيفهم كمان
انا اكتشفت ان عربيتى راشه اكصدام خلفى بعد ما جيبتها بسنه وانا بعمل تشميع فى المغسله . الراجل قالى العربيه دى راشه كصدام خلفى
فكك منهاقتباس:
المشاركة الأصلية كتبت بواسطة ahmedfathi
بغض النظر عن ان فعلا فيه عربيات بتتباع زيرو وبتكون متسمكره ومرشوشه بسبب حوادث أثناء نقل العربيه من التوكيل للمعرض بس طبيعي عربيه خارجه من دوكو تكون بدون نمر عشان يحافظ على اللوحات يعني ممكن واحد لسه شاري العربيه جديد وخبطها وبتحصل كتير جدا يعني انا شفت كذا كرولا جديده مخبوطه مره رفرف ومره بربريز مدشش الخ الخ.
وارد الاحتمال دهاقتباس:
المشاركة الأصلية كتبت بواسطة Ahmed_Adham
الانقح ان توكيل كورى شهير بابو رواش
العيال اللى بتسوق العربية بتاجر العربيات بالنفر لغاية ميدان الرماية!!!!!!!!!!!!!!!!!!!!!!!!!!!!!!
ربنا يستر عالناس الي بتشتري زيرو