حد يفيدنى عايز اشترى 213 وقلقان !!1

**elkomyalto** · 08-11-2013 11:55 PM

السلام عليكم ورحمة الله

عاوز اشترى اسبرانزا 213 وخايف
ممكن حد يقولى عيوبها ايه ومميزاتها
وهل هى الافضل ولا 113
ولا هما الاتنين ذى بعض بس دى سيدان ودى هتشباك
وبالنسبه لقطع الغيار متوفره ولا ايه ؟

وشكرا لشباب الاسبرانزا

**M I D O** · 09-11-2013 12:10 AM

بلاش عشان العربية مش منتشرة خالص + ان شكلها في رايي وحش اوي اوي الافضل هات ال 113 برقبتها ومنتشرة وقطع غيارها في اي حتة و ال 113 هاتش باك انما ال 213 مش عارف والله بيتم تصنيفها علي انها اية بالظبط لانها لا طايلة سيدان ولا طايلة هاتش باك

**saddam** · 09-11-2013 12:57 AM

صديقي المواطن
قولا واحدا لولا مشكلة إعادة البيع فهي أفضل عربيات مكنة 1300 في الجمهورية ومبتعطلش خالص ولا بتصرف بنزين ولو نظيفة شكلها شيك وحلو جدا وفانوس أمامي دايرتين زي المرسيدس قرش ونص وقطع غيارها موجودة في النوفيقية بس طبعا منتشرتش ساعتها زي 113 ولكن كعربية فهي أفضل وبمراحل وأنا كنت بشغل تكييف وبسافر بيها على سرعة 150 ومكنتها على حجمها بتخليها جرايه جدا وواسعه من جوه وسع السنين وفيها إيموبلايزر وعربية بجد مبتعطلش نهائي ولولا إنها غالية كتت جبت وحده تانية وعلى فكرة دي كانت عربيتي رقم 4 وإتسرقت مني عن طريق خيانة اﻷمانة والبوليس لقاها في الشارع بعد 8 شهور بس كفته شلتها بونش صرفت عليها 6 آلاف رجعتها زيرو ومن ضمننها سمكرة ورش حزام وتنظيف وتكييف وترتيبات وعفشة ورجعت تمشي 150 عادي وهي قولا.واحدا أجمل من 113 ولكنها مش أبيع ولو لقيتها بسعر 34 ألف نظيفة خدها ﻷن أنا كنت شاريها ب 42 ألف وقتها نظيفة جدا
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**hugan** · 09-11-2013 01:05 AM

المشاركة الأصلية كتبت بواسطة m i d o

بلاش عشان العربية مش منتشرة خالص + ان شكلها في رايي وحش اوي اوي الافضل هات ال 113 برقبتها ومنتشرة وقطع غيارها في اي حتة و ال 113 هاتش باك انما ال 213 مش عارف والله بيتم تصنيفها علي انها اية بالظبط لانها لا طايلة سيدان ولا طايلة هاتش باك

+1111111111
يعيبها تصميمها الغريب
اظن هاتلاقي صعوبه في توافر قطع غيارها الخارجيه زي الصاج والفوانيس
لكن ميكانيكا وعفشه هي ال 113
انت ممكن تشتريها في حاله واحد ه
لو معروضه عليك بسعر مغري