صيانة 80000 لنيو أكسنت

**wahba87** · 09-11-2013 11:46 AM

ازيكم يا رجالة

انا جبت نيو اكسنت مانيوال عاملة 75000 و صاحبها كان بيعمل الصيانات فى التوكيل , و دلوقتى داخل على 80000 و عايز أعملها الصيانة بنفسى

بعد البحث وصلت لللآتى:

- تغيير زيت موتور (شيل 10000)
- تغيير فيلتر زيت
- تغيير زيت الفتيس .... !
- تغيير بوجيهات
- تغيير فيلتر هواء
- تغيير فيلتر بنزين
- تغيير فيلتر تكييف

هل فى حاجة ناقصة ؟ , و ايه من الحاجات دى لازم أجيبه من التوكيل و ايه ممكن اجيبه من بره كورى مثلا

**toty_305** · 09-11-2013 03:09 PM

-تربط عفشة و تعمل check على السوائل ولو محتاجة مياة ردياتير تتغير

-بفضل القطع الاصلي في الفلاتر و الزيوت و البوجيهات نظرا لكثرة المضروب في السوق

-زيت الفتيس ليه مواصفات معينة فالتوكيل هيكون أفضل

-لو ناوي تحافظ علها و تقعد معاك فترة حلوة وكمان المالك السابق كان بيعمل الصيانات في التوكيل يبقى العربية حالتها كويسة باذن الله خليك مع التوكيل و لو انه مكلف شوية بس بيعملوا الشغل احسن و عليهم رقابة من التوكيل نفس الصنايعي ده بره من غير رقابة بيكلفت و يبوظ و كمان التوكيل لو ظهر عيب بسببهم ممكن تاخد حقك لكن برة كلهم شمامين و بلطجية

والسلام ختام

**Ayman-Ahmed** · 10-11-2013 09:17 AM

مبروك عليك العربية وربنا يحفظهالك.

كل ما ذكرته تمام واضيف عليه:

-تغيير مياه الريادتير وتنظيف الدورة كاملا.

-فحص السيور(دينامو-باور-كاتينة).

-تربيط العفشة وفحص المساعدين.

-فلتر الموتور لو محتاج تغيير .غيره واشتريه من التوكيل او مركز بيع معتمد.

-فلتر النكييف هاته كورى او من مركز معتمد والاصلى اخر مرة سالت عليه كلن ب180 او زيادة شوية والكورى من 60 وانت طالع.وبعد تجربتى الشخصية كله زى بعضه.

-فلتر البنزين + الزيت : مركز معتمد او التوكيل.

-البوجيهات : مركز معتمد او توكيل.

انصحك اخيرا بالاتصال بالمهندس هانى (Speed Service) او تروحله وهيقولك على المفيد كله.