مشكلتي مع الجين 2008

**Yousef JoKer** · 09-11-2013 01:42 PM

سلام عليكم ورحمة الله وبركاته " معلش هاتعبكم معايا بس محتاج رأيكم

اولا انا كان سحب العربية عندي قل والثبات ضعف والطارة تقيلة شوية + رجرجة وشخلله بسمعها وانا ماشي في مكان مكسر او مطبات كتير " ولو مطب صناعي ونزلت جامد من ورا بسمع صوت حاجه بتتهبد ده باستثناء صوت غريب حاسس إنة جي من التابلوة زي بلية بتلعب او حاجه بتتهز جامد ومش عارف اوصل جي منيين بالتحديد واية ده وبسمع الصوت ده في المطبات بس

انا غيرت البوجيكات وفلتر البنزين والهوا وسير الكاتينة والمجموعه وخليت الميكانيكي يربطلي العفشة السحب إتظبط الي حد ما وغيرت كوتش الاءفزة بتاع علبة الدريكسيون الثبات والطارة بقوا احسن
لكن لسة الصوت الغريب اللي جي من الطابلوة ده موجود والشخللة الزايده عن حدها في المطبات دي لسة موجوده " واوقات لما بمشي بالعربية فترة بحس إن فية صوت جي من الكابوت قدام زي صوت تنعير وسيور بتلف بتزييقة كده وده بيحصل لما اكون ماشي علي سرعة قليلة !!

**saddam** · 09-11-2013 10:17 PM

صديقي المواطن
إنت عندك مصايب بس متقلقش كله في الهايف
الهبدة ورا عندك المساعدين الخلفية خلاص بيغنوا ظلموه وبالمرة.تركبلي علايات 4 زمبة وتراجعلي على شيالات الشكمان
بالنسبة للسحب فعنندك مشكلة رشاشات إما تفك الرشاشات وتحطهالي على جهاز تنظيف الرشاشات اﻷلتراسونيك أو تعمل كورس تنظيف مكثف شديد اللهجة مكون مم فلترين بنزين جداد وتموينتين 92 مع عدد 6 منظف رشاشات نوع وينز البنفسجي البلجيكي من التوفيقية ب 25 الواحد وحتخلي العربية طلقة

الشخللة عندك تحت الطبلوه ممكن تكون عندك المصافي والفحم في علبة البيئة تكون سلمت الراية وباعت القضية

بالنسبة لتربيط العفشة أولا ده شغل عفشجي وليس شغل ميكانيكي فمينفعش ميكانيكي يربط إيه فايدة التربيط لو عندك بيضة مفيصة أو جلبة خانت اﻷمانة أو مساعد بيشنق نفسه أو سوست بتنتحر وعايزة تعلى وكمان تتأكدلي من إن رقم البوجيهات هو المطلوب عشان تاخد سحب تمام وأي مشكلة عندك راجعني عالخاص وأنا معاك قلبا وقلبا صديقي المواطن جيبك لسه مكلمني وبيقللي إنت إنتهيت خلاص حضر فلوسك عشان حتبتدي تصرف وطبعا مش ننسى نراجع على قواعد المكنة والفتيس
ومن ضمن أسباب الشخللة برضو عندك السوست اللي بتمسك تيل الفرامل
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**M.sawy** · 10-11-2013 09:41 AM

المشاركة الأصلية كتبت بواسطة saddam

صديقي المواطن
إنت عندك مصايب بس متقلقش كله في الهايف
الهبدة ورا عندك المساعدين الخلفية خلاص بيغنوا ظلموه وبالمرة.تركبلي علايات 4 زمبة وتراجعلي على شيالات الشكمان
بالنسبة للسحب فعنندك مشكلة رشاشات إما تفك الرشاشات وتحطهالي على جهاز تنظيف الرشاشات اﻷلتراسونيك أو تعمل كورس تنظيف مكثف شديد اللهجة مكون مم فلترين بنزين جداد وتموينتين 92 مع عدد 6 منظف رشاشات نوع وينز البنفسجي البلجيكي من التوفيقية ب 25 الواحد وحتخلي العربية طلقة

الشخلله عندك تحت الطبلوه ممكن تكون عندك المصافي والفحم في علبة البيئة تكون سلمت الراية وباعت القضية

بالنسبة لتربيط العفشة أولا ده شغل عفشجي وليس شغل ميكانيكي فمينفعش ميكانيكي يربط إيه فايدة التربيط لو عندك بيضة مفيصة أو جلبة خانت اﻷمانة أو مساعد بيشنق نفسه أو سوست بتنتحر وعايزة تعلى وكمان تتأكدلي من إن رقم البوجيهات هو المطلوب عشان تاخد سحب تمام وأي مشكلة عندك راجعني عالخاص وأنا معاك قلبا وقلبا صديقي المواطن جيبك لسه مكلمني وبيقللي إنت إنتهيت خلاص حضر فلوسك عشان حتبتدي تصرف وطبعا مش ننسى نراجع على قواعد المكنة والفتيس
ومن ضمن أسباب الشخلله برضو عندك السوست اللي بتمسك تيل الفرامل
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

طيب انا لو بفكر اجين جين تو وفتحت منى كدة تحتاج فى معدل كام فلوس علشان اظبط كل الكلام دة اللى فوق

**Yousef JoKer** · 11-11-2013 04:13 AM

بس ياباشا السحب بقي تمام والطارة بقت تمام الحمدلله" مابقاش فية غير شخلله المطبات بس والصوت اللي جاي من الطابلوة ده " ولما بمشي فترة وامشي واقف او امشي علي سرعة قليلة بسمع زي صوت كركره في الكابوت مش عالي اوي بس غريب !

**DESIGNER105** · 11-11-2013 01:29 PM

الهبد الى ورا ده مساعدين ...والغربلة الى قدام دى علبة الدركسيون ...ووممكن بردو المساعدين الى قدام ضربو ,,,ومش شرط يكون المساعد جايب زيت عشان يبوز ممكن ميجبش زيت ويبقى ضعيف ومفهوش اى مقاومة .....

**eng.m7md.ali** · 12-11-2013 03:01 AM

هيا الطارة كان فيها ايه بالظبط وايه اللي تم عشان تتظبط؟

اكشف علي المقصات والجلب والشدادات اللي ورا

**Al-Farooq** · 12-11-2013 08:00 AM

الصوت اللى جاي من التابلوه متقلتش منه - هو عيب شائع وبسمعه عندي وبحث انه جاي من وراء ريش التكيف اللى في الوسط - فى ناس بتفك التابلوه وتركبه تاني كويس و بتحاول تفصل اى حاجة بلاستيك ممكن اهزاز السيارة يخليها تعمل صوت - واللى يأكد لك ان مفيش مشاكل ان الصوت دة مش هتسمعه غير مع الاهتزازات والطرق الخشنة بس ، سوء تقفيل للأسف.
--
والكركرة اللى بتسمعها دي مش عاوز افتي فيها لأن خبرتي فى السيارة قليلة جدا بس ممكن تطلع عوارض مانفولد <<< جايز يكون كلام غلط .