غيرت كاوتش الf3 وبقت حاجة تانية خالص
حبيت انقل التجربة للاعضاء عشان لما حد يحب يغير الكاوتش
من ساعة اما اشتريت العربية وانا زعلان جدا بسبب انها ناشفة جدا فى المطبات وحسيت بيها اوى لأنى كنت بركب عربية والدى نيسان صنى ex saloon الهاى لاين امبارح ببص على عداد السرعة لقتنى قفلت 60000 والكاوتش ابتدى يتعب جدا وكل شوية اخرام وكمان شقق اللى هى جيا بيه ال gt
قولت معظم الناس بتشكر فى البريدجيستون فركبت اليابانى اسمه تورنازا 90 ب 660 الفردة وانا ماشى من عند بتاع الكاوتش حسيت بحاجتين اول حاجة ان العربية نعمت جدا فى المطبات حتى فى المشى مفيش صوت للكاوتش تانى حاجة حاسس ان العربية تقلت شوية _ عارف ان حد هيضحك ويقوللى ايه يا عمنا هربت منك ولا ايه ههههههه بس والله ده اللى حسيته فيها حاسس ان وزن العربية اتقل _ بصراحة عجبتنى النعومة وبفكر كمان اغير ال4 مساعدين بتيوتا يابانى كمان _ لانى كمان مركب غاز ليا 3 سنين