متستخسروش و تقولوا قوانين اهتموا بالفحص المروري جدا

مساء الخير عليكم

انا حبيت بس اقول حاجه مهمه

عندنا في مصر الفحص المروري طبعا و ان كان فيه حاجات كتير غلط

لكن ياريت يا جماعه نهتم بالاتي

اولا نجدد الطفايات بتاعتنا في المواعيد بتاعتها

الاسباب لينا احنا مش للمرور علشان لو حد حصله لقدر الله اي حريق او شيء في السياره تكون الطفايه شغاله ده اولا

ثانيا ياريت فعلا نحط شنطه الاسعافات الاوليه الاسباب عديده زي ماحنا عارفين احنا شوارعنا المصريه لا تخلوا من الحوادث حما الله كل واحد منا

و بالتالي تكون معانا اي اسعافات اوليه تساعدنا في اي شيء لقدر الله

ثالثا لازم نكون محافظين علي صيانه العربيات بتاعتنا و ده مش علشان الفحص ده علشانا احنا علشان الناس اللي بتسافر متلاقيش اي مشاكل اثناء السفر

رابعا الحفاظ علي التغيير الدوري للكاوتش و دي مهمه جداااااااااااا الان اي مشاكل في الكاوتش بتكون بمشكله او مصيبه

خامسا تظبيط موتور العربيه و العادم الانك بتحافظ علي نفسك و بلد و بيئتك اللي كل واحد فينا مشارك في الحفاظ عليها

سادسا محدش يمشي بالعربيه من غير كوريك العربيه او عده زي المفكات و المفاتيح و غيره بتكون مهمه جدا في الحالات السهل حلها اثناء السفر مثلا

الموضوع في الفحص و ان كان في مصر انه علشان يلموا فلوس و غيره بس صدقوني ده الاهميه الكبيره لينا اولا في الحفاظ علي الامان

و ربنا يحمينا من شر الحوادث