و أخيرا بفضل الله تم حل مشكلة اولسيل الفتيس - كوردوبا 2002

السلام عليكم اصدقائي الأعزاء اعضاء نايل موتورز و قسم سيات خاصة

طبعا اللي يعرفني منكم عنده فكرة عن مشكلة اولسيل فتيس عربيتي الكوردوبا اللي بيؤرقني من يوم ما اشتريتها حيث قررت اروح التوكيل و اغير الاولسيل و احط زيت اوريجينال اصلي و طبعا سابقا كتبتلكم عن اللي حصل معايا في التوكيل و دفعت كتير و لم استفيد منهم باي شيء و تخيلو انهم وقتها ركبولي اولسيل غلط و بوظولي اكس العصاية اللي بيتحرك داخل الاولسيل و ده كان الموضوع

http://www.nilemotors.net/Nile/224928-a.html

المهم غيرت الاولسيل ده اربع مرات و برده بيجيب زيت و بعد فحص شخصي للمشكلة وجدت ان اكس الفتيس او بيسموه (input shaft)حصل فيه تجريح خفيف بسبب عك التوكيل و غيرهم في المنطقه دي + و دي جديدة ان اساسا الاولسيل اللي ركب مش نفس المقاس الاوريجينال ؟؟؟؟
نعم !!! ازاي توكيل يركب حاجه غلط :8941[1]:

المهم بحثت من اسبوعين ثلاثة علي الانترنت علي الولسيل و اكتشفت الاتي :-
1 الاولسيل اللي ركبه التوكيل و انا ركب وراه ثلاثة او اربعه غيرهم مقاسه 24\14\7 و ده مواصفاته بتقول ان قطره الخارجي 24 ملليمتر و القطر الاكس اللي هيركب عليه او قطره هو الداخلي 14 ملليمتر و عرضه 7 ملليمتر و ده مقاس غلط تماما و مينفعش يركب عندنا
2- الاولسيل الاوريجينال حسب مواقع الانترنت اللي بتبيع قطع غيار عربياتنا هو 24\15\7 والفرق بين الاتنين هو قطر الاكس !!!! يعني واحد ملليمتر في قطر الاكس و مقاس الاولسيل مدوخني بقالي سنتين و نصف و صرفت فيهم فوق ال 700 جنيه مصنعيات و قطع غيار و زيوت و و و كلها ملهاش لازمه :stink[1]:

المهم و نصيحة من اخ اللي يحب يغير اي قطعة غيار الاول يشوف مواصفاتها ايه من خلال مواقع الانترنت خارج مصر لأنك ممكن تفضل تشيل و تغير فيها و هي اساسا غلط

دي صورة الاولسيل اللي زي اللي انا ركبته
http://i.ebayimg.com/t/OEM-Gearbox-I...S3w~~60_12.JPG

و طبعا دي مواصفاته و انا اللي لقيته في السوق ركبته و هو ب 10 جنيهات و مافيش الماني اللي موجود كله صيني و تايواني و لكن هيقضي الغرض و المغزي في المقاس لأنه كله هيشتغل و هيمنع و الحمد لله بفضل الله بقالي اسبوع اهه و مافيش ولا نقطه و بييت امبارح كرتونه تحته عشان اتاكد و طلعتها نضيفه تماما و يارب تفضل علي كده

Gearbox Input Selector Shaft Seal VW Polo Lupo SEAT Ibiza Eq: 085301227 | eBay

و بالتوفيق لكم جميعا و يارب اكون افدتكم بمعلومه جديدة

دي صورة للفتيس بتوضح التسريب منين و الاكس اللي بيركب عليه الاولسيل و الصورة فيها شوية حاجات هوضحها

1- عند كلمة leaking seal ده الاكس و بيركب عليه الاولسيل هنا عند نقطة دخوله للفتيس و بيبات داخل الفتيس و بيكون مش ظاهر زي مانتهم شايفين
2- فوق شمال في صورة لجزء اسمه sleeve و ده زور الفتيس اللي بتتحرك عليه بلية الدبرياج و لو فاكرين اني غيرته مع تغيير الطقم و الصورة فيها الجديد و المكسور new & broken sleeve
3- الزور ده بيركب علي او حول الاكس اللي عند الكتابة اللي بالاحمر fits here و ده الاكس المسنن اللي بيركب علي الطقم و بيدور الفتيس و بالتالي بيشد العربية كلها منه

http://i1106.photobucket.com/albums/...Fix/850006.jpg

يسعدني اكون اول المهنئين ياباشمهندس ايهاب.
ربنا يكرمك ومايخسركش تاني ابدا.بس ازاي؟؟
لازم التجارب دي علشان تظهر مواضيعك الجميله !!
هاهاها, تقبل تحياتي.

اقتباس:

---

المشاركة الأصلية كتبت بواسطة فادى محمد

يسعدني اكون اول المهنئين ياباشمهندس ايهاب.
ربنا يكرمك ومايخسركش تاني ابدا.بس ازاي؟؟
لازم التجارب دي علشان تظهر مواضيعك الجميله !!
هاهاها, تقبل تحياتي.

---

و يشرفني انك تكون اول المهنئين او انك تعلق علي مشاركة لي يا فادي بيه

ليه كده بس !!! دانا دفعت كتير قوي في القصة دي رغم انها اساسا بملامليم و انت عارف !!!! تخيل بقي تزويد و تغيير زيوت و اولسيهات و مصنعيه و و و الله المستعان

و نسيت اقول ان الخشونه و التجريح اللي كان في الاكس تم مسحها بصنفره خفيفة و تنعيمها و كله تمام و الحمد لله

و لكن دائما عنينا ليك و للمنتدي و لأعضائه المتميزين امثال حضرتك يا افندم و ربنا يوفقنا جميعا لما يحبه و يرضاه

الف شكر على المعلومه و نقل التجربه
وان شاء الله مينقطش تانى

مشكور على التجربه و الافاده

اقتباس:

---

المشاركة الأصلية كتبت بواسطة gelgel2004

الف شكر على المعلومه و نقل التجربه
وان شاء الله مينقطش تانى

---

ربنا يكرمك يا افندم و يارب ميحصلش تاني لأني حصلي مواقف بايخة جدا بسبب تسريب الزيت ده

مبروك يا هندسه يا غالى وان شاء يدوم ومتسرفيش شلن عليه تانى انت صرفت خلاص

بالمناسبه ما تشفلى عصاية الفتيس الحشو بتاعها ايه ومقاسه كام واجيبه منين وبكام الله يخليك يا هندسه الحوار ده عاملى صداع :( :(

اقتباس:

---

المشاركة الأصلية كتبت بواسطة ahmed pico

مبروك يا هندسه يا غالى وان شاء يدوم ومتسرفيش شلن عليه تانى انت صرفت خلاص

---

ربنا يكرمك

اقتباس:

---

المشاركة الأصلية كتبت بواسطة ahmed pico

بالمناسبه ما تشفلى عصاية الفتيس الحشو بتاعها ايه ومقاسه كام واجيبه منين وبكام الله يخليك يا هندسه الحوار ده عاملى صداع :( :(

---

بدور لمسمي ليهم علي النت و مش لاقي حتي الان لكن عموما حشو عصاية الفتيس انا معرفش المسمي ده بيتقال لايه بالضبط لكن عموما مشاكل عصاية الفتيس كلها و تثبيتها بتتلخص في جزئين :-
1- قاعدة العصاية و دي داخل الكونسول اسفل تثبيت العصاية لما بتشيل الجلد بتشوفها و دي بتتفك و تتغير و كانت عند الشهابي ب 75 جنيها من زماااااااااان الماني اصلي
2- تيش عصاية الفتيس و ده الجزء الواصل بين اكس العصاية اللي ظاهر تحت العربية و بين اكس الفتيس اللي داخل للفتيس و دي ليها ناحيتين تثبيت الاولي ناحية العصاية و دي زي كلبش كده بيتربط بمسمار 13 يقفل بيه علي عمود او اكس العصاية المسنن و الناحية التانيه زي فلانشه كده بيدخل فيها الاكس بتاع الفتيس و فيها مسمار 10 بيتربط في سن اكس الفتيس فبيثبتهم و فيما بينهم محور كده هو ده اللي بيبوظ و بيعمل بوش

ايهما بقي الحشو ... انا معرفش لأنه مسمي عايم او دارج مش موضح هو لايه
هحاول اشوفه علي النت و لو ملقيتش هصورلك دي و دي من عندي عشان توضح الشرح ده و دول الاتنين بيبوظوا مع الوقت و بيحتاجو الاتنين يتغيروا و هما السبب في ان العصاية مش ثابته و بتتهز

الف مبروك يا هندسة علي حل مشكلتك
ومحدش بيتعلم ببلاش
الحمدلله علي كل حال

الف مبروك يا هندسة علي حل مشكلتك
ومحدش بيتعلم ببلاش
الحمدلله علي كل حال

اقتباس:

---

المشاركة الأصلية كتبت بواسطة syd

الف مبروك يا هندسة علي حل مشكلتك
ومحدش بيتعلم ببلاش
الحمدلله علي كل حال

---

ربنا يكرمك يا هندسه ... الحمد لله

الف مبروك يابشمهندس إيهاب
فى حجات بتعقرب كده ياصديقى العزيز مع ان الموضوع سهل يعنى فرق المقاس من 15ل 14 بسيط ولاكن دقيق
والحجات ديه بتحصل مع ناس كتير وهوا ده الى بيدفعنا للبحث والتجربه ويشد عزمنا يعنى الموضوع جه بفائده بردو
ديه الزاويه الى أحنا بنبصلها بغض النظر عن المال المهدر فى اول التجربه لان فى ناس تانيه الفنى أرفهم وديخين السبع دخات ومتعلموش حاجه وممكن يبيع عربيته عشان عيب تافه الفنى مش عاوز يشغل دماغه فيه .

اتمتى ان شاء الله اداء الفتيس يرضيك ويعوض التعب الى فات كله .

تحياتى

الف مبروك يا بشمهندس وانشاء الله متحصلش مشاكل تاني والحمد لله علي كل شئ

اقتباس:

---

المشاركة الأصلية كتبت بواسطة hossamalsadik

الف مبروك يابشمهندس إيهاب
فى حجات بتعقرب كده ياصديقى العزيز مع ان الموضوع سهل يعنى فرق المقاس من 15ل 14 بسيط ولاكن دقيق
والحجات ديه بتحصل مع ناس كتير وهوا ده الى بيدفعنا للبحث والتجربه ويشد عزمنا يعنى الموضوع جه بفائده بردو
ديه الزاويه الى أحنا بنبصلها بغض النظر عن المال المهدر فى اول التجربه لان فى ناس تانيه الفنى أرفهم وديخين السبع دخات ومتعلموش حاجه وممكن يبيع عربيته عشان عيب تافه الفنى مش عاوز يشغل دماغه فيه .

اتمتى ان شاء الله اداء الفتيس يرضيك ويعوض التعب الى فات كله .

تحياتى

---

ربنا يكرمك يا حسام بيه .... الحمد لله علي كل شيء

اقتباس:

---

المشاركة الأصلية كتبت بواسطة seatibiza

الف مبروك يا بشمهندس وان شاء الله متحصلش مشاكل تاني والحمد لله علي كل شئ

---

ربنا يخليك يا افندم

ما شاء الله الله أكبر
ده شغل عالى أوى يا إيهاب باشا ربنا يكرمك يا رب وينفع بعلمك اللهم آمين

الف مبروك يا م/ايهاب
والله ينور عليك بجد هوا ده اللى متعودين عليه منك شغل احسن من بتاع التوكيل النص كم
عملت ايه فى الزيت ؟؟
انا لاقيت زيت فتيس هايل (على الورق عشان انا لسه ما جربتوش) المانى ومطابق لمواصفات فولكس وتخليقي كمان وكتبت عليه فى الموضوع اللى اتناقشنا فيه عن زيت الفتيس والاضافات
صحيح انت عملت الشغل دا عند مين ؟؟

اقتباس:

---

المشاركة الأصلية كتبت بواسطة mohammad isdf

ما شاء الله الله أكبر
ده شغل عالى أوى يا إيهاب باشا ربنا يكرمك يا رب وينفع بعلمك اللهم آمين

---

ربنا يكرمك و يبارك فيك

اقتباس:

---

المشاركة الأصلية كتبت بواسطة eraser

الف مبروك يا م/ايهاب
والله ينور عليك بجد هوا ده اللى متعودين عليه منك شغل احسن من بتاع التوكيل النص كم
عملت ايه فى الزيت ؟؟
انا لاقيت زيت فتيس هايل (على الورق عشان انا لسه ما جربتوش) المانى ومطابق لمواصفات فولكس وتخليقي كمان وكتبت عليه فى الموضوع اللى اتناقشنا فيه عن زيت الفتيس والاضافات
صحيح انت عملت الشغل دا عند مين ؟؟

---

ربنا يكرمك مهندس شريف
موضوع الزيت معملتش فيه حاجه لسه علي قديمة و زودته بزيت موبيل كان عندي زي اللي كان فيه و سايبه فترة لحد ما ييجي دوره ان شاء الله و اشوف هعمل فيه ايه لأنه خليط و عك

بالنسبة للزيت اللي انت لقيته فأنا متابعك و منتظرك تجربه و ممكن نعمل تجربة مفيدة أخري نتأكد منها و هي انك الزيت اللي هتنزله مترميهوش نزله في جركن مفتوح و ليكن اي جركن مياه نضيف هتشيل جزئه العلوي و تسيب الجزء الواسع منه و تنزل الزيت اللي عندك فيه و انا علي استعدادا اجربه عندي و نشوف النتايج هل العيب كان منه و لا من الفتيس ؟؟؟؟ انا شخصيا مش هيفرق معايا لأني جربت كتير و مش قلقان من القصة دي ... لو حابب انا معنديش مشكلة

نسيت اقلك اني عملت الشغل ده عند ميكانيكي معرفه لواحد جار لي يعمل في جينيرال موتورز في اكتوبر و للأمانه عشان فيه توصيه و كده الولد اللي كان شغال في العربية من عنده كل اللي قلتله عليه عمله .... يعني من الأخر نفذ كل اللي كنت عايز اعمله بايدي بالحرف و الحمد لله و اخد 50 جنيه .....(للعلم احمد عزت كان غيرلي الاولسيل ده مره و اللي عمله صبي عنده و برده كان اخد 50 جنيه ) !!!!! الله المستعان .... بفكر اسيبني من الهندسه و افتح ورشة !!!!! هكسب دهب والله ههههههههههههه
و البتوفيق لك و للجميع

اقتباس:

---

المشاركة الأصلية كتبت بواسطة ehab_mansour

ربنا يكرمك و يبارك فيك


ربنا يكرمك مهندس شريف
موضوع الزيت معملتش فيه حاجه لسه علي قديمة و زودته بزيت موبيل كان عندي زي اللي كان فيه و سايبه فترة لحد ما ييجي دوره ان شاء الله و اشوف هعمل فيه ايه لأنه خليط و عك

بالنسبة للزيت اللي انت لقيته فأنا متابعك و منتظرك تجربه و ممكن نعمل تجربة مفيدة أخري نتأكد منها و هي انك الزيت اللي هتنزله مترميهوش نزله في جركن مفتوح و ليكن اي جركن مياه نضيف هتشيل جزئه العلوي و تسيب الجزء الواسع منه و تنزل الزيت اللي عندك فيه و انا علي استعدادا اجربه عندي و نشوف النتايج هل العيب كان منه و لا من الفتيس ؟؟؟؟ انا شخصيا مش هيفرق معايا لأني جربت كتير و مش قلقان من القصة دي ... لو حابب انا معنديش مشكلة

نسيت اقلك اني عملت الشغل ده عند ميكانيكي معرفه لواحد جار لي يعمل في جينيرال موتورز في اكتوبر و للأمانه عشان فيه توصيه و كده الولد اللي كان شغال في العربية من عنده كل اللي قلتله عليه عمله .... يعني من الأخر نفذ كل اللي كنت عايز اعمله بايدي بالحرف و الحمد لله و اخد 50 جنيه .....(للعلم احمد عزت كان غيرلي الاولسيل ده مره و اللي عمله صبي عنده و برده كان اخد 50 جنيه ) !!!!! الله المستعان .... بفكر اسيبني من الهندسه و افتح ورشة !!!!! هكسب دهب والله ههههههههههههه
و البتوفيق لك و للجميع

---

افتح ياباشا الورشة وانا اول واحد راشق عندك ان شاء الله
بالنسبة لموضوع تجربة الزيت ده انا موافق طبعا هنزل الزيت فى جركن نضيف زى منتا قولت وجربه عندك
انا بس مشغول شوية اليومين دول وكمان عندى شوية حاجات فى العربية قولت اعملهم على بعض (شغل عفشة)
بس فى كل الاحوال احنا هنسق معا بعض موضوع الزيت سهل اعمله لوحده بس شوف محتاجه امتى

اقتباس:

---

المشاركة الأصلية كتبت بواسطة ehab_mansour

ربنا يكرمك و يبارك فيك


ربنا يكرمك مهندس شريف
موضوع الزيت معملتش فيه حاجه لسه علي قديمة و زودته بزيت موبيل كان عندي زي اللي كان فيه و سايبه فترة لحد ما ييجي دوره ان شاء الله و اشوف هعمل فيه ايه لأنه خليط و عك

بالنسبة للزيت اللي انت لقيته فأنا متابعك و منتظرك تجربه و ممكن نعمل تجربة مفيدة أخري نتأكد منها و هي انك الزيت اللي هتنزله مترميهوش نزله في جركن مفتوح و ليكن اي جركن مياه نضيف هتشيل جزئه العلوي و تسيب الجزء الواسع منه و تنزل الزيت اللي عندك فيه و انا علي استعدادا اجربه عندي و نشوف النتايج هل العيب كان منه و لا من الفتيس ؟؟؟؟ انا شخصيا مش هيفرق معايا لأني جربت كتير و مش قلقان من القصة دي ... لو حابب انا معنديش مشكلة

نسيت اقلك اني عملت الشغل ده عند ميكانيكي معرفه لواحد جار لي يعمل في جينيرال موتورز في اكتوبر و للأمانه عشان فيه توصيه و كده الولد اللي كان شغال في العربية من عنده كل اللي قلتله عليه عمله .... يعني من الأخر نفذ كل اللي كنت عايز اعمله بايدي بالحرف و الحمد لله و اخد 50 جنيه .....(للعلم احمد عزت كان غيرلي الاولسيل ده مره و اللي عمله صبي عنده و برده كان اخد 50 جنيه ) !!!!! الله المستعان .... بفكر اسيبني من الهندسه و افتح ورشة !!!!! هكسب دهب والله ههههههههههههه
و البتوفيق لك و للجميع

---

افتح ياباشا الورشة وانا اول واحد راشق عندك ان شاء الله
بالنسبة لموضوع تجربة الزيت ده انا موافق طبعا هنزل الزيت فى جركن نضيف زى منتا قولت وجربه عندك
انا بس مشغول شوية اليومين دول وكمان عندى شوية حاجات فى العربية قولت اعملهم على بعض (شغل عفشة)
بس فى كل الاحوال احنا هنسق معا بعض موضوع الزيت سهل اعمله لوحده بس شوف ناوى تغيره امتى

اقتباس:

---

المشاركة الأصلية كتبت بواسطة eraser

افتح ياباشا الورشة وانا اول واحد راشق عندك ان شاء الله
بالنسبة لموضوع تجربة الزيت ده انا موافق طبعا هنزل الزيت فى جركن نضيف زى منتا قولت وجربه عندك
انا بس مشغول شوية اليومين دول وكمان عندى شوية حاجات فى العربية قولت اعملهم على بعض (شغل عفشة)
بس فى كل الاحوال احنا هنسق معا بعض موضوع الزيت سهل اعمله لوحده بس شوف ناوى تغيره امتى

---

انا نازل عين شمس اليوم ان شاء الله و بكرة كمان هكون هناك لو كده ممكن نتقابل اليوم مثلا لأني بكرة هركن العربية و اركب مترو ان شاء الله ...

الف مبروك يا هندسه ويارب تكون نهايه المعاناه مع الفيتيس
انا اسف جدا" انا عارف انى مقصر معاك جدا"
والموضوع اللى انت كنت مكلمنى عليه على بالى والله بس الفترة اللى فاتت كان عندى شوية مشاكل بس الحمد لله
وان شاء الله اشوفك قريبا" على خير

اقتباس:

---

المشاركة الأصلية كتبت بواسطة ehab_mansour

ربنا يكرمك


بدور لمسمي ليهم علي النت و مش لاقي حتي الان لكن عموما حشو عصاية الفتيس انا معرفش المسمي ده بيتقال لايه بالضبط لكن عموما مشاكل عصاية الفتيس كلها و تثبيتها بتتلخص في جزئين :-
1- قاعدة العصاية و دي داخل الكونسول اسفل تثبيت العصاية لما بتشيل الجلد بتشوفها و دي بتتفك و تتغير و كانت عند الشهابي ب 75 جنيها من زماااااااااان الماني اصلي
2- تيش عصاية الفتيس و ده الجزء الواصل بين اكس العصاية اللي ظاهر تحت العربية و بين اكس الفتيس اللي داخل للفتيس و دي ليها ناحيتين تثبيت الاولي ناحية العصاية و دي زي كلبش كده بيتربط بمسمار 13 يقفل بيه علي عمود او اكس العصاية المسنن و الناحية التانيه زي فلانشه كده بيدخل فيها الاكس بتاع الفتيس و فيها مسمار 10 بيتربط في سن اكس الفتيس فبيثبتهم و فيما بينهم محور كده هو ده اللي بيبوظ و بيعمل بوش

ايهما بقي الحشو ... انا معرفش لأنه مسمي عايم او دارج مش موضح هو لايه
هحاول اشوفه علي النت و لو ملقيتش هصورلك دي و دي من عندي عشان توضح الشرح ده و دول الاتنين بيبوظوا مع الوقت و بيحتاجو الاتنين يتغيروا و هما السبب في ان العصاية مش ثابته و بتتهز

---

شوف يا بشمهندس ايهاب المسميات هتكون كالاتي :
1- مقبض الفتيس اسمه .... gearshift knob
2- حشو الفتيس اللي هو الجزء اللي ماسك العصاية و اجزائها من الداخل اسمه .... shift mechanism
3- الجزء بقا اللي بيدخل فيه الحشو ده اسمه .... gearshift housing

اقتباس:

---

المشاركة الأصلية كتبت بواسطة sala7

شوف يا بشمهندس ايهاب المسميات هتكون كالاتي :
1- مقبض الفتيس اسمه .... Gearshift knob
2- حشو الفتيس اللي هو الجزء اللي ماسك العصاية و اجزائها من الداخل اسمه .... Shift mechanism
3- الجزء بقا اللي بيدخل فيه الحشو ده اسمه .... Gearshift housing

---

رائع يا ابوصلاح يا حبيبي الغالي
ممكن شوية صور تدعم تلك المسميات و ياريت لو تكون لعربيتي مثلا او لبولو او ابيزا زي اللي بتنزل مصر بمحركها ال 1000 سيسي و فتيسها 085

اقتباس:

---

المشاركة الأصلية كتبت بواسطة ehab_mansour

رائع يا ابوصلاح يا حبيبي الغالي
ممكن شوية صور تدعم تلك المسميات و ياريت لو تكون لعربيتي مثلا او لبولو او ابيزا زي اللي بتنزل مصر بمحركها ال 1000 سيسي و فتيسها 085

---

اتفضل يا هندسة الصور اللي تخص سيارتك و سنبدا بالفتيس العادي

http://nileup.com/up/uploads/nilemotors_13850247481.jpg

http://nileup.com/up/uploads/nilemotors_13850247482.jpg

http://nileup.com/up/uploads/nilemotors_13850247483.jpg

بالنسبة للفتيس الاوتو

http://nileup.com/up/uploads/nilemotors_13850247484.jpg

مع خالص تحياتي يا صديقي العزيز

الف شكر يا صديقي العزيز علي الصور و لكن اللي عندي مختلف و غير كده للأسف ... و اعتقد ان السبب هو اختلاف المحرك لأن المحركات ال 1600 مثلا لقيت تكوينه و اجزاء العصاية فيه مختلفة عن ال 1000 سيسي و ما اقصده و المهم بالنسبة لي هو اللي تحت العربية من اتياش او وصلات
علي العموم هصوره كله لما افضي اظبطه و ارفعه ان شاء الله

اقتباس:

---

المشاركة الأصلية كتبت بواسطة ehab_mansour

انا نازل عين شمس اليوم ان شاء الله و بكرة كمان هكون هناك لو كده ممكن نتقابل اليوم مثلا لأني بكرة هركن العربية و اركب مترو ان شاء الله ...

---

معلش يا م/ايهاب عالتاخير عندى ظروف اليومين دول ولسه الزيت الجديد مركون محطيتوش
هحاول احطه الاسبوع الجاى واكلمك انسق معاك

مبروك حل المشكلة يا باشا

بقولك يا بشمهندس ايهاب الله يكرمك انا عندى فى بطن الفتيس من تحت تنشيع زيت اسود كده ولكن مش بينقط هل ده خطر ولا لاء ؟

اقتباس:

---

المشاركة الأصلية كتبت بواسطة s o p h o s

مبروك حل المشكلة يا باشا

---

الله يبارك في حضرتك

اقتباس:

---

المشاركة الأصلية كتبت بواسطة mohammad isdf

بقولك يا بشمهندس ايهاب الله يكرمك انا عندى فى بطن الفتيس من تحت تنشيع زيت اسود كده ولكن مش بينقط هل ده خطر ولا لاء ؟

---

هل التنشيع ده مكون نقطه زيت بتقع كل فترة ؟؟؟؟ بمعني ... لو بيت العربية مثلا يوم او اتنين و حطيت تحتها كرتونه تحت المنطقة دي ... هل هتلاقي نقطه علي الكرتونه ولا لأ ؟؟؟
لو فيه نقطه و لو كل ثلاثة ايام يبقي كده فيه مشكلة و لازم تغير الاولسيل لأن مع مرور الوقت لازم هتحتاج تزود فتيس كل فترة و ينقص و كده و ده مع الوقت بيخلي الفتيس يخشن و يعمل اصوات ون و خشونه و عك ...

تغيير الاولسيل بسيط جدا في عشر دقائق

اقتباس:

---

المشاركة الأصلية كتبت بواسطة ehab_mansour

الله يبارك في حضرتك


هل التنشيع ده مكون نقطه زيت بتقع كل فترة ؟؟؟؟ بمعني ... لو بيت العربية مثلا يوم او اتنين و حطيت تحتها كرتونه تحت المنطقة دي ... هل هتلاقي نقطه علي الكرتونه ولا لأ ؟؟؟
لو فيه نقطه و لو كل ثلاثة ايام يبقي كده فيه مشكلة و لازم تغير الاولسيل لأن مع مرور الوقت لازم هتحتاج تزود فتيس كل فترة و ينقص و كده و ده مع الوقت بيخلي الفتيس يخشن و يعمل اصوات ون و خشونه و عك ...

تغيير الاولسيل بسيط جدا في عشر دقائق

---

مجربتش موضوع الكرتونة دى ، بس من حيث الخشونة عندى الحمد لله، ومن حيث الأصوات، سينفونيه ما شاء الله ومن حيث العك، .... :feelgood:

توكل على الله وأعمل الاولسيل بسرعه حفاظا على الفتيس

اقتباس:

---

المشاركة الأصلية كتبت بواسطة ehab_mansour

السلام عليكم اصدقائي الأعزاء اعضاء نايل موتورز و قسم سيات خاصة

طبعا اللي يعرفني منكم عنده فكرة عن مشكلة اولسيل فتيس عربيتي الكوردوبا اللي بيؤرقني من يوم ما اشتريتها حيث قررت اروح التوكيل و اغير الاولسيل و احط زيت اوريجينال اصلي و طبعا سابقا كتبتلكم عن اللي حصل معايا في التوكيل و دفعت كتير و لم استفيد منهم باي شيء و تخيلو انهم وقتها ركبولي اولسيل غلط و بوظولي اكس العصاية اللي بيتحرك داخل الاولسيل و ده كان الموضوع

http://www.nilemotors.net/nile/224928-a.html

المهم غيرت الاولسيل ده اربع مرات و برده بيجيب زيت و بعد فحص شخصي للمشكلة وجدت ان اكس الفتيس او بيسموه (input shaft)حصل فيه تجريح خفيف بسبب عك التوكيل و غيرهم في المنطقه دي + و دي جديدة ان اساسا الاولسيل اللي ركب مش نفس المقاس الاوريجينال ؟؟؟؟
نعم !!! ازاي توكيل يركب حاجه غلط :8941[1]:

المهم بحثت من اسبوعين ثلاثة علي الانترنت علي الولسيل و اكتشفت الاتي :-
1 الاولسيل اللي ركبه التوكيل و انا ركب وراه ثلاثة او اربعه غيرهم مقاسه 24\14\7 و ده مواصفاته بتقول ان قطره الخارجي 24 ملليمتر و القطر الاكس اللي هيركب عليه او قطره هو الداخلي 14 ملليمتر و عرضه 7 ملليمتر و ده مقاس غلط تماما و مينفعش يركب عندنا
2- الاولسيل الاوريجينال حسب مواقع الانترنت اللي بتبيع قطع غيار عربياتنا هو 24\15\7 والفرق بين الاتنين هو قطر الاكس !!!! يعني واحد ملليمتر في قطر الاكس و مقاس الاولسيل مدوخني بقالي سنتين و نصف و صرفت فيهم فوق ال 700 جنيه مصنعيات و قطع غيار و زيوت و و و كلها ملهاش لازمه :stink[1]:

المهم و نصيحة من اخ اللي يحب يغير اي قطعة غيار الاول يشوف مواصفاتها ايه من خلال مواقع الانترنت خارج مصر لأنك ممكن تفضل تشيل و تغير فيها و هي اساسا غلط

دي صورة الاولسيل اللي زي اللي انا ركبته
http://i.ebayimg.com/t/oem-gearbox-i...s3w~~60_12.jpg

و طبعا دي مواصفاته و انا اللي لقيته في السوق ركبته و هو ب 10 جنيهات و مافيش الماني اللي موجود كله صيني و تايواني و لكن هيقضي الغرض و المغزي في المقاس لأنه كله هيشتغل و هيمنع و الحمد لله بفضل الله بقالي اسبوع اهه و مافيش ولا نقطه و بييت امبارح كرتونه تحته عشان اتاكد و طلعتها نضيفه تماما و يارب تفضل علي كده

gearbox input selector shaft seal vw polo lupo seat ibiza eq: 085301227 | ebay

و بالتوفيق لكم جميعا و يارب اكون افدتكم بمعلومه جديدة

---

عزيزى م إيهاب
أولا شكرا على المعلومة القيمة
ثانيا أحب أعرفك بأن مشكلتك دى كانت فى عربيتى ونفس الأوسيل... بصراحة بتعامل مع ميكانيكى محترم ... وأول مرة غير الأولسيل وبرضة جابت زيت ... ولما رحلتة تانى قلى أكيد المشكلة فى المقاس وفعلا غيرهولى فى 5 دقائق بواحد جديد وعمل صنفرة للاكس والحمد لله استريحت من منظر الزيت تحت العربية .... المهم انك تتعامل مع واحد بيفهم .... ولو عاوز تروح للراجل دة تحت أمرك .... سؤال لو تتكرم .... عندئ مشكلة ان الأولانى فية عضة مع رعشة فى العربية مع طلعة الأولانى وكمان الرفيرس بيزعق معايا .... وكمان بعد مشوار طويل شوية بلاقى ان النقلات كلها بتعض ... رأيك أية ؟؟؟

اقتباس:

---

المشاركة الأصلية كتبت بواسطة flamingo

عزيزى م إيهاب
أولا شكرا على المعلومة القيمة
ثانيا أحب أعرفك بأن مشكلتك دى كانت فى عربيتى ونفس الأوسيل... بصراحة بتعامل مع ميكانيكى محترم ... وأول مرة غير الأولسيل وبرضة جابت زيت ... ولما رحلتة تانى قلى أكيد المشكلة فى المقاس وفعلا غيرهولى فى 5 دقائق بواحد جديد وعمل صنفرة للاكس والحمد لله استريحت من منظر الزيت تحت العربية .... المهم انك تتعامل مع واحد بيفهم .... ولو عاوز تروح للراجل دة تحت أمرك .... سؤال لو تتكرم .... عندئ مشكلة ان الأولانى فية عضة مع رعشة فى العربية مع طلعة الأولانى وكمان الرفيرس بيزعق معايا .... وكمان بعد مشوار طويل شوية بلاقى ان النقلات كلها بتعض ... رأيك أية ؟؟؟

---

ممكن عنوان وتليفون الميكنيكي ؟

اقتباس:

---

المشاركة الأصلية كتبت بواسطة eraser

ممكن عنوان وتليفون الميكنيكي ؟

---

اكيد يا فندم....
اسمة احمد الورشة اسمها الأسلامية .... سيادتك تخش كوبرى امبابة اتجاة المطابع الأميرية ... بعد النزلة تلاقى شمالك ورش السمكرة وتخش شمال فى شارع العامل الأول .. الورشة بعد 200 متر امام مكتب بريد ... ناس محترمة وفاهمين ... ممكن تقولة من طرف شريف بتاع نايل سيتى .. :wink10:

:up: