مشكله مش لاقى ليها حل فى فيكترا بى

اولا احب اشكر كل اعضاء اوبل اللى بحس انهم اخوه
دى اول مشاركه ليا مع انى استفدت من حاجات كتيره ونفذتها بنفسى
المشكله اللى مجننانى ومخلايانى عاوز ابيع العربيه
وانا سايق بحس بهواء ساخن داخل جوه السياره ورحت لناس كتيره وكل واحد يقعد يفتى واحد قالى اقفل البوابات بتاعه التكيف وقفلتها وبرضه الهواء السخن مع ريحه المكنه داخل جوه من عند الدواسات ومن اى فتحات فى التابلوه وواحد تانى افتى برضه ووصل خرطومين بتوع تكيف مع بعض بتوع الهواء السخن وقالى طالما مش بتشغلوا سخن عادى والهوا مش هيدخل وبرضه مافيش فايده
وانا بصراحه اتخنقت وبالذات فى ايام الحر وبفكر ابيع العربيه ممكن حد يفيدنى

اتاكد من العزل والطبب في الصدر اللي بين الحوض والصالون

دى اتاكد منها ازاى انا رحت عند سروجى اما كنت بعمل فرش جلد للسياره وقالى مافيش فتحتات وتقفيل بلادها ممكن اروح لمين

:stink[1]: يعنى اروح لمين انا كنت عند سروجى اما كنت بعمل فرش جلد وقالى مافيش فتحتات دى تقفيل بلادها:stink[1]::stink[1]:

الفتحه اللي داخل منها صليبه الدركسيون من الغرفه للكابينه , عارفها؟؟
روح للسروجي خليه يعزلها بصوف وبري او اي عازل من بره ..

دا اكيد يافادى ولا هجرب برضه لان الموضوع مكرهنى جدا فى ركوب العربيه

افتح الكبوت واتاكد بنفسك..