-
سؤال ؟!
معرفش اذا كان الموضوع في مكانه ولا المفروض يبقى في الاجتماعي
المهم السؤال وباختصار هو هل من حق حد بيركن عربيته في الشارع يقولي شيل عربيتك عشان ده مكاني ؟
مع العلم ان المكان ده لازق في بيتي انا وهو بعديه بعماره
ايه رأيكم عشان انا محروق دمي من ساعتها ومن كتر الاستغراب كنت هقل ادبي لو كان زودها شويه :@
-
معلش انت جاي على نفسك ومتجيش على نفسك عشان الناس متاخدش عليك انا جدتي في شبرا وبروح ازورها مره في الشهر تقريبا وبيبقوا حاطين حجر قدام البيت بتاعها عشان يركنوا هما رغم انهم في البيت اللي قدامه بروح بعربيتي واشيل الحجر اطوحه عالرصيف واركن بالعافيه واللي بيكلمني بدخل فيه شمال لأني على حق وبركن قدام بيتي بالفعل .. متسكتش على حقك ابداااااااااااااااااااااا بس متحاولش تتخانق من الاول خدهم براحه وخليك ذوق للأخر بس حط في دماغك انك مش هتسيب مكانك لجد .. متحرقش دمك وصحتك بالدنيا ياباشا :)
-
سيدي الفاضل
موضوع مكان العربية اللي في الشارع اللي واحد بيقول انه مكانه...و موضوع متركنشي امام بيتي و امام محل اكل عيشي و ما شابه ذلك كلها مواضيع في غاية الاستفزاز
و تتعجب ان دماء سالت و ارواح ازهقت بسببها....فلا انصحك بالتهور او الشجار مع جارك هذا ..مراعاة للجيرة..و حتى لا تتطور الامور ...فحاول ان تتفاهم معه او لو كان له كبير فلتتحدث معه
اما الصورة الاكثر استفزازا ...هي من يركن خلفك و يشد فرامل اليد..و تنتظره ساعة ..و ينظر اليك بتناكة...و لا يريد الاعتذار
-
هوه فيه كذا موضوع اتعمل قبل كده على موضوع الركنه
بس هوه قانوناً انت من حقك تركن فى اى مكان فى الشارع حتى لو قدام محل او قدام بيت اى حد
ده شارع
بس طبعا اكمننا فى بلد مفيش فيها قانوناً فانت وعضلاتك
-
بالسسمتي متر
الركنه بالمللي
وكل واحد عارف حدوده
ومفيش حد يركن مكان حد
لكن كل واحد امام بيته
لكن مش امام بيت الجيران
الموضوع اصبح صعب ومالوش حل
-
كل واحد وذوقه
فى ناس عندها ذوق ودم وحياء
وناس عندها العكس
بلاش تتخانق معاه وربنا يكرمك بمكان كويس وتشترى دماغك منه وربنا يسلط عليه من ينتقم لك منه
انا كنت بازور اختى ونزلت لقيت ال 4 فرد على الارض
-
فعلا موضوع مستفز انك لما تيجى تركن فى الشارع علشان تشترى حاجة يطلعلك صاحب المحل يقولك لو سمحت دا مكان اكل عيش متركنش هنا وهكذا ممكن تمشى كيلو لما ربنا يفتحها وتلاقى محل مغلق وقدامه مكان تركن فيه افتكر دا موضوع استهبال ولاكن فى حالة الا دوله وغياب القانون فاعلم انك فى حكم الغابة وهذا يجرنا الى ملا نرضاه لنا....*
Content Relevant URLs by
vBSEO 3.6.0 PL2