في البداية احب ابارك للناس اللي استلموا و عقبال اللي حاجر و ربنا يصبر اللي لسه مستلمش و اللي مستنى ورق العربية زيى كده, الموضوع ده تصبيرة صغيرة للناس اللي بتسأل كتير عن الخلوص الارضي للعربية و اللي وعدتهم اني هعمل تقرير مفصل و انزل تحت العربية و اقيس و اصور بنفسي و بمجهودى الشخصى علشان خاطر عيونكم.
احب اقول كام نقطة كده قبل منبدأ :
1.يرجى مراجعة موضوعي السابق بعنوان"
اختبار الكورولا 2014 في المطبات"لمعرفة ابعاد الموضوع كاملة
http://www.nilemotors.net/Nile/385983-2014.html
2.يرجى ملاحظة فروق الارتفاع في الارض "لأن طبعا الارض غير مستوية" و ذلك للامانة في دقة القياسات.
نبدا بالشكل الخارجى للعربية من بعيد شوية و بعد كدة نقرب
http://www.m5zn.com/newuploads/2013/...f6c8787969.jpg http://www.m5zn.com/newuploads/2013/...5fce5516f8.jpg http://www.m5zn.com/newuploads/2013/...9829dbd9f0.jpg
الكاوتش بريدجستون R16/205/55 و دى صورته
http://www.m5zn.com/newuploads/2013/...b9ac147632.jpg
بالنسبة للضغط فهو مضبوط علي 30.5 عشان محدش يقولي ان الضغط زيادة فالعربية عالية , كلو بالصور للاثبات هههه
http://www.m5zn.com/newuploads/2013/...4415f1670a.jpg
بعد مشفنا العربية من بعيد نقرب شوية , ولكن قبل منقرب اعرفكم علي العلبة الصفيح السحرية و اللي لقيت ارتفاعها
13 سم بعد عناء . والصورة توضع طولها بالمتر
http://www.m5zn.com/newuploads/2013/...def6a10009.jpg
عشان متتوهوش منى , احنا هنقيس بالعلبة دى من تحت العربية و هنبدأ من اخر العربية, منها الي الثلث الاخير, منها الي منتصف العربية عند القضيب اللي بيحمي علبة الشكمان, منها الي الثلث الامامي ,منها الي اول العربية.
ديه العلبة لما حطيتها عند الكساحة البلاستيك اللي عند الكاوتش الخلفي (ملحوظة: كل كاوتشة من الاربعة فيها كساحتين واحد قبل الكاوتش وواحدة بعد الكاوتش, و فايدتها انها تحمي بودى العربية من الطينة اللي بتتنطور من الكاوتش لو دخلت في بركة مياه)
دى صورة الكساحة الامامية للكاوتش الخلفي
http://www.m5zn.com/newuploads/2013/...ea876301c6.jpg
ودى صورة الكاسحة الخلفية للكاوتش الخلفي
http://www.m5zn.com/newuploads/2013/...ae0c4b869e.jpg
ودى صورة للعلبة الصفيح تحت المساعدين و السوست
http://www.m5zn.com/newuploads/2013/...f616c69bbf.jpg
طبعا انتم بعد مشفتو الصور عندكم فضول فظيع "رغم ان الصور واضحة" انكم تعرفو المسافة اللي من فوق العلبة للعربية و تزودو عليها 13 سم "اللي هو ارتفاع العلبة الصفيح" عشان تعرفو الخلوص من الارض في الاماكن دى, و طبعا انا ميرضينيش يبقي عندكم الفضول ده من غير مجيب المتر و انزل تحت العربية و اقيس لكم الخلوص بالضبط.
الصورة دى بقا في منتصف العربية بالضبط و لكن ورا شوية نقدر نقول تحت الكنبة الخلفية, و بتبين اوطي نقطة قيست عندها و هو بار حديد حماية للشكمان و ليس علبة الشكمان. وواضح من المتر انها 4.5 سم + 13سم ارتفاع العلبة الصفيح = 17.5سم
http://www.m5zn.com/newuploads/2013/...6a13a60629.jpg
الصورة دى اهداء للزميل Abofandy و متصورة في منتصف العربية من قدام وورا و يمين و شمال عند القضيبين اللي بيحمو علبة الشكمان, وواضح الارتفاع حوالي 2.7 سم + 13 ارتفاع العلبة الصفيح = 15.7 سم
http://www.m5zn.com/newuploads/2013/...40175c1c93.jpg
الصورة دى في الثلث الامامي قبل الكساحة الخلفية للكاوتش الامامي حوالي 3.5 سم + 13 سم = 16.5 سم
http://www.m5zn.com/newuploads/2013/...81503da474.jpg
الجزء الامامي واطى شوية, معلش انا صورت من بعيد مكنتش مركز و نسيت اصور بالمتر و لكن قياس المتر كان حوالي 1.5 سم + 13 سم= 14.5 سم و دية عند الكساحة الخلفية للكاوتش الامامي
http://www.m5zn.com/newuploads/2013/...27ffa0873a.jpg
نيجى بقا لاوطي نقطة في العربية بجد و هي دى اللي عندها الارتفاع
12.5 سم بجد و هي الكساحة الامامية للكاوتش الامامي و العلبة منزلتش تحتيها ده معناها انها اقل من 13 سم فعلا و لكن اقل حاجة بسيطة جدا حوالي 3 او 4 مللي.
http://www.m5zn.com/newuploads/2013/...1e046494e4.jpg
الصورة الاخيرة دة من عند اوطي نقطة في التصفيح الامامي و كان المتر قايس حوالي 0.7 سم + 13 سم = 13.7 سم ولكني معرفتش اصور بالمتر اعذروني
http://www.m5zn.com/newuploads/2013/...397b8df473.jpg
أتمني ان الموضوع يكون عجبكو و يكون افاد الناس اللي محتارة و ان الصور و الشرح يكون يكون واضح و بسيط.
جاهز لأي استفسار, و يارب يكفينا شر العربيات و عنين الناس و شكرأ