حل مشكلة دبرياج 405 المزمنة

انا قررت اكتب الموضوع بعد ما عرفت ان 95% من اللى معاهم 405 بيعانو من حاجة اسمها "الدبرياج"

انا اشتريت العربية فى شهر 9 2012 (405 2003 ) وكانت عاملة 77 الف كيلو ( اة 77 الف ك بس) بس اشترتها غالية شوية بس عشان كانت حالتها فوق الممتازة

و من ساعة ما اشترتها و بدات اسوقها و انا بدات اكره اليوم اللى انزل فية اسوق العربية بسبب الدبرياج و اللى بيعملو فى رجلى بعد اول نص ساعة .... بالحالة دى كانت رجلى باظت و رجل الحاج كمان بس هو بيحب العربية و على قلبة زى العسل .. بعد استخدام 10 شهور بدات ادور اشوف و اسأل ميكانيكة متخصصين 405 ...على الدبرياج

6 ميكانيكة ياريس .... كل واحد اروحلة يقولى يابية هى 405 كدة ...دة كدة كمان عندك ناعم !!... يعنى مش محتاجة سلك جديد ؟؟؟ لا لا يا بية هو كدة والله ...انت بس اللى مش متعود علية
انا بصراحة مكونتش مقتنع ان الفرنسين اللى بيعملو عربيات مريحة يطلعو دبرياج زى الحجر كدة

طقت فى دماغى يوم ان هنزل و اجيب سلك دبرياج جديد و يا اما فلوسى تروح فى الارض ... او ان انا اطلع صح و الميكانيكية اللى سالتهم هما اللى مش بيفهمو ..

وقد كان...نزلت و سالت على انواع سلوك الدبرياج ....لاقيت فية اندونيسى ب 60 و فية نوع اسمة بندكس Made in EU ( اتحاد اوربى ) 100ج

قلت اجيب حاجة كويسة عشان يبقى شغل على نضيف و جبت البندكس

وطلعت بية على مكانيكى اسمة "الدكتور" و دة بتاع قطع غيار و تصليح كل حاجة تبع 405 و فية ناس كتيير تعرفة فى المنتدى

روحتلو و جرب الدبرياج قلى هنجرب نغير سلك الدبرياج قلتلة معايا ...بدا يفك البطارية و القاعدة بتاعتها و فك السلك "بفهم" لان لو حد فكوة مش صح هيكسر فبرة موجوده مابين السلك و صاج العربية و هتجبها ب 20 او 30 ج.... طلع السلك ...السلك مش بيتحرك من الجراب!! ...يعنى انا كنت بدوس بحركة بقوة الدفع انما هو مش بيتحرك اصلا ....ركب الجديد ... و قالى تعالى جرب كدة ....ادوس !! ملبن !! زى اى عربية كورى الدبرياج بتعها ناعم ...قاللى كدة مضبوط ولا محتاج حاجة ؟؟ ...قلتلة انا مش عارف احس بية اصلا من كتر ماهو ناعم ..اهم حاجة اضبطهولى بحيث يبقى مضبوط مع الاسطوانة و الدسك .... رفعو سنة بسيطة ... و قفل على كدة و خد 50ج بس انا مفصلتش معاة لانى بصراحة كنت مبسوط لدرجة انى مش عاوز افاصل معاة

تم تغير السلك فى شهر 9/2013 و كدة بقالى 3 شهور على التجربة دى و اقدر اقول انها تجربة ناجحة بنسبة 100% بتكلفة 150ج بس هتغير حياتك من دبرياج العربية خالص

ملاحظات :
1: شراء سلك الدربياج "بندكس" لضمان جودة السلك
2: ميكانيكى شاطر و فاهم عشان يغير سلك الدبرياج صح من غير ميحك فى اى حاجة
3: عدم وضع اى اضافات على سلك الدبرياج" لا تشحيم ولا تزيت ولا فزلين..ولا اى حاجة ..من الكيس بتاعة على العربية...

الحمد لله

انا سوقت كزا وحده كانوا بصراحه قرف فوق المعتاد

وكان في وحده قدامي مشترتهاش عشان خاطر الدبرياج بتاع العربيه دي فعلا كان مقرف

بس كده المشكله محلوله

ربنا يعله في ميزان حسناتك

اقتباس:

---

المشاركة الأصلية كتبت بواسطة حماده المصري

الحمد لله

انا سوقت كزا وحده كانوا بصراحه قرف فوق المعتاد

وكان في وحده قدامي مشترتهاش عشان خاطر الدبرياج بتاع العربيه دي فعلا كان مقرف

بس كده المشكله محلوله

ربنا يجعله في ميزان حسناتك

---

الف شكر.. :)

ال 405 وباقى انواع البيجو بشكل عام عربيات مينفعش معاهم غير قطع غيار أصلية وأى نوع تانى العربية بتتعك وبتخش فى دوامات مشاكل

امال لو ركبت البيجو الاصلي ابو 225 جندي تعمل ايه او البندكس الاصلي الفرنساوي
انت على فكره مركب بندكس من نوعيه جيده بس طالما اللي انت مركبه جاب نتيجه يبقى مافيش مشاكل وزي الفل المهم الدكتور دا فين ؟
انت عارف ان واير الدبرياج اللي من نوعيه جيده ممكن يقعد اد ايه في العربيه ممكن يقعد معاك 7 او 8 سنين على حسب استخدامك وطريقة التركيب سليمه والزبط سليم ولا اي كلام ؟

اقتباس:

---

المشاركة الأصلية كتبت بواسطة the-hero

ال 405 وباقى انواع البيجو بشكل عام عربيات مينفعش معاهم غير قطع غيار أصلية وأى نوع تانى العربية بتتعك وبتخش فى دوامات مشاكل

---

انا بشكرك على مشاركتك فى الموضوع... و عاوز انا اللى اشكرك على مواضيعك اللى استفدت منها كتير ....بس يبقالك كتير مشاركاتك قليلة فى المنتدى ... اتمنى يكون المانع خير :)

اقتباس:

---

المشاركة الأصلية كتبت بواسطة mbx4e

امال لو ركبت البيجو الاصلي ابو 225 جندي تعمل ايه او البندكس الاصلي الفرنساوي
انت على فكره مركب بندكس من نوعيه جيده بس طالما اللي انت مركبه جاب نتيجه يبقى مافيش مشاكل وزي الفل المهم الدكتور دا فين ؟
انت عارف ان واير الدبرياج اللي من نوعيه جيده ممكن يقعد اد ايه في العربيه ممكن يقعد معاك 7 او 8 سنين على حسب استخدامك وطريقة التركيب سليمه والزبط سليم ولا اي كلام ؟

---

انا دور و سالت عند كل بتوع قطع الغيار الاصلية للبيجو و لقيت ان البندكس هو اللى موجود و دة الاصلى ...خد بالك ان اتحاد اوروبى داخل فية فرنسا ... و قطع الغيار الاتحاد الاوربى تكاد تكون زى الفرنساوى 90% او اكثر ...لانهم بهتمو بجودة المنتج لنفسهم اولا

بالنسبة لمحل الدكتور دة فى اول طريق الزقازيق .... اول 2 او 3 كيلو من الطريق يعنى مش سفر ولا حاجة ...من الحرفيين ميكملش 10 دقائق و ده نمرتة لو عاوز فى اى وقت تروحلة : 01117222107

الميكانيكي اللي غيرلك السلك حسين و للا جمال ؟
اصل أنا عملت شغل كتير هناك و عارفهم كلهم :)

يا فندم انا فى ال405 فعلا السلك الاصلى كان فيه حته مكسوره من فتى التوكيل كانت مخلياه ناشف اوى اللى هى مكان دخول السلك فى الفبره اللى قبل مكان ربط الصاموله (تقريبا عملوا كدا فى صيانه ال5000 فى كل العربيات مش فاهم ليه) بس بعد كدا اشتريت الاصلى بتاعها كان ب175 جنيه من حوالى 4 سنوات بقت فعلا ملبن وبستغرب جدا من الناس اللى بيقولوا على دبرياج ال405 تقيل

اقتباس:

---

المشاركة الأصلية كتبت بواسطة badry78

الميكانيكي اللي غيرلك السلك حسين و للا جمال ؟
اصل أنا عملت شغل كتير هناك و عارفهم كلهم :)

---

انا بصراحة عندى زهايمر فى الاسماء بس بصراحة كلهم فاهمين... لانهم بيشتغلو فى ال 405 و 406 بس من اول السمكرة و الدكو لغايت اخر مسمار فى العربية .... التخصص حلو :)

اقتباس:

---

المشاركة الأصلية كتبت بواسطة mohamedadelemam

يا فندم انا فى ال405 فعلا السلك الاصلى كان فيه حته مكسوره من فتى التوكيل كانت مخلياه ناشف اوى اللى هى مكان دخول السلك فى الفبره اللى قبل مكان ربط الصاموله (تقريبا عملوا كدا فى صيانه ال5000 فى كل العربيات مش فاهم ليه) بس بعد كدا اشتريت الاصلى بتاعها كان ب175 جنيه من حوالى 4 سنوات بقت فعلا ملبن وبستغرب جدا من الناس اللى بيقولوا على دبرياج ال405 تقيل

---

والله شكل التوكيل مش فاهم ولا ميكانيكية فاهمة ...
ولازم عشان تعمل اى حاجة فى العربية تقرأ الكتالوج كلمة كلمة عشان تبقى فاهم العربية
و لو فى حاجة ينفع تعملها بايدك يبقى احسن و اضمن و انضف 100 مرة من اى حد يعملهالك .... انا والله بيصعب علية لما بشوف حد معاة 405 و ماشى بية زى ما كنت ماشى بية فى الاول .... الحمد لله

دا كان زمان جدا عشان كان عليها ضمان فكنا بنروح بها التوكيل للصيانات .. انما بعد كدا الحمدلله بقيت باعمل فيها كل حاجه مبروحش بها لميكانيكيه ولا كهربائيه

ياريت تتاكدوا ان السلك بعيد عن الكوبلن لانه ممكن يقطع جلده الكوبلن و المفروض انه يعدي فوق الكوبلن و يتربط بافيزمن عند البطاريه علشان يبعد عن الكوبلن و كمان مايكونش فيه اي انحنائات حاده.... هتلاقوا في السلك حاجه زي مواسير فل.. دي مفروض تكون مكان الانحنائات و مكان الاحتكاك بين السلك و اي جسم مجاور ليه.

السلام عليكم
بعد تجربتي مع دبرياج ال 405 من تقله وكسر الفبريايه فقررت اعدل شويه حاجات
1 تغيير الفبريايه اللي بتركب علي بدال الدبرياج بواحده حديد طبعا اخدت الفبرايه للمخرطه عند واحد صاحبي وقولتله عايز اختهما بالظبط بس حديد وبالفعل عملها والنيجه تمام
2 وده الاهم في الموضوع تغيير مقاسات سلك الدبرياج بمعني. سلك الدبرياج اللي فيها لازم يعدي من تحت الفتيس ويعدي بين الكوبلن والاسكترا ويلف ويبحي من قدام ولو خبط في حاجه يعمل صوت او يقطع جلد الكوبلن ولو لمس الماتور هيسخن وهيسيح من جوه وهيمسك زي الحديد والكل عارف ده نييجي للتعديل........
جبت السلك وقررت اخد السلك من الصدر علي الفتيس من فوق من غير ما يلف من تحت طلع الجراب بتاع السلك طوله 40 سم بدل من متر تقريبا يبقي وفرت اكتر من 60 بالميه من طوله وده هيقلل الاحتكاك كتير والسلك كمان مساره عدل من غير ملفات وطول السلك الداخلي 70 سم من اوله لحد نهايه مسمار الرجلاش نيجي للنقطه المهمه.. هنقطع السلك من ناحيه مسمار الرجلاش اللي مقاسه 10 ونجيب سلك 13 بطول 10 سم وهنعمل كده في المخرطه علشان هنحتاج لمكبس ونخرم المسمار بعمق 3 سم ونعدي السلك في الجراب اللي مقاسه 40 سم ونجيب المسمار اللي اتخرم ونعدي السلك فيه ونكبس وركب وادعيلي حتي لو سلك لقيته في الزباله هيشتغل وده كانت تجربتي مع التعديل اسف للاطاله