ما الفرق بين الانترا تجميع خليجي و الموجود في مصر

**mea5000** · 15-09-2008 06:30 PM

أنا كنت عايز أعرف ما الفرق بين الهونداي الانترا تجميع خليجي و الموجودة في مصر لأن في معرض لقيتو في المعادي عندو الي هيا تجميع خليجي ال الأتوماتك عامله عندو 104000 فا أنا عاوز أعرف الفرق بيكون في إيه لان انا مش شايف إن في فرق من جوه فا ياريت لو حد عندو أي معلومات عن موضوع ده يقوليل ضروري لو سمحتم

**smartman** · 16-09-2008 06:25 AM

على فكرة ما يغركشى سعر الخليجى انا مش بأرشح خليجى خالص طبعا مش علشان الضمان و التوكيل و بس و لكن علشان انا مقتنع ان الخليجى فعلا متصمم للخليج يعنى شوارعهم مش زى شوارعنا يعنى عفشة الوكيل بتبقى اقوى و البنزين مش غالى عندهم زى عندنا يعنى ممكن بتاعة الوكيل مصممة على انها تكون اقتصادية شوية فى البنزين علشان كده التوكيل احسن علشان متصمم على بيئتنا و ظروفنا و كده ولا كده التكيف فيهم الآثنين تلاجة

**salem** · 16-09-2008 06:44 AM

ely a3rafo
en el khaligy diskat wara we odam

**mea5000** · 16-09-2008 11:21 AM

شكرا smartman و salem على الرد جدا وسرعة ردكم عليا بس كنت عايز أسأل salem يعني إيه diskat ورا وقدام هل تقصد cdhat ال cd player يعني الي بتبقى موجودة في الشنطة ولا إيه

**ahmedfd** · 16-09-2008 02:47 PM

المشاركة الأصلية كتبت بواسطة salem

ely a3rafo
en el khaligy diskat wara we odam

بتاعت غبور الفرامل قدام و ورا ديسكات ...
كل الإلنترا الجديدة كدة..

**sab3aawy** · 16-09-2008 04:29 PM

على فكرة مافيش تجميع خليجى، دى ودى متصنعين فى كوريا، لكن المقصود بالخليجى هى السيارة المصممة بالمواصفات المطابقة لاشتراطات دول مجلس التعاون الخيجى،

الديسكات هى طنابير الفرامل اللى على شكل قرص وليس على شكل حلة