عرض للطباعة
السلام عليكم
كنت عايز اعرف ايه الفرق بين سيراتو 2014 الخليجى و الوكيل و ايهما افضل؟
و برده انا قريت على صفحة كيا ع الفيس اسعار قطع الغيار للناس اللى بتسال و كده و شايفها مش مبالغ فيها اوى ...
وياريت برده اللى عنده اى ملاحظات على العربية يقولها و شكرا
خليجى مواصفات أحسن و أرخص بس مفيش ضمان
وكيل مواصفات تجيب المرض :( و أغلى بس فيه ضمان 5 سنين أو 100000
اتكل على اللة وهات خليجى ارخص واوبشن زيادة وتكيفة احسن
انا معايا خليجى 2010 والتوكيل فاتح صيانة للخليجى
بص يا فندم انا كنت في نفس الحيره بس لو حضرتك بصيت علي التقفيل بتاع الكاسيت اللي جي والكاميرا اللي ورا هتحس ان فيه حاجه مش مظبوطه وده مجرد رايي انا فضلت التوكيل لان هيا جايه متقفله بمعني محدش ولا فك ولا ركب حاجه هتقولي فيه فرق فلوس هقولك اه فيه بس الفرق ده بتاخد ادامه راحه البال طول مانت مع الضمان وربنا يكرمك باذن الله واي استفسار انا تحت امرك
ممكن صفحة الفيس بوك اللي فيها اسعار قطع الغيار؟؟اقتباس:
المشاركة الأصلية كتبت بواسطة duck405
أنا عربيتي شريها من الخليج و مفيش أي حاجة مركبة خارج المصنع و الكاميرا و السي دي و الحساسات الخلفية حتى جهاز الإنذار أصلي رغم وجود إمبلايزر و طبعا التوكيل أنت مستفاد من الضمان بس مش عارف أي حد بشتري خليجي مفيش عليها أي ضمان و لاإيه النظاماقتباس:
المشاركة الأصلية كتبت بواسطة maged93
خليجي وانت مغمض الوكيل حرقه دم علي الفاضي ولو فيه عيب كبير بيحرق الدم علي ما يعملها ده لو تكفل بالعيب واستخير الله والله الموفق
1- ايه فروق الكماليات بين الخليجي والوكيل في ال 2014؟
2- حد عنده دليل ان تكييف العربيات الخليجي أقوى من الوكيل بغض النظر عن الانطباع الشخصي و"التجربه"؟ يعني هل فعلا الكمبيريسور اللي بينزل في الخليجي مختلف عن اللي بينزل في اللي بتيجي مصر؟ حد عنده رقم موديل الكمبريسور ده وده؟
المواصفات الخليجية تختلف عن المواصفات المصرية بفروق بسيطة و لكن ما أستطيع أن أقوله و أنا متأكد إن التكييف ليس أقوى بمعنى إنه يبرد أقوي و لكن يستطيع أن يبرد بكفاءه أعلى في درجات الحرارة المرتفعة جدا و التي تصل لأكثر من خمسين و كما إنه من المواصفات الطلاء الخارجي يستطيع أن يتحمل درجات الحرارة العاليه و عواصف الغبار القوي و من المواصفات أن تكون العربية بيها طفاية حريق و عده إسعافات و المثلث و إير باج واحد للسائق على الأقل و حاولت أن أحضر رقم الكمبرسور و لكن للأسف موقوعه أسفل السيارة و صعب أخد معلومات منه و لكن عند رفع العربية ححاول إحضار الرقم و لكن جميع أساسيات العربية واحده ولكن طبيعة الجو المختلفة تطلب مواصفات و مثل المواصفات الأوروبية تحتاج دورة تبريد مختلفة تماما عن دورة التبريد في الخليج حتى نوعية ماء التبريد مختلف و هكذااقتباس:
المشاركة الأصلية كتبت بواسطة ahmed_adham