سلك أرضى زيادة بالصدفة العربية ما بقتش ترعش مع المراوح

السلام عليكم
كل سنة و عصابة الأوبل بخير..... أعتذر عن الغيبة بسبب ظروف الشغل
كان فى ناس بتشتكى إن العربية بترعش لما المراوح تشتغل و العربية شغالة ... انا بالصدفة ركبت سلك أرضى زيادة للعربية و الموضوع دا إختفى ...و بصورة عامة أدأ العربية إتحسن كتير

و بعد الإنتهاء من تصليح العربية للشهر دا إليكم قائمة الأسعار
إكصدام أمامى 1400 بالفوجات بلون العربية بس بعد لما ركب سمعت و احد بيقولى 750 :(
رفرف 200 جنية لليمين و 200 جنية للشمال بلون العربية
مفتاح نور عشان زرار الفوجات 200 جنية
مرايتين كهربا بلون العربية 400 جنية
فوانيس أمامى جديدة 480 جنية
شاسيه إكصدام 50 جنية
مصنعية سمكرى 300 جنية مكلمتوش فيهم عشان عدلى الكبوت الى كان كذا سمكرى قالى عايز يتغير ... و بالمناسبة كان عامل 750

الشهر الجاى بقى أكمل الباقى (إكصدام خلفى و فوانيس خلفى ) إدعولى

ألف مبروك التجديدات وربنا يعوضك عن كل ما صرفت
أما بالنسبة للأرضي ، فإن تقوية الارضي يؤدي إلى زيادة الاضاءة ، وتحسن في أداء السيارة ، وتوفير في البنزين
ولذلك نلاحظ أنه يوجد مكان لربط الارضي أعلى المساعد الايمن كما توضح الصورة التالية
[IMG]http://nileup.com/up/uploads/nilemotors_13840095381.jpg[/IMG]

انا مش رابط فى المكان دا ... هوصل السلك فيه بكرة الصبح

الف مبروك وربنا يبارك لك فيها
وعقبال الباقى والف شكر على المعلومه

هو السلك ده المفروض بيركم من فين لفين بالضبط ؟

توصيل المحرك بالارضي
إليكم التجربة كما سردها أحد ألاشخاص في أحد منتديات الاوبل الاجنبية ، وقد قمت بالترجمة:

"كان لدي إحساس أن هناك شيء ما يجب توصيله بالارضي الموجود بجسم السيارة عند المكان البارز الموجود أعلى المساعد الايمن ، والحرف البارز أعلى المحرك جهة اليسار.

أحضرت سلكا من السلوك التي تباع لماكينات اللحام (لأن مقاومتها ضعيفة) وقمت بتوصيل النقطتين المذكورتين ، وقمت بدهان الطرفين بالشحم للوقاية من الصدأ والنتيجة كانت مدهشة وتتلخص في الآتي:
1- تدوير المحرك أكثر سهولة
2- إطفاء المحرك أصبح أكثر نعومة في الصوت.
3- صوت الدوران في السلانسيه أصبح ناعما.
4- إضاءة الفوانيس أصبحت أكثر بريقا
5- صوت الراديو أصبح أكثر نقاء"
انتهى مع تحياتي

عاوز اضيف لحضرتك ان مش للاوبل بس هي لاي عربيه انا كان عندي هزه برضه وغلوبت فيها وفعلا طلع ن الارضي مهرب ظبطته العربيه بقت تمام الحمد لله

طيب انا عربيتى بيجو 605 نازل فيها ستوك سلكين واحد رايح على الموتور والتانى جنب المساعد الشمال .. هل فى رأى حضراتكم ازود واحد كمان؟ العربيه 2000 سىسى انجكشن موديل 1998

صديقي المواطن
شكرا ﻷنك معيشنا معاك اللحظة خطوة بخطوة عشان تثري وتجدد معلومات اﻷخوة اﻷفاضل أعضاء المنتدى الكرام ومتحرمناش من كل جديد ليك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

متابع ...

العربية عندي فعلا بترعش لما المرواح بتشتغل
بس الغريبة اني عملت تقويلة للأرضي وللكهرباء وباردوا الرعشة مازالت موجودة لما المروحة بتشتغل

ملحوظة: التقوية ديه عملتها عشان كان شحن الدينامو عندي ضعيف

الحركة ده تنفع للاسترا 2005 وهل حتحسن الأداء ان شاء الله
ولا بلاش لعب في العربية

تقوية الأرضي لـ اللي عنده مشكلة
طالما مافيش مشكلة عندك يبقى خلاص بلاش منها

اقتباس:

---

المشاركة الأصلية كتبت بواسطة maam

تقوية الأرضي لـ اللي عنده مشكلة
طالما مافيش مشكلة عندك يبقى خلاص بلاش منها

---

كل واحد بيبحث عن الافضل
لكن انا حاسس بشوية ضعف في الكهرباء .. ازاي متسألنيش
يعني حاسس ان الفوانيس ضعيفة "الفوانيس نظيفة"
حاسس ان صوت الكاسيت ضعف بعد ما غيرت الكنترول يونت

بالمناسبة اخباره ايه معاك ؟

اقتباس:

---

المشاركة الأصلية كتبت بواسطة maam

بالمناسبة اخباره ايه معاك ؟

---

الحمد لله بخير :)

بالنسبه للفيكترا بي...
اللي حاسس ان الارضي عنده ضعيف ومحتاج تقويه . بدل مايمد سلك من سالب البطاريه وترمله مشترك ...
بص علي المساعد الشمال هتلاق حواليه بلاستيكه سوده شبه الموزه كده , فكها (4 كلبسات حررهم وشد لفوق)
هتلاقي تحتها تجميعه ارضي العربيه .يعني كابل تخين داخل من سالب البطاريه علي مشترك لمعظم الاجزاء المهمه المحتاجه ارضي , فيها مكانين فاضيين لو حبيت تمد ارضي لاي مكان في لك العربيه وصل سلك فيهم
هما عباره عن صواميل 10 ملي وطبعا هتركب ترمله في السلك وتعديه من تحت البلاستيكه لصدر العربيه
وممكن تدخله من العلبه المستطيله اللي في صدر العربيه اللي فوق حساس الماب للمكان اللي انت عاوزه.كده اشيك واحسن من لما تاخد من البطاريه وتفضل تمد سلوك..

انا بقالى إسبوعين راكن العربية بسبب ظروف الشغل فى البحر الأحمر .... فى تحسن ملحوظ عن المرات الى فاتت فى الدوارة
إن شاء الله هوصل السلك الى عملته فى المكان الى فادى قال عليه و هجرب أخد العربية مشوار حلو عشان أطلع كل الى جواها

ممكن حد بس يشرحلنا الموضوع ده بالصور عشان نستفاد اكتر لانى الصراحه مش عارف الموضوع ده يتعمل ازاى وفين الاجزاء الانتوا بتتكلموا عليها ديه اصلا

اتفضل..
http://www.nilemotors.net/Nile/311761-a.html

نسيت أقول ان الرعشة بتحصل عندي لما المروحة بتشتغل على السرعة التانية فقط ، اما في حالة السرعة الأولى فمافيش رعشة والوضع بيبقى طبيعي