ساعدوني لو سمحتم

**sona** · 15-09-2008 05:15 PM

السلام عليكم ورحمة اللة وبركاتة
انا كنت عااااوز اعرف رايكم في موضوووع شراء سيات ابيزا مو2001 فابريقة برة وجوة ومجنطة وكاسيت واربع سمعات محتاجة شوية سمكرة معروضة عليا ب49000 انا عاااوز اعرف اية الحجااات المهمة اللي اكشف عليها في العربية ومكان منااااسب وخاااصة ان دي اول مرة امشي السكة مع اني عااارف اني اكيد يضحك عليا انا قاريت كتير علي النت ازاااي اكشف علي العربية بس حاااسس ان في حااجة نااقصة فلو حد عااارف حاااجة يقدر يفدني

ولكم جزيل الشكر......................................

**mohamed_fatouh** · 15-09-2008 05:25 PM

بص يا باشا لو ناوى تشترى السعر قليل شوية و دة يخليك تبص كويس على العربية من الاخر اولا اعمل استخارة ثم روح لواحداسمة محمد سمير ورا حديقة بدر بجسر السويس بعد المزلقان على طول دا متخصص ابيزا و فولكس عموما و عندة جهاز الكمبيوتر للكشف عليها و عندة وحدة رفع علشان يبص على الشاسية روح لية وهوة يجيب لك من الاخر.
و ربنا يوفقك

**sona** · 15-09-2008 05:42 PM

الف شكر علي اهتمااامك
بس انا عااوز اعرف اللي هقوول لية عليها لانه ممكن يركز في حاجات تريحة هو وانا اتعب في الاخر صح ان السعر قليل بس يمكن لانها تاني ايد

**mohamed_fatouh** · 16-09-2008 12:20 PM

متقولش اكتر من انك هتشترى العربية دى و عاوز اعمل ليها فحص شامل موتور و عفشة و شاسية وكهرباء

**msami2k** · 20-09-2008 10:52 AM

أول حاجة السعر مش قليل ولا حاجة
ده سعرها لو حالتها من جوه ممتازة أو فوق الممتازة

روح لمحمد سمير هيفليلك العربية ويطلعلك القطط الفطسانة كلها
بس المهم يكون نفسك طويل لأنه زحمة وممكن يركنك شوية
وياريت تحجز قبل ماتروح بس برضه هتتلطع حبة

خلى بالك الملاحظات اللى هقولهالك ما تخدهاش على طوول
لأنه ممكن يقلك المساعد عاوزيتغير "لأنه ماشي 50 ألف مثلا" بس تكون حالته تستحمل شوية
فاستوضح منه كل حاجة بالتفصيل
أهم حاجة الشاسيه والماتور والحوادث والبدى
وبعدين الحاجات اللى بتتغير مش لازم تكون ممتازة لأنها بتتغير كل فترة "المساعدين والبطارية مثلا" بس لازم تكون عارف حالتها علشان تحطلها ميزانية
وربنا يوفقك وقول دعاء الاستخارة
محمد