ﻫﺴﺘﻠﻢ ﺻﻨﻲ ﺳﻮﺑﺮ ﺻﺎﻟﻮﻥ ﺧﻼﻝ ﻳﻮﻣﻴﻦ ... ﻋﺎﻳﺰ ﻧﺼﺎﻳﺤﻜﻢ

ﺇﺯﻳﻜﻢ ﻳﺎ ﺃﻫﻞ ﺍﻟﺨﻴﺮ
ﺩﻩ ﺃﻭﻝ ﻣﻮﺿﻮﻉ ﻟﻴﺎ ﻓﻲ ﺍﻟﻘﺴﻢ ﺩﻩ ﺑﺶ ﻫﺘﺸﻮﻓﻮﻧﻲ ﻛﺘﻴﺮ - ﻓﻲ ﺍﻟﺨﻴﺮ ﺇﻥ
ﺷﺎﺀ ﺍﻟﻠﻪ -:d
ﺇﻥ ﺷﺎﺀ ﺍﻟﻠﻪ ﻫﺴﺘﻠﻢ ﻧﻴﺴﺎﻥ ﺻﻨﻲ 2014 ﺧﻼﻝ ﻳﻮﻣﻴﻦ ﻭ ﻛﻨﺖ ﻗﺮﺃﺕ ﻣﻦ
ﻓﺘﺮﺓ ﻛﺒﻴﺮﺓ ﻣﻮﺿﻮﻉ ﻋﺒﺎﺭﺓ ﻋﻦ ﻧﺼﺎﺋﺢ ﻋﻨﺪ ﺷﺮﺍﺀ ﺳﻴﺎﺭﺓ ﺟﺪﻳﺪﺓ ﺍﻭ ﺣﺎﺟﺔ
ﺯﻱ ﻛﺪﻩ ﺑﺲ ﻟﻼﺳﻒ ﻣﺶ ﻻﻗﻲ ﺍﻟﻤﻮﺿﻮﻉ ﺩﻩ ﺩﻟﻮﻗﺘﻲ
ﻭ ﻛﻨﺖ ﻋﺎﻳﺰ ﺃﻋﺮﻑ ﺃﺭﻛﺰ ﻋﻠﻲ ﺇﻳﻪ ﻋﻨﺪ ﺍﻹﺳﺘﻼﻡ ﻭ ﺍﺃﻛﺪ ﻋﻠﻲ ﺳﻼﻣﺔ ﻛﻞ
ﺣﺎﺟﺔ ﻓﻲ ﺍﻟﻌﺮﺑﻴﺔ ﺇﺯﺍﻱ ﺗﺠﻨﺒﺎً ﺇﻧﻲ ﺑﻌﺪ ﻳﻮﻣﻴﻦ ﺗﻼﺗﺔ ﻻ ﻗﺪﺭ ﺍﻟﻠﻪ
ﻳﻈﻬﺮﻟﻲ ﻓﻴﻬﺎ ﺣﺎﺟﺔ ﺍﻭ ﺍﻛﻮﻥ ﺟﺎﻳﺒﻬﺎ ﻣﻦ ﺍﻟﺘﻮﻛﻴﻞ ﻓﻴﻬﺎ ﻣﺸﻜﻠﺔ
ﻭ ﻛﻤﺎﻥ ﻛﻨﺖ ﻋﺎﻳﺰ ﻧﺼﺎﻳﺤﻜﻢ ﺍﻋﻤﻞ ﺍﻳﻪ ﺍﻭﻝ ﻣﺎ ﺍﺷﺘﺮﻳﻬﺎ ﻻﻥ ﺩﻱ ﺍﻭﻝ
ﻋﺮﺑﻴﺔ ﻟﻴﺎ .. ﻳﻌﻨﻲ ﻓﻲ ﻧﺎﺱ ﻛﺎﻧﺖ ﺑﺘﺘﻜﻠﻢ ﻓﻲ ﺗﻐﻴﻴﺮ ﺍﻟﻜﺎﻭﺗﺶ ﻭ ﻣﺎ
ﺍﻟﻲ ﺫﻟﻚ .. ﺩﻩ ﻟﻪ ﻻﺯﻣﺔ ﻭﻻ ﺍﺧﺪ ﺧﻴﺮﻩ ﻭ ﺑﻌﺪ ﻛﺪﻩ ﺍﺟﻴﺐ ﻏﻴﺮﻩ ﺣﺎﺟﺔ
ﻧﻀﻴﻔﺔ ؟
ﻭ ﻫﻞ ﺍﻋﻤﻞ ﻓﺮﺵ ﻟﻠﻜﺮﺍﺳﻲ ﻭ ﻻ ﺍﺳﻴﺒﻬﺎ ﻛﺪﻩ .. ﻳﻌﻨﻲ ﺩﺭﺩﺷﻮﺍ ﻣﻌﺎﻳﺎ
ﺷﻮﻳﺔ :d
ﻭ ﺷﻜﺮﺍً ﻟﻴﻜﻢ ﻣﻘﺪﻣﺎ

ممكن تقرأ الموضوع ده هيفيدك جدا زى ما افادنى وياريت تاخد معاك حد بيفهم فى العربيات وياحبذا لو كان عنده نفس العربية
http://www.nilemotors.net/Nile/212403-a.html
تحياتى

اقتباس:

---

المشاركة الأصلية كتبت بواسطة msanad

ممكن تقرأ الموضوع ده هيفيدك جدا زى ما افادنى وياريت تاخد معاك حد بيفهم فى العربيات وياحبذا لو كان عنده نفس العربية
http://www.nilemotors.net/nile/212403-a.html
تحياتى

---

تسسسسلم يا أستاذنا ربنا بكرمك يا رب :)

اولا الف الف مبروك وربنا يبارك لك فيها ويحفظهالك ان شاء الله
ويعطيك خيرها ويكفيك شرها
وبالنسبه للاستلام الافضل انه يكون فى النهار على شان تقدر تشوف العربيه كويس
وتبص بصه كامله على الصاج وتاخد بالك لو فى تجريح ولا حاجه
وتبص عليها من جوه والفرش والزجاج تجربه كله
وتراجع على الانوار والانتظار
وتجرب الكاسيت
وتشغل التكييف تجربه ايه الاخبار بيجيب هوا ساقع كويس
وتبص على الاستبن وشنطه العده والكوريك
وتبص على عداد الكيلوعامله كام كيلو
المفروض انها تكون غير متجاوزه ال50 بحد اقصى المفروض تبقى فى حدود 18 الى 25
وتبص على الزيت والمياه
والافضل لو عليها اللصق الابيض تشيله وتبص على البويه تحته هل اللون مظبوط ولا خالف
وتشوف الكتالوج والضمان بتاع البطاريه موجودين فى التابلوه
ده بالنسبه الحاجات اللى تاخد بالك منها
اما بالنسبه الى اول 1000 كيلو
يجب اولا انك فى المشى لا تحرق على الغيارات يعنى عند rpm اتنين ونص ثلاثه على الاكثر تكون ناقل الغيار
والسرعه باى حال من الاحوال لا تتجاوز ال 100
التكييف يفضل انه لا تشغله الا بعد ال 500 كيلو
لا تقوم بالفرمله المفاجاءه قدر المستطاع
لا تدخل فى طرق وعره ومكسره قدر المستطاع
لا تقوم بتحميل السياره حموله زائده او تقوم بجر عربيه اخرى اطلاقا
وبعد الالف اعمل كل اللى انت عايزه بقى
بالنسبه للكاوتش عادى خليه ياخد وقته وبعدين غيره
وبالنسبه للكسوه افضل انك تعملها كسوه للمحافظه على الفرش
وافضل واحد يعمل فرش واحد اسمه جينز كار فى شارع الطيران مدينه نصر
وتحت امرك فى اى سؤال
وربنا يحفظهالك

اولا مبروك مقدما
ثانيا عند الاستلام لف على العربية لفة حلوة من برة و اتأكد ان مفيش اى خدوش او تجريح و يفضل الاستلام فى النهار عشان الحاجات تبان و بعدين افتح الشنطة بالمفتاح اتأكد انه شغال و شوف الشنطة كويس و اتأكد من وجود الاستبن و الايريال بعدين افتح الكابوت و بص بصة سريعة كدة و اخيرا ادخل جوة و شيك على الكراسى و الزراير و الزجاج و الكاسيت و المساحات كلها
ثالثا بعد الاستلام اول حاجة تروح بنزينة تفول و تظبط هوا الكاوتش و يفضل انك تغيره بحاجة نضيفة هتفرق معاك جامد
بعدين لازم تركب فرش و دواسات خاصة لو عندك اولاد
و حاول تلتزم بقواعد التليين و سوق بالراحة
ان شاء الله تتبصط من العربية و تريحك
متنساش تدبح و ادعيلنا

متنساش الكتالوج و كتاب الضمان بتاع العربية

الرجاله قالت كل حاجه

تسلموا يا رجالة و الله ربنا يطمنكم و ربنا يبارك فيكم يا رب و إن شاء الله مع بعض دايما :)

نصيحة غير الكاوتش بمجرد أستلام العربية شوف بتاع كاوتش محترم وأعمل معاه deal أديلة الماكسيس وركب ميشلان أو كونتيننتال او بريدجستون او بريللى وأدفع فرق السعر وريح بالك عشان تعرف تستمتع بالعربية ومبرووووووووووك مقدما

بجد انتم احسن ناس في الدنيا انا لسه بفتح الكمبيوتر عشان اسألكم نفس السؤال لاني رايح استلم كمان ساعتين ان شاء الله لاقيت كل اللي محتاجه بجد تسلمووووووووووووووا

معلش هوا حضرتك استلمت بعد كام يوم بالضبط من الحجز :)
علشان عاوز اعرف انا قدامي كتير ولا لسه هههه

انا اسف اني اتاخرت في الرد عليك انا استلمت بعد 10 ايام والحمد لله والسياره يا جماعه راي فيها من اول يومين كده انها بسم الله ماشاء الله جميله وامكانيات رائعه علي ثمنها .....وعايز اقولكم ان سعرها في صعود ومتوقع توصل لاكثر من 135000 علي اول السنه الجديده وربنا يباركلك فيها ويكفيك شرها ويرزقك خيرها ان شاء الله

اشكرك على ردك :) انت محظوظ.. انا بقالي كدا اكتر من 18 يوم لسه ما استلمتش :)

أنا إستلمت بعد تقريباً شهر و نص.. بس عموماً هي حسب الفرغ اللي هتجيبها منه و الضغط اللي عليه، ربنا يعجلك إستلامها او فيها خير ليك إن شاء الله :)

الله يبارك فيكم جميعاً و يجزيكوا خير :)

السلام عليكم
نقول مبروك علي العربيه ياريت تطمنا وتقولنا ايه الأخبار عشان انا حجزت ومستني الميعاد

الف مبروك دكتور رامى وربنا يبارك لك فيها

اقتباس:

---

المشاركة الأصلية كتبت بواسطة بودي

بجد انتم احسن ناس في الدنيا انا لسه بفتح الكمبيوتر عشان اسألكم نفس السؤال لاني رايح استلم كمان ساعتين ان شاء الله لاقيت كل اللي محتاجه بجد تسلمووووووووووووووا

---

طيب انا هاستلم بعد اسبووع ممكن تقولى لو غيرت الكاوتش فى اسكندرية عملته فين ودفعت فرق قد ايه ؟؟

اصدقائي
الحمد لله استلمت العربيه ومشيت بيها مشوار لغايه مرسي مطروح عشان التليين في الطوالي افضل نسبيا والخلاصه العربيه بسم الله ماشاء الله زي الفل ثابته ومريحه علي الطريق مفيهاش اي عيوب ملحوظه وسرعتها علي ال140 حتي160 زي الفل وسحبها جميل وعلي فكره انا وصلت للسرعه دي لمجرد التجربه اما موضوع الكوتش بعد ما توكلت علي الله قلت اسيبه زي ما هو من غير تغيير وحطيت نيتروجين حسسني بفرق العيب الوحيد اللي فيه انه بيلم زلط ....وبعدين في صيانه االالف رحت توكيل مودرن موتورز الحضره حاجه كده قمه في الاحترام والناس اللي هناك همها الوحيد انها تسمعك وترد عليك ومهندسين الاستقبال والورشه والفنيين حاجه تشرف غيرت زيت وفلتر وركبت فرش جلد هناك ووحده رفع ودي ميزه مهمه ان حتي الفرش يبقي في التوكيل
متنسوش كتيب الضمان يبقي مع العربيه وتفعيل الضمان بالتليفون عشان يبقالك كود......من الاخر ربنا يبارك لكم في عربياتكم ويسترها معانا ويكفينا شرها ويرزقنا خيرها ويسدد عنا الدين ومبروك يارجاله

اقتباس:

---

المشاركة الأصلية كتبت بواسطة بودي

اصدقائي
الحمد لله استلمت العربيه ومشيت بيها مشوار لغايه مرسي مطروح عشان التليين في الطوالي افضل نسبيا والخلاصه العربيه بسم الله ماشاء الله زي الفل ثابته ومريحه علي الطريق مفيهاش اي عيوب ملحوظه وسرعتها علي ال140 حتي160 زي الفل وسحبها جميل وعلي فكره انا وصلت للسرعه دي لمجرد التجربه اما موضوع الكوتش بعد ما توكلت علي الله قلت اسيبه زي ما هو من غير تغيير وحطيت نيتروجين حسسني بفرق العيب الوحيد اللي فيه انه بيلم زلط ....وبعدين في صيانه االالف رحت توكيل مودرن موتورز الحضره حاجه كده قمه في الاحترام والناس اللي هناك همها الوحيد انها تسمعك وترد عليك ومهندسين الاستقبال والورشه والفنيين حاجه تشرف غيرت زيت وفلتر وركبت فرش جلد هناك ووحده رفع ودي ميزه مهمه ان حتي الفرش يبقي في التوكيل
متنسوش كتيب الضمان يبقي مع العربيه وتفعيل الضمان بالتليفون عشان يبقالك كود......من الاخر ربنا يبارك لكم في عربياتكم ويسترها معانا ويكفينا شرها ويرزقنا خيرها ويسدد عنا الدين ومبروك يارجاله

---

الف مليون مبروك ع الصيانة وعقبال 1000000 ك وربنا يباركلك فيها
ويسدد الديون علينا جميعا
والله طمنتنا الله يطمنك
انا من الأسماعيلية وان شاء الله هستلم قريب
وعايز متابعتك معايا

سؤال بعد اذنك
سعر الفرش ووحدة الرفع كام في التوكيل

وحدة الرفع فى التوكيل ب ٥٥٠ جنيه
الفرش فيه انواع كتيرة جدا ممكن من ٣٠٠ لغاية ١٠٠٠

اقتباس:

---

المشاركة الأصلية كتبت بواسطة edodahab

وحدة الرفع فى التوكيل ب ٥٥٠ جنيه
الفرش فيه انواع كتيرة جدا ممكن من ٣٠٠ لغاية ١٠٠٠

---

شكرا جدا وربنا يباركلك فيها