الموضوع: زيت كاسترول ايدج مع النوبيرا

المشاركة الأصلية كتبت بواسطة crazydeepman

انا حطيت ال5 وجايبه من محل زيوت كبير تقدر تقول موزع عشان المحل كله اعلانات لكاسترول و عنده باقي الزيوت بس انا عايز استفسر في ان الزيت التخليقي مبينفعش مع المواتير القديمه اللي مكانش على ايامها و اعرف برضوا انه مبيتحطش بعد المعدني و خصوصا لو بقالها مده كبيره ماشيه عليه الاقصد انه مالوش فايده ولو ليك رأي تاني ياريت تنورنا بيه

المشاركة الأصلية كتبت بواسطة crazydeepman

ممكن مايكونش ايدج لانه من الواضح ان كلامك انه مش هوا و هوا فعلا 5000 و جركن ابيض

بص ياباشا ياما ناس جايبين من محلات زيوت كبيرة وتطلع الزيوت دي مضروبة وترزع لهم المواتير وانا شخصيا حصل معايا كدا والمتور اتكسر من جوا..فعشان كدا بجيب الزيت من بنزينة نضيفة أو موزع معتمد غير كدا مضمنش.
بالنسبة للجركن الأبيض أكيد انت قصدك على دا (تاني واحد من اليمين):


لو هوا دا اللي انت حطيته دا اسمه gtx مش إيدج.. ودا معدني بالكامل وبيقعد 5000 تلاف فعلا.
بالنسبة لموضوع ان التخليقي ملوش لازمة:
طالما المتور عندك حالته كويسة ومش بياكل زيت ولا بيدخن يبقى حط له زيت تخليقي عشان تحافظ على المتور.
الزيت المعدني تقيل شوية ومع الوقت بيعمل ترسبات كربون وكمان بيتحلل بسرعة ويفقد خواصه على عكس التخليقي خواصه الفيزيائية والكيميائية ثابته مبتتغيرش عشان الـ الإضفات والـ Chemicals اللي فيه..لكن المعدني معاد تكريره من البترول بدون أي اضافات.
وعلى فكرة تقريبا مكتوب في الكاتلوج ينصح بزيت 5-40
أنا متوري عامل 140 ألف وبستخدم تخليقي طالما حالته كويسة.
عموما نصيحتي ليك:
1/ استخدم زيت نص تخليقي 10w-40 زي الماجنيتيك أول واحد على الشمال مثلا او نوع تاني لو مش عايز كاسترول.
ولو لقيته تمام معاك استمر على التخليقي..وإن شاء الله هتحس بفرق كبير بين دول وبين المعدني.
2/ بلاااااااااش فلاش للمتور خالص ملوش لازمة..الفلاش دمر لي المتور اللي فات :(
وأي استفسار قولي :)