عرض للطباعة
السلام عليكم ورحمة الله وبركاتة
ندخل فى الموضوع
من اول ما نزلت النوبيرا فى مصر وانا ملاحظ حاجة غريبة جدا عايز ليها تفسير وعلى فكرة انا عمرى مجربت العربيات الكورى ابدا
المهم . العربية اول ما تيجى تدور بتاخد وقت كبير جدا فى التدوير حوار 10 ثوانى مثلا ياريت اصحاب النوبيرا يبينو السبب لية مش بتدور من اول مرة بسرعة وشكرا
يرجى مراعاه كتابة لفظ الجلالة بشكل صحيح
مشرف القسم
مافيش الكلام ده !! أنا جايبها زيرو عمرها ما عملت كدة
طيب منين مجربتش الكورى و بالتالى النوبيرا و منين بنيت ملاحظة على كل النوبيرا اللى فى مصر؟؟
عموما الموضوع دة مش صح الا فى العربيات اللى رشاشاتها بتليك
MMamdouh
ياعم مين قالك الكلام دة منا معايا العربية وبسم الله ماشاء الله زى الفل
لا يحدث معي على الاطلاق - و لم بكن بحدث في سيارة والدي اللي عمرها 7 سنين (نوبيرا برضه)
حضرتك جربت كل النوبيرا الى فى مصر ؟!!
انا ملاحظ الموضوع ده عندى ومش عارف هو سببه رشاشات ولا انا اللى بيتهيألى ..
العربيه نوبيرا 2008 عامله 8000 كم ..
اول دواره فى اول اليوم عادى .. مابتاخدش ثانيه .. كذلك لو سبت العربيه مده اكتر من ساعتين وجيت ادورها تانى نفس الحكايه ...
المشكله بقى لو سيبت العربيه فتره من 1/2 ساعه الى ساعتين .. اجى ادو للاقيها بتغيب شويه ...
معدل استهلاك البنزين جوا البلد فى حدود 190 كم للصفيحه ... وبره البلد 300 كم للصفيحه ؟؟
لو ماكانش ده عيب رشاشات يبقى عيب ايه ؟؟؟
وهى الرشاشات بكام ( من باب العلم بالشىء فقط ) .. وهل لو العيب منها بتتغير فى التوكيل عادى ولا بيرخموا ؟؟ وهل بتحتاج فك موتور وشغل كتير ولا لأ ؟؟ وهل بترجع العربيه احسن من الاول ولا أسوأ لانى ليه تجربه مش ظريفه مع التوكيل ...
ومره كنت بسأل مهندس صيانه قبل ما اعرف حكايه الرشاشات دى وشرحته الموضوع قالى المشكله دى مشكله بنزين !! تلاقى البنزين مش نظيف !!
هل كلامه صح ؟؟
العربية بتدور بسرعة, عندي ملاحظة ياريت قبل تدور خليها على Acc لغاية ما تخلص الصفارة.
لا حضرتك الصفارة دى بتاعت حزام الامان لو انتا رابطة قبل متدور مش هتسمعها انا كنت فاكر ذى حضرتك كدة بردةاقتباس:
المشاركة الأصلية كتبت بواسطة alaasite2006
هوا قصده انتظر ثوان قبل ماتدور علشان طرمبه البنزين تحضر .....وخد زمن الصفاره مقياس للوقت ليس الا......اقتباس:
المشاركة الأصلية كتبت بواسطة alaasite2006
المشكله ده كانت عندي في نوبيرا 2001 وذهبت الي التوكيل ونصحني بعدم شراء الرشاشات من التوكيل لانها غير جيده ونصحني بان اشتري رشاشات اوبل استرا 1600 من الوكاله من عند الحج / محمد سوسو وقد عملت كده بالفعل ، الرشاشات لها معايا تقريبا اكثر من سنه والعربيه بتدور من اول مره
العربية دي عايزة تغيير رشاشات , أنا عارف انها 2008 و لكن عادي ان يحصل كده
السلام عليكم ورحمة الله
انا عندي نوبيرا 11/2006 وبرده بتأخر في الدواره خاصة بعد مشوار طويل انا مقتنع بكلام الاستاذ ممدوح ان السبب بنسبة كبيرة ممكن يكون رشاشات
طيب انا عايز احل المشكلة دي حل جزري فياريت تفيدوني؟
كمان بشتكي من صوت عامل زي صوت بلية الدبرياج بس وهي باردة بس كمان جاري عنده نفس موديل العربية بيشتكي من نفس المشكلة ولما راح التوكيل قالولوه ده موجود في كل العربيات انا عايز اعرف ده بقه بيشتغلنا ولا ده فعلا صحيح وازاي احل المشكله دي؟
وجزاك الله عنا كل خير على الجهود الطيب
بالنسبة للرشاشات الموضوع مشروح هنااقتباس:
المشاركة الأصلية كتبت بواسطة pop3
http://www.nilemotors.net/Nile/showthread.php?t=9860
بالنسبة للاصوات انا فعلا ملاحظ من ساعت ما جبت العربية ان صوت المتور مش ناعم خالص و لو ركزت معاة ممكن تسمع اصوات حاجات كتير
فا اعتقد ممكن يكون دا الطبيعى
اقتباس:
المشاركة الأصلية كتبت بواسطة maei15
جبتها بكام وفين المكان بالظبط
جبت طقم الرشاشات بكام ؟؟اقتباس:
المشاركة الأصلية كتبت بواسطة maei15
متشكر جدا لإهتمامك وردك يا شريف انا دخلت فعلا على اللينك المرفق وعايز اعرف منك ابع افضل رشاشات Bmw ولا الإلنترا وهل موديل معين في السيارتين اجين منه الرشاشات و لا ايه و يبقى كتر خيرك كمان لو قولتلي اجيبها منين ؟
شكرا ليك مرة تانيه و مستني الرد
معرفش بتوع الالنترا الاداء بتعهم ايةاقتباس:
المشاركة الأصلية كتبت بواسطة pop3
بس بتوع ال BMW بوش صناعى المانى و متجربة من كذا واحد و محدش قال على اى مشاكل منها
هات بنوع ال M40 1600 CC موديل 1986
و خالة بالك اتئكد انهم بتوع ال 1600 مش ال 2000
تجبهم من عند اى واحد بتاع قطع غيار استيراد فى الحرفين او لو كنت من الهرم فى واحد فى ش النفق
سعرهم من 150 لى 200 جم الطقم