ياباشا حط فالفولين
انا حاطه وعربيتى ماشيه 190 الف وبقالى اكثر من الف كيلو و مشاء الله المتور ملوش صوت غير على الجرى بس
عرض للطباعة
ياباشا حط فالفولين
انا حاطه وعربيتى ماشيه 190 الف وبقالى اكثر من الف كيلو و مشاء الله المتور ملوش صوت غير على الجرى بس
انا بحط كاسترول ايدج وبصراحة هايل انا مجربوا لحد دلوقتى 3مرات والحمد لله مفيش مشاكل منة خالص وفى ناس صحابى بيستخدموه ومفيش مشاكل منوا خالص بالعكس
لو تمام معاك اثبت عليه وانا رأيي اني فيه عربيات من نفس الموديل مابستريحش لنوع زيت واحد تبع حاله الماتوز
ياباشا انت حطيت أنهي كاسترول اللي بيمشي 5000؟
الإيدج تخليقي بالكامل بيقعد 15 ألف وسعره 300 جنيه
اللي بيمشي 5000 دا المعدني العادي اللي زي شيل الأصفر ودا بـ 120 الجركن وبنرميه قبل الـ 5 تلاف أصلا.
أنا عن نفسي بستخدم كاسترول ماجنيتيك مع متور النوبيرا برميه على 8 آلاف.
والإيدج برميه على 10 وسعات 12 مع انه يقعد أكتر من كدا.
كمان ملحوظة:
الكاسترول مايتجابش غير من الموزع المعتمد بتاعه.
انا حطيت ال5 وجايبه من محل زيوت كبير تقدر تقول موزع عشان المحل كله اعلانات لكاسترول و عنده باقي الزيوت بس انا عايز استفسر في ان الزيت التخليقي مبينفعش مع المواتير القديمه اللي مكانش على ايامها و اعرف برضوا انه مبيتحطش بعد المعدني و خصوصا لو بقالها مده كبيره ماشيه عليه الاقصد انه مالوش فايده ولو ليك رأي تاني ياريت تنورنا بيه
ممكن مايكونش ايدج لانه من الواضح ان كلامك انه مش هوا و هوا فعلا 5000 و جركن ابيض
بص ياباشا ياما ناس جايبين من محلات زيوت كبيرة وتطلع الزيوت دي مضروبة وترزع لهم المواتير وانا شخصيا حصل معايا كدا والمتور اتكسر من جوا..فعشان كدا بجيب الزيت من بنزينة نضيفة أو موزع معتمد غير كدا مضمنش.
بالنسبة للجركن الأبيض أكيد انت قصدك على دا (تاني واحد من اليمين):
http://nileup.com/up/uploads/nilemotors_13843092271.jpg
لو هوا دا اللي انت حطيته دا اسمه gtx مش إيدج.. ودا معدني بالكامل وبيقعد 5000 تلاف فعلا.
بالنسبة لموضوع ان التخليقي ملوش لازمة:
طالما المتور عندك حالته كويسة ومش بياكل زيت ولا بيدخن يبقى حط له زيت تخليقي عشان تحافظ على المتور.
الزيت المعدني تقيل شوية ومع الوقت بيعمل ترسبات كربون وكمان بيتحلل بسرعة ويفقد خواصه على عكس التخليقي خواصه الفيزيائية والكيميائية ثابته مبتتغيرش عشان الـ الإضفات والـ Chemicals اللي فيه..لكن المعدني معاد تكريره من البترول بدون أي اضافات.
وعلى فكرة تقريبا مكتوب في الكاتلوج ينصح بزيت 5-40
أنا متوري عامل 140 ألف وبستخدم تخليقي طالما حالته كويسة.
عموما نصيحتي ليك:
1/ استخدم زيت نص تخليقي 10w-40 زي الماجنيتيك أول واحد على الشمال مثلا او نوع تاني لو مش عايز كاسترول.
ولو لقيته تمام معاك استمر على التخليقي..وإن شاء الله هتحس بفرق كبير بين دول وبين المعدني.
2/ بلاااااااااش فلاش للمتور خالص ملوش لازمة..الفلاش دمر لي المتور اللي فات :(
وأي استفسار قولي :)
تشكر يا باشا بس هل فيه من الشل نص تخليقي برضوا