طقم دبرياج بعد شهريين من شراء السياره

السلام عليكم النهارده وانا ماشي بالسياره مره واحده من غير سابق انذار وقفت خالص وحصلت حاجه غريبه واكن الفتيس فصل خالص ولما وقفت سواق تاكسي قال لي اني العربيه جابت طقم دبرياج ومش هتتحرك ولازم حد يقطرك انا اتجننت انا لسه مشتري العربيه من شهرين ازاي ده يحصل وكان معاي قبلها كذا عربيه عمرها ماحصلت معاي المهم اتصلت بالاونش جه قطرني لحد القطاميه ولما دخلت عملوا علي حوار وقالو لي ده سوء استخدام وفضلت ازعق وفي الاخر دفعت 800 جنيه وغيرت طقم دبرياج كامل وتيل الفرامل وظبطوا العربيه بس طبعا خرجت من عندهم وانا خايف اسوق العربيه حاسس اني بتاعمل مع بسكويته بالطريقه وخايف يحصلي نفس المشكله تاني مع العلم اني مش بريح رجلي خالص علي الدبرياج لكن بغير كتير جدا وبستخدمه طبعا كتير والمفروض ده يكون الطبيعي لكن مع بي واي دي اف ثري مش طبيعي فلو سمحت حد ينصحني اعمل ايه عشان مايحصلش معاي ده تاني خاصه اني الفتيس والدبرياج في العربيه دي زفت اوي وايه حلهم ارجو المساعده

قدر الله و ما شاء فعل

بس انا شايف ان العربية دي منتشرة تاكسي كمان واكيد بتشوف استعمال شاق، الموضوع غريب جدا

بس هو حضرتك دفعت فلوس ليه، المفروض العربية في الضمان.

اقتباس:

---

المشاركة الأصلية كتبت بواسطة saudikamal

السلام عليكم النهارده وانا ماشي بالسياره مره واحده من غير سابق انذار وقفت خالص وحصلت حاجه غريبه واكن الفتيس فصل خالص ولما وقفت سواق تاكسي قال لي اني العربيه جابت طقم دبرياج ومش هتتحرك ولازم حد يقطرك انا اتجننت انا لسه مشتري العربيه من شهرين ازاي ده يحصل وكان معاي قبلها كذا عربيه عمرها ماحصلت معاي المهم اتصلت بالاونش جه قطرني لحد القطاميه ولما دخلت عملوا علي حوار وقالو لي ده سوء استخدام وفضلت ازعق وفي الاخر دفعت 800 جنيه وغيرت طقم دبرياج كامل وتيل الفرامل وظبطوا العربيه بس طبعا خرجت من عندهم وانا خايف اسوق العربيه حاسس اني بتاعمل مع بسكويته بالطريقه وخايف يحصلي نفس المشكله تاني مع العلم اني مش بريح رجلي خالص علي الدبرياج لكن بغير كتير جدا وبستخدمه طبعا كتير والمفروض ده يكون الطبيعي لكن مع بي واي دي اف ثري مش طبيعي فلو سمحت حد ينصحني اعمل ايه عشان مايحصلش معاي ده تاني خاصه اني الفتيس والدبرياج في العربيه دي زفت اوي وايه حلهم ارجو المساعده

---

شوف يا باشا

معروف ان دبرياجها عمره قصير نسبيا بس مش لدرجة شهرين ,, كده فيه مشكله

كان المفروض يعملوهالك ببلاش و على الأقل تكلفه رمزية ,, لكن اللى حصل ده من الوكيل عادى ,, هو عمل اللى انيل و أسوأ من كده و حتلاقى على صفحات القسم ما لذ و طاب عن موضوع الوكيل ده

فا ايه بقى ,, سيادتك لو سكنت جمبك فل الشارع بتاعك واحده رقاصه ,, و الناس كلها عارفه انها رقاصه ,, خلاص بقى ,, حتى لو نزلت من بيتها بالنقاب (نفاق يعنى) و شفط الطبال بتاعها مستنيها فل ليموزين و ماسك سبحة فى ايده (نفاق برده) خلاص ,, هى فل أول و الاخر رقاصة و ريحتها فاحت ,, طبعا حضرتك فاهمنى ,,,,

تعمل ايه بقى ,,,

ميزة العربية ديه ان قطع غيارها شبيهه باليابانى الأطول عمرا طبعا ,,

ببساطه هاتلها حاجت لانسر و كورولا

و عليه العوض فى الدبرياج ,, فداك 800 جنيه

و بالنسبه للصيانة الدوريه ,, فا فى كتير أوى محترمين و كويسين سواء ميكانيكيه أو مراكز و دول بيبقى سمعتهم سابقاهم

الفتيس ان شاء الله امرة سهل ,, سيادتك بس اقرأ المواضيع القديمة على مهلك و حتلاقى الحل

تحياتى لك

معلش هى دى البى واى دى عملتها معايا بعد 400كم واللة

اقتباس:

---

المشاركة الأصلية كتبت بواسطة mozart face

معلش هى دى البى واى دى عملتها معايا بعد 400كم والله

---

يا ريت سيادتك تحكيلنا العربية عمله معاك ايه من حيث المشاكل و الاعطال من ساعت ما اشتريتها عشان نستفاد من تجاربك


هى عربة سيادتك موديل كام ؟ و حضرتك أول يد على العربيه و لا شاريها مستعمل ؟ و ياريت تحكيلنا حكايتك مع ورشة إيميل اللى فل زاوية و الكلام ده كان امتى ؟ و ايه حكاية طقم الدبرياج معاك ؟ و عملت ايه ؟ هل رحت الوكيل و لا العربيه كانت بره الضمان اساسا ؟ و ايه حكايه موضوع حساس التى بى اس ده ؟ و بعدين البى واى دى مانزلهاش لون أخضر صريح كده ؟ حضرتك جبت منين ان اللون الاخضر هو أفضل لون لهذه السيارة ؟

طب معلش سؤال تانى ,, هو حضرتك عرفت منتدى نايل موتورز ازاى ؟؟ يعنى كنت بتدور عل نت لقيتنا و لا سيادتك متابعنا من زمان ؟؟ اصل انا ملاحظ ان سيادتك عضو جديد نضميت لينا فى الشهر اللى فات (نوفمبر) و مش عامل غير 8 مشاركات فقط

خسارة حد بخبرة سيادتك و معلومتك يكون مقل فى عدد مشاركته و يبخل علينا بمعلوماته القيمه عن السيارة

استأذن سيادتك تكون مسهب أكثر فى حديثك ,, معلش انا عارف ان مش كل الناس بتعرف تكتب كتير ,, بس بقدر الامكان حاول تتكلم عن تجاربك أكتر و الحياه هات و خد برضه يعنى ,, زى ما بتسأل ,, حيجى عليك اليوم و حتتسأل و انت و كرمك بقه .................................................. .....

هذا المنتدى يعلم قيمة العطاء و التعاون قبل أى معلومات عن السيارات

تحياتى للكل

ازاي في الضمان ودفعت حق الدسك والاسطوانه

اقتباس:

---

المشاركة الأصلية كتبت بواسطة hugan

ازاي في الضمان ودفعت حق الدسك والاسطوانه

---

سؤال لولبى فعلا ...

غريبـــــــــــــــــــــ ه فعلا ياريت تقولنا عن تجربتك بالتفصيل و خصوصا ع سيارتك من بدايه استلامها لحد دلوقتى

شوف يا سيدى بدات معاناتى مع السيارة بعد 400 كم واللى عاوز يصدق يصدق واللى مش عاوز خلية يخدع نفسة بفرجينيا جميلة الجميلات f3
المهم جابت اسطوانة وروحت لواحد فى التوكيل اسمة المهندس صبحى وقالى دة عيب رجلك الشمال دة على اساس انى كنت بقالى 23 سنة بسوق كارو ومتعلمتش السواقة زعقت واتهبدت وجالى ................ مدير المركز محمد رمضان وقالى عند ............................................احنا بعنالك العربية عاوز تصلح بفلوس يا توتو مفيش حاجة عندنا اسمها ضمان ................ الضامن ربنا وهو احنا مغسلين وضامنين جنة مش كفاية اننا استقبلناك عندنا المهم اتشقلبت واتنططت وفى الاخر عملتها برة طلعت لحبيبتنا داليا الكلام دة كلة من 3 سنين لان سيارتى 2010 والله العظيم المهم قالتلى انا مفيش فى ايدى حاجة انا موظفة معلش يابنى اللى خد منك الفيل قادر يرجعهولك وخرجت وانا خالع جزمتى وبضرب نفسى بيها انى اشتريت جميلة الجميلات روحت بعدها علشان كاوتش الشنطة مقطوع قالولى انت اللى قطعتة وانت بتقفل الشنطة جامد قولت معلش يمكن انا .................. وروحت اشتريتة من عند عمو زكى جرجس اللى فى مصر الجديدة روحت اكشف على السيارة بالكومبيوتر بعدها بسنة قالولى ادفع 40 جنية قولتلهم لية انا لسة فى الضمان قالولى علشان مش حتعمل شغل فى العربية لو حتعمل شغل حيتخصم من الفاتورة كشف الكومبيوتر وطيت على ..................... ماسك المركز قولتلة نفسى اعمل حاجة عندكوا ببلاش وانا فى الضمان قالولى انت ........................................ولو العجل الاعظم حسن سليمان سمعك حياخد منك العربية ومش حتشوفها تانى قولتلهم انا .............................. وبعترف واسف على الازعاج وهزة حكايتى مع توكيل الامال العظيمة


لقد خالفت قواعد المنتدى القاعدة 9 الخاصة بالآداب العامة
تم وقفك لمدة اسبوع
مشرف عام 9

يعنى الموضوع عيب صناعة فى اسطوانة الدبرياج و معرفتش تاخد حقق , و قطع فى كاوتش الشنطة و كشف بالكمبيوتر


عظيم عظيم

شوفت سيادتك لما بحبحت ,, انت استريحت و احنا استريحنا ازاى


لاء و كمان استفدنا من معلوماتك و حبين طبعا نستفاد أكتر

العربيه مع سيادتك دلوقتى و لا بيعتها ؟؟

و لو مع سيادتك ,, ماشية كام كيلو ؟ و أغلب مشاويير سيادتك سفر و لا داخل المدينة فل زحمة و التوقف المستمر ؟

و أهم سؤال بقه , العربيه عامله معاك ايه دلوقتى بعد 3 سنين ؟؟ شايلاك و شايلة اسرتك الكريمة و مقضية حاجتكم مشاويير

و من تلات سنين , ايه اللى خلاك تقدم على شراء البى واى دى ؟ و لو لم تشتريها ,, كنت اشتريت ايه مكانها بنفس السعر ؟؟ من فضلك جاوبنى على السؤال الاخرانى ,, مهم أوى , كنت جبت ايه بدالها ,, عشان حتفتحلى سكه للكلام و الحوار معك و شكرا لصبرك

اقتباس:

---

المشاركة الأصلية كتبت بواسطة ahmedselaraby

يعنى الموضوع عيب صناعة فى اسطوانة الدبرياج و معرفتش تاخد حقق , و قطع فى كاوتش الشنطة و كشف بالكمبيوتر


عظيم عظيم

شوفت سيادتك لما بحبحت ,, انت استريحت و احنا استريحنا ازاى


لاء و كمان استفدنا من معلوماتك و حبين طبعا نستفاد أكتر

العربيه مع سيادتك دلوقتى و لا بيعتها ؟؟

و لو مع سيادتك ,, ماشية كام كيلو ؟ و أغلب مشاويير سيادتك سفر و لا داخل المدينة فل زحمة و التوقف المستمر ؟

و أهم سؤال بقه , العربيه عامله معاك ايه دلوقتى بعد 3 سنين ؟؟ شايلاك و شايلة اسرتك الكريمة و مقضية حاجتكم مشاويير

و من تلات سنين , ايه اللى خلاك تقدم على شراء البى واى دى ؟ و لو لم تشتريها ,, كنت اشتريت ايه مكانها بنفس السعر ؟؟ من فضلك جاوبنى على السؤال الاخرانى ,, مهم أوى , كنت جبت ايه بدالها ,, عشان حتفتحلى سكه للكلام و الحوار معك و شكرا لصبرك

---

متـــــــــــــــــــــــ ـــآآبع

انا اسف على عدم ردى وشكرا للجميع بس للاسف بعد الموضوع دع عملت حادثه على الدائرى والعربيه اتقلبت بيا ولسه خارج من المستشفى الحمد لله على شئ