حد من الاعضاء سافر الصين او عارف ايه نظام الاكل و الفنادق و الامن هناك ايه نظامه ؟
عرض للطباعة
حد من الاعضاء سافر الصين او عارف ايه نظام الاكل و الفنادق و الامن هناك ايه نظامه ؟
الامن تمام جدا والفنادق على اعلى مستوى نظافه ونظام...اما الاكل..انتا رايح فين في الصين؟؟؟
كنت في شانغهاي أغسطس 2010 لمدة شهر ....... العملة اليوان الواحد (زي الجنية بتاعنا) كان بيساوي ايامها حوالي 90 قرش هتحتاج دولارات تكفيك علشان القانون هناك صارم تغيير العملة من البنك فقط بالباسبور........الرحلة كانت علي الخطوط القطرية 8م القاهرة - للدوحة 3 ساعات وساعتين ترانزيت في مطار الدوحة طارو هوا فسحة في المطار والسوق الحرة .......وبعدين 1ص من الدوحة - لشنغاهاي 10 ساعات يا مؤمن وكل شوية تنام وتصحي فعلا رحلة طويلة 5م وصلت شتغاهاي مع أعتبار فرق التوقيت وانك بتطير عكس اتجاه الشمس !!! بالنسبة للفنادق 5 نجوم ممتازة مقدرش افيدك عن الاسعار علشان اقامتي كاملة كانت علي الشركة ....... الامان ممتاز الشرطة هناك مبتهزرش ..... الفصال في كل شيء ولا الموسكي.... كل شيء ممكن تتخيلة بفاتورة حتي التاكسي ولو ليك ما يعادل القرش باقي فلوس بتاخدة ....... الأكل كان مشكلتي كنت عايش علي الفواكه و كنت في فندق فيرمونت بيس الشيف العمومي كلمتني بعد ما وصلت لما بلغت خدمة الغرف اني مسلم ومش باكل لحم الخنزير ومشتقاتة (الخنزير هناك بيربوه زي الفراخ في مصر زمان علشان بيكبر بسرعة) ورتبتلي منيو مخصوص من سمك وجمبري وسلطات خضراء وحبوب يعني رجيم اجباري.......محلات قليلة جدا بتقدم اكل للمسلمين اسمها حلال لكن مع الاسف مستواها ضايع .....في مسجد صغير لكن جميل جدا في وسط البلد في موقع ممتاز.....احذر من النصب زي اي بلد سياحي ........افتكر كويس احنا هناك اجانب سياحة بالمعني الحرفي للكلمة يعني زبون عينك في وسط راسك علشان الاشتغالات........يارب اكون افدتك وحاضر لأي استفسار ........ تروح وتيجي بالسلامة .......تحياتي من مكة (:
ادي ياعم شنغهاي مهما حاولت الاكل افضل من ماكدونالدز وكنتاكي وبتزا هت اللي في كل حاره...انما اكلهم كمدينه مش حتحبه بقرش...فيه بلاد تانيه المذاق فيها يناسب الشرق او سطيين عموما
نسيت اقولك اني لما اتجرأت وسألت فين الاقي لحوم بيف حلال؟ تعبير الوش اللي شفتة كأنك بتسأل مصري عن شوربة الضفادع (ياععععع) وبكدة تخيلت اية هي لحوم ماكدونالدزواستبعدته تماما ..... ولما شوفت كنتاكي فرحت جدا وجبت نوعين الدينر طلع مسكر عسل !!! والتاني ماسخخخخخخ واترمو في الزبالة وقضيت العشا بطيخ !!! فعلا تحيا مصر.....تحياتي من مكة (:
اطلاقا....بس بيقدموا الانواع اللي تناسب الذوق المصري وغالبيه الاكل الجنوبي والغربي الصيني ضيف عليه البط البيكيني والقطايف الصيني والسبرنج رولز يستهوينا كعرب جدا.اما عن الاكل الحلال حتلاقيه يا في المطاعم المسلمه ودي بيبقى مكتوب عليها بلغه شبه العربي الاردو او مكتوب عليها حلال ودي في السوبر ماركتات الكبيره
موضوع الاكل المعسل واللي مالوش طعم خاص جدا بشنغهاي عشان اكلهم كله كده