استشارة قانونية من رجالتنا المحامين

**mr_vampire** · 08-11-2013 04:20 PM

[size="6"][size

السلام عليكم ياشباب . عايز استفسر عن حاجة من رجالتنا المحامين او اللي يعرف حاجة عن الحوار ده.

دلوقتي انا معروض عليا شقة في برج بس المشكلة انها مخالفة بمعني ان التصريح بتاع المباني طالع علي اربع ادوار والمالك بني فوقيهم فانا فالادوار المخالفة ده .
السوال هنا بقي ايه قانونية العقد اللي هيتكتب وايه اللي يضمنلي حقي لازم يتكتب فالعقد ده عشان لو حصل اي لعب ادام. وهل في احتمالية ازالة ممكن تحصل للادوار المخالفة ده ولو حصل انا وضعي ايه بما ان شقتي فالادوار المخالفة ده.

معلش ياشباب استفسارات كتير بس النواحي القانونية ده الواحد ميح فيها.

**mk3** · 08-11-2013 05:02 PM

انا مش محامى
لكن واخد فى ادور مخالفه !!
...........................ومسحت ردى بعد كتابته عشان متعرفش فى ايه بكره وكل واحد يشيل نفسه

**mr_vampire** · 08-11-2013 05:28 PM

ليه ياباشا مسحت ردك ؟؟؟؟؟ كلامك مش ملزم وفعلا كل واحد بيشيل نفسه بس مش وحش يعني ان الواحد يقول اللي حصل معاه في موقف مشابه.

ياريت لو تقولنا اللي حصل معاك.

**أشرف فتحى** · 08-11-2013 08:32 PM

مفيش اى ضمانات لأى حاجه فى الموضوع ده......المشكله اللى هتقابلك هتكون فى الخدمات يعنى عداد الكهرباء لو مش موجود يبقى انت ونصيبك لما الكهرباء تفتح التصالح وتقدر تقدم وفى عداد كهرباء بالمخالفه يعنى بيبقى زى ما تقول متأجر من الشركه بدل ما يعمل لك محضر سرقه تدفع مبلغ كل شهر لغايه ما المقاول يدفع المخالفه وتركب حديده وعداد والميه برضو ممكن بعد فتره تجيلكم مخالفه للعماره كلها والغاز مش هيركب غير لو فى عداد كهرباء والشقه متشطبه.......
لو الشقه فيها عداد كهرباء والمبانى مضمونه مش معموله شغل مقاول وشغل سوقى وده بيتأكد لو المالك ساكن معاك فى العماره متقلقش 80 الميه من العشوائيات بدون ترخيص اصلا..!

**mk3** · 08-11-2013 08:34 PM

المشاركة الأصلية كتبت بواسطة mr_vampire

ليه ياباشا مسحت ردك ؟؟؟؟؟ كلامك مش ملزم وفعلا كل واحد بيشيل نفسه بس مش وحش يعني ان الواحد يقول اللي حصل معاه في موقف مشابه.

ياريت لو تقولنا اللي حصل معاك.

اللى جاى ده طريقه تفكيرى محدش ياخده كمرجع خده كتفكير بصوت عالى
مصر ام الدنيا معودانا عالجديد كل يوم ومفيش اى ضمانات
نبتدى
الاصل حاجه والواقع حاجه تانيه
فكرى عن الشقق ورق وملكية واجراءات وتسجيل ومحامى وعقود وترخيص بناء ....الخ ....كل ده طلع احلام ليس اكثر...اسهل حاجه تطلع تحويشه عمرك تديها لواحد وتاخد شقه اسهل من السهوله ...مش بقولكم مصر ام الدنيا...وللحديث بقيه

**mr_vampire** · 08-11-2013 08:37 PM

الف شكر ياباشا . طيب لو فالعقد بنود بتقول انه هو المسوول عن المخالفات وهو اللي ملزم يدخلنا عدادات مية وغاز ( ناس اشترت فالمخالف وكان مكتوب كده في عقودها ) ايه الوضع ساعتها بقي ؟؟؟؟

وهل فيه احتمالية ازالة ؟؟؟ وايه وضع الناس فالادوار اللي هتتزال لو حصل لا قدر الله .

**DODGE2013** · 08-11-2013 10:14 PM

انت بتتكلم بجد ولا ديه نكته ؟؟؟؟؟

الحاله الوحيده الي تخليك تغامر وتجبها لو سعرها اقل من سعر السوق ب 80 او 70 %

ده الي ممكن يخليك تجيب الشقه ديه لاكن غير كده ولا ليها اي لزمه

المفروض الشقه اسمها سكن يعني جايه من السكينه ( مش السكينه الي بنقطع بيها هههههههههههههه) المهم

يعني سكينه يعني راحه يعني طمأنينه ؟؟؟ ايه الي يخليك تدفع فلوس وتكسن في حاجه تبقى قاعد مقلق فيها وخايف؟؟؟؟؟؟؟؟؟

**mr_vampire** · 09-11-2013 01:23 AM

علي فكرة ياشباب الوضع ده بقي طبيعي وعادي جدا من زمان وبقي منتشر اكتر وعيني عينك بعد الثورات. لان التصاريح بتطلع بعدد معين وبالذات اللي في شوارع جانبية لان شوارعها صغيرة فالكل بيطلع ادوار مخالفة ويمشيها غرامات وتعدي.

**mk3** · 09-11-2013 01:47 AM

المشاركة الأصلية كتبت بواسطة mr_vampire

الف شكر ياباشا . طيب لو فالعقد بنود بتقول انه هو المسوول عن المخالفات وهو اللي ملزم يدخلنا عدادات مية وغاز ( ناس اشترت فالمخالف وكان مكتوب كده في عقودها ) ايه الوضع ساعتها بقي ؟؟؟؟

وهل فيه احتمالية ازالة ؟؟؟ وايه وضع الناس فالادوار اللي هتتزال لو حصل لا قدر الله .

الجزء التانى وحاول تستحمل تقطعى لضيق الوقت وكمان رحله البحث طويله جدا.وخد بالك انى زهقت وقرفت اول صاحب برج ادخله بسبب انى كنت مش فاهم والراجل مش مصدق لان زى ما قولتلك فلوسك وورقتين مكتوب عليهم عقد وتاخد شقه ! وعلى فكره هو حسبن عليا فى رساله عالموبيل لانى مكنتش فاهم وسألت عليه فى الحى ! طبعا ده حقى بس زى ماقو لتلك بيع الشقه بقى زى بيع ربع جبنه
اولا ملكيه الارض وده بتطلع على عقود ابتدائى غير مسجله بالكتير عليها صحه توقيع والحل الوحيد للتأكد من ملكيته للارض تسأل فى الشارع نكته مش كده !
تانى شئ رخصه البناء ودى متستغربش بتتعمل باسم واحد تانى غير المالك ! شايفك متستغربش مش بقولك ربع جبنه والجماعه السوهاجيه احتراف فى المواضيع دى.
نيجى للادوار هتلاقيه واخد الرخصه ب 3 او 5 ادوار حسب عرض الشارع والباقى مخالف طبعا وده يقودنا لعدادات الكهرباء والموضوع فى تفصيل فى جماعه بتقف على ادوار الرخصه وتقدم كهرباء قبل المخالف لان الكهرباء مش بتدخل عدادات للمخالف وبعد العدادات ما تدخل بيعمل ناطحه سحاب وعلى فكره باقى الادوار المخالفه بتدخل كهرباء مقايسه. نيجى للفريق التانى بيبنى العماره على بعضها شرعى ومخالف وبيدخل العماره كلها كهرباء مقايسه بدون عدادات نهائيا وبيسوى حالته مع الحى وبعد كده بيقدم عدادات مره واحده ومده التسويه مع الحى قد تطول الى كذا سنه لانها بتبقى قضيه . الراجل اللى معانا بيدخل عدادات فى حدود سنتين الى ثلاثه وربنا معاه. وده يقودنا الى تفصيل اخر هل انت عايز كهرباء تنور ولا عدادات تحسب ! وده بيحدد تاخد فى مخالف ولا ﻷ قبل الهدد لا قدر لله
وللحديث بقيه

**mr_vampire** · 09-11-2013 01:53 PM

ده حوار وقلق ولبش بقي

الموضوع: استشارة قانونية من رجالتنا المحامين

LinkBack

أدوات الموضوع

عرض

-

-

-

المواضيع المتشابهه

استشارة من الاخوة المحامين

استشارة قانونية

استشارة عاجلة جدا من الاخوة المحامين

استشارة قانونية

استشارة قانونية ..

الكلمات الدلالية لهذا الموضوع

المفضلات

المفضلات

ضوابط المشاركة