تفتكروا البنت دى تستاهل خطيبها لسبب دة ولا دى ممكن تحصل فعلا

**الفجر** · 08-11-2013 05:02 PM

واحد اعرفة حب بنت جدا وخطبها والبنت دى ابوها مسافر الخليج وملهاش اخوات رجالة وكل اخوتها بنات

المهم مرة اتصل بيها ا على الموبييل لساعة 1 بليل لافى صوت راجل بيرد علية بطبع اتصدم لان صعب جدا يكون حد قريبها زى الخال او العم ومعاها فى اليبت فى الوقت المتاخر دة

طبعا واجهه اا وهى انكرت انها تعرف شئ عن المكالمة الغريبة دى او الصوت اللى كلمة او حتى انة اتصل فيها وقلتلة ممكن تكون الخطوط متداخلة وبتحصل عادى !!!

طبعا صاحبنا ساب البنت لانة خلاص شك فيها وبقا مستحيل العشرة بينهم كمخطوبين او زوجين بس السوال تفتكروا ممكن تحصل الصدفة الغريبة دى !!!

القصة دى من سنتين تقريبا بس مش قادر انساهاا

تغتكروا غعلا ممكن تحصل تدخل خيوط الشبكة بشكل الغريب دة ؟؟ وتكون سبب فى انفصال الحياة الزوجية ؟؟

**mikology** · 08-11-2013 05:11 PM

اه عادى بتحصل و الخطوط بتداخل فى بعضها و اكيد حصلت معاه قبل كده مع صاحب ليه او ابوه او امه بس ساعتها قدر يستقبل انه تداخل خطوط لكن مع خطيبتبه مقدرش يستقبل الفكره دى من اصله
هو اساسا كان شاكك فيها للاسف

**mk3** · 08-11-2013 05:17 PM

احيانا فعلا بتحصل تلاقى واحد تانى بيكلمك اثناء الجرس تحديدا
واحيانا النمره بتجمع غلط من الاساس

**Mostafa.Mahran** · 08-11-2013 05:23 PM

يعنى ايه تداخل خطوط؟ انا عمرى ما قابلت حاجة على الموبايل اسمها تداخل خطوط فى تليفون البيت ماشى انما موبايلات معتقدش

**SHNORY** · 08-11-2013 05:51 PM

بتحصل عادي جدا
والموضوع ده مره عملي مشكله كبيره اوي زمان
ومن فتره اتكرر كتير
لدرجه اني مره بكلم والدتي في التليفون راحت حصلت خروسه ولقيت راجل بيكلمني (في نفس المكالمه )
قولت يمكن الموبايل اتسرق منها
بس حيتسرق ازاي وهي في البيت
ودماغي فضلت تودي وتجيب واتصلت بيها تاني وبعد فتره الاتصال جمع وقالتلي انها لقت الخط فصل ومتعرفش حاجه
ومره تانيه كنت بكلم حد ولقيت واحده بترد عليا
فعادي يا باشا الموضوع مش جديد

**alking_2006** · 08-11-2013 06:15 PM

و انا مرة فعلا حصل تداخل خطوط و لقيت واحد بيقوللى
- ايوة يا حاج اسماعيل
-- حاج اسماعيل مين يا حاج
- ايوة يا حاج اسماعيل
-- ايوة يا باشا
- البضاعة وصلت؟
-- ايوة وصلت يا سيدى
- انتا مين؟

:)

اخر ما زهقت قفلت السكة طبعا :)

**volk** · 08-11-2013 07:02 PM

المشاركة الأصلية كتبت بواسطة alking_2006

و انا مرة فعلا حصل تداخل خطوط و لقيت واحد بيقوللى
- ايوة يا حاج اسماعيل
-- حاج اسماعيل مين يا حاج
- ايوة يا حاج اسماعيل
-- ايوة يا باشا
- البضاعة وصلت؟
-- ايوة وصلت يا سيدى
- انتا مين؟

:)

اخر ما زهقت قفلت السكة طبعا :)

مش عارف اقول سبحان الله و لا عادي

الاني حصل معايا نفس المكالمه دي

**volk** · 08-11-2013 07:04 PM

الشك طالما دخل سواء طلع صح او غلط الاسف

هيدمر العلاقه و فين و فين لما تتعالج و الشك ده يروح بس بياخد وقت كبير و بيكون محتاج ان الانسانه اللي معاه تستحمل و تكون فتحاله كل حاجه بشكل واسع بحيث انه ميكونش في مجال للشك بينهم

بس صدقني ربنا هيعوضه

كله للخير

**sanhory** · 08-11-2013 07:20 PM

هي بتحصل و عادي في البيت و في الموبايل

بس السؤال هنا انا رايح عند واحدة و بعمل حاجة غلط ايه اللي يخليني ارد على تليفون اصلا يعني الراجل اللي رد عليه ايه اللي خلاه يرد بالثقة دي

ثانيا هو ميعملش الحركة دي الا اذا كان هو عارف عنها حاجة