هو احنا ((الصعايدة)) وحشين اوى كده !!!!!!!!

السلام عليكم ورحمة الله وبركاته
ازيكم يا جماعة اخباركم ايه ؟؟
انا من فتره وعايز اخد رائيكم فى موضوع مضايقنى جداااا
انا من الصعيد من اسيوط بالتحديد انا طالب فى كليه التجارة شعبه اللغة ومتعلم ومحترم وابن ناس واصلا كنت مولود وساكن بره مش فى مصر ... ما علينا مش هحكيلكو قصه حياتى ههههههههههه
ندخل فى الموضوع ....
انا بنزل القاهرة ع طول زى ما بروح الجامعة كنت بنزل بالقطار عادى وبروح لاصحابي واختى وكل الامور تمام .... والدى ديما كان يسافر بالعربية وكنت اقله انا مسافر بيها يقولى لآ بلاش السواقة وحشه جدا هناك ومقرفة كنت بقله امين يا حج ..
لغاية لما جيه اليوم اللى سافرت بالعربية انا وماما بصراحة لا تعليق :stink[1]: شفت حاجات عجيبه بسبب شئ واحد بسسسسسس وهو (((((( ملاكى اسيوط ))))))
اللى يرمى على واللى يشتم عشان خاطر انى اديت اشارة ومدخلتش ومفيش اى احترام ابدااا
واللى يقلي ايه ده انت صعيدي وممكن ضحكه بسيطه بعد الكلمة كل ده عاااااااااااااادى جدااا بالنسبالى ...
بس طبعا فى ناس محترمة جدا وذوق الى ابعد درجة .
الموقفين اللى حرقوا اعصابي بجد وكرهت مصر والسفر وقلت ارجع بلدى الحبيب الثانى السعودية
الموقف الاول : كنت اول مره اركب المترو فى حياتى كلها بحكم انى بسافر بالعربية ولو من غيرها كنت بركب مع زوج اختى فى عربيته .. اضطرتنى الظروف انى استخدم المترو وكنت لوحدى طبعا اخدت التذكره ودخلت كنت مستنى المترو يوصل وللاسف ركبت عربية لل Ladies كان موقف فظييييييييييييييييييييع جدا ومحرج الى ابعد درجة طبعا اللى قالتلى انت مش شايف دى سيدات بس واللى تقولى رايح فين .. والمشكلة ان الوقت كان هادى ومحدش ركب غير انا وواحد تانى ومخدتش بالى من ان العربية مكتوب عليها كده وانا اصلا كنت مشغول بكلام مع واحد صاحبي على الموبايل بس والله مكنتش اعرف ان الحوار ده اتعمل فى مصر بعدها نزلت وركبت عربية الرجال وانا نازل حطيت التذكره فى المكان بتعها ولقتها مطلعتش تانى :dzey:والبوابة مفتحتش رح جه واحد ابن حلال وحط بتاعته وفتحلى وقعد يتكلم معايا ويقولى انت منين وانا بغبااااااااااااااايئ قلتله من اسيوط قالى انت متعلم ازاى متعرفش تحط التذكرة والصعيد ومش الصعيد وكلام كتير طبعا مش لازم اوضحله انى كنت فى السعودية والكلام الكتير مع العلم انى حطيتت التذكره صح والله بس الظاهر ان الجهاز عملها معايا لما عرف انى صعيدى ...
عموما فى مواقف كتير اوى حصلت معايا فى البلد دى ...
من ضمنها واحد ابن خالت واحد صديقي من اسيوط معايا بردو ((ابن خالته ده من اكتوبر واحنا من اسيوط))
الراجل ده قال هي اسيوط دى ايه لصاحبي ؟؟؟ تخيلو بجد معايا ؟؟؟ ( اااااااااااه اسيوط اللى فى الصعيد يعنى بتركب الحمارة والزرع والشغل ده ) اه هو ده اللى قالو لصاحبي ومش بيهزر بجد والغريب انه نزل من سنة وشاف اسيوط ومكنش مصدق والله ....
المهم انا عارف انى طولت عليكو كتييير بس فى اكتر من موقف هحكيه فى الردود القادمة بأذن الله
.....
...
.

شعب طبقى يستاهل اللى بيحصل فيه

صديقي المواطن
ده إنته عايش في دولة زي السعودية دولة إستهلاكية وبتقول كده أمال لو رحت لدولة عليها اﻹعتماد ومحترمة كنت عملت فينا إيه ومش عايزين نتوسع في الموضوع ده عشان محدش يزعل ولكن الصعايدة دلوأتي اللي بييجوا القاهرة مش زي الصعايدة بتوع زمان جدعنة وأصل وطيبة وإبن بلد دلوأتي ربنا يسامحهم ويسامحنا طبعا مش حنعمم حنستثني 3% كويسين عشان خاطرك وحنحطك إنت معاهم برضو في شعبة أحسن ناس
والمواقف اللي إنت ذكرتها تعتبر من الصغائر وبسيطة ولا تستحق تشغل بالك عليها بإستثناء الراجل بتاع أكتوبر اللي قال لك تقريبا ريف وحمار والقصص دي فده مش تزعل غالبا ده طفل لسه أمه بتصرف عليه ومبيعرفش ينقي كلامه ومش بيقدر تأثير ما يخرج من لسانه على أسماع اﻵخرين
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

اقتباس:

---

المشاركة الأصلية كتبت بواسطة saddam

صديقي المواطن
ده إنته عايش في دولة زي السعودية دولة إستهلاكية وبتقول كده أمال لو رحت لدولة عليها اﻹعتماد ومحترمة كنت عملت فينا إيه ومش عايزين نتوسع في الموضوع ده عشان محدش يزعل ولكن الصعايدة دلوأتي اللي بييجوا القاهرة مش زي الصعايدة بتوع زمان جدعنة وأصل وطيبة وإبن بلد دلوأتي ربنا يسامحهم ويسامحنا طبعا مش حنعمم حنستثني 3% كويسين عشان خاطرك وحنحطك إنت معاهم برضو في شعبة أحسن ناس
والمواقف اللي إنت ذكرتها تعتبر من الصغائر وبسيطة ولا تستحق تشغل بالك عليها بإستثناء الراجل بتاع أكتوبر اللي قال لك تقريبا ريف وحمار والقصص دي فده مش تزعل غالبا ده طفل لسه أمه بتصرف عليه ومبيعرفش ينقي كلامه ومش بيقدر تأثير ما يخرج من لسانه على أسماع اﻵخرين
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

---

دائما ردودك بتمسك كل الاتجاهات والسعوديه لها قصه معاك

ولا يهمك اى كلام فاضى
واللة الصعايدة رجالة وجدعان ووقت الشدة تلاقيهم

بحكم ان اغلب الناس الي معايا في الشغل صعيده (او من الجنوب بكل عام) احب اقلك انهم اجدع و اكتر ناس محترمه قابلتهم في حياتي و مالهمش في اللف و الدوران وهم بالمناسبة السكان الأصليين للبلاد مش المخلطين بتاع القاهرة وإسكندرية .
بس تعمل ايه في الناس الخيبة الي لسه عايشين بثقافة الستينات

والله مش عارف اقولكم ايه بجد ....
متشكر ليكم على الردود
انا كان عندى تعقيب صغير جدا على كلام الاخ صدام ((كلامك صح 100% انا فعلا لما شفت محطة رمسيس الخط القبلي للاسف زبالة جدااا وده ملاحظ وسببه للاسف الشديد الغالبية العظمى من سكان وجه قبلي وانا اعترف بأن نسبة كبيرة من الصعايدة للاسف اخلاقهم زفت ومش عايز اقول فئة معينة عشان محدش يزعل ))
وعلى فكرة انا مزعلتش من اى شخص قال حاجة ةعلى او على غيري بس انا متدايق من تعميم الفكرة او الانطباع ان كل الصعايدة فلاحين ومعندهمش زوق مع الاعتبار ان كلمة فلاح لا اقصد بيها اى شخص بيعمل فى الزراعة والله بس قصدي الطبع السيئ فى التعامل مع الناس ...

اقتباس:

---

المشاركة الأصلية كتبت بواسطة khalid_mostafa

بحكم ان اغلب الناس الي معايا في الشغل صعيده (او من الجنوب بكل عام) احب اقلك انهم اجدع و اكتر ناس محترمه قابلتهم في حياتي و مالهمش في اللف و الدوران وهم بالمناسبة السكان الأصليين للبلاد مش المخلطين بتاع القاهرة وإسكندرية .
بس تعمل ايه في الناس الخيبة الي لسه عايشين بثقافة الستينات

---

يا باشا والله متشكر على ذوق حضرتك ..
وانا اسف لو حد اتدايق من كلامى ..
وانا اعترف ان كمان فى اسيوط عندنا بيحصل اكتر من كده سواقين التاكسي بيستغلو اى حد مش من اسيوط وبيدفعوهم مبالغ خيالية تتعدى ال 60 جنيه لمشوار اجرته الفعليه 3 جنيه

اقتباس:

---

المشاركة الأصلية كتبت بواسطة iwantes350

يا باشا والله متشكر على ذوق حضرتك ..
وانا اسف لو حد اتدايق من كلامى ..
وانا اعترف ان كمان فى اسيوط عندنا بيحصل اكتر من كده سواقين التاكسي بيستغلو اى حد مش من اسيوط وبيدفعوهم مبالغ خيالية تتعدى ال 60 جنيه لمشوار اجرته الفعليه 3 جنيه

---

لأ ده عادي في كل المحافظات بيحصل مش اسيوط بس ..ده سلوك سواقين التاكسي بشكل عام في اي مكان و بيتعامل من منطلق التعريفة السياحية ..يعني سعر اي شيء بتشتريه في الأماكن العادية بيعلي في الأماكن السياحية ...طبعاً الكلام ده غلط ولكنها ظاهرة متعلقة بسواقين التاكسي عموماً في اي مكان
...تحب اقلك نكته عن الصعايده بالمناسبة دي ؟ :36_1_1[1]: ...بهزر طبعاً

اقتباس:

---

المشاركة الأصلية كتبت بواسطة khalid_mostafa

لأ ده عادي في كل المحافظات بيحصل مش اسيوط بس ..ده سلوك سواقين التاكسي بشكل عام في اي مكان و بيتعامل من منطلق التعريفة السياحية ..يعني سعر اي شيء بتشتريه في الأماكن العادية بيعلي في الأماكن السياحية ...طبعاً الكلام ده غلط ولكنها ظاهرة متعلقة بسواقين التاكسي عموماً في اي مكان
...تحب اقلك نكته عن الصعايده بالمناسبة دي ؟ :36_1_1[1]: ...بهزر طبعاً

---

قول يا باشا والله انا عن نفسي دايما اقول (( مرة واحد صعيدي )) وانت كمل بقي ههههههههههه

لأ نتكلم جد شويه....دي ظاهرة موجوده في كل الشعوب و البلاد و بتشوف في الأفلام الأجنبي الكلام ده
وهنا في مصر كل المحافظات نالها من الحب جانب و الناس الي دخلت جيش عارفه الكلام ده كويس ...يعني بذمتك مسمعتش عن الإسكندرانية حاجه ...ولا المنايفة،الدمايطة،المحلوي ة، البورسعيدية..الخ
المحافظة الي متسمعش عنها نوادر تعرف علي طول انها محافظات هجينة و سكانها مخلطة من المحافظات الأصلية ...فعادي يعني خد الموضوع بشكل كوميدي و ميهمكش كلنا مصريين و كلنا فينا مشاكل

على فكرة حضرتك انا مش زعلان والله ابدا وانا عارف كلام حضرتك سليم
بس انا كتبت الموضوع بشكل كوميدي شوية مش اكتر وكان للنقاش بس لكن انا والله مش زعلان
وشكرا على تفاعل حضرتك فى الموضوع

كبر دماغك ياباشا عادى هو ده النقص المعتاد عند حثالة المصريين
تلاقى واحد مشحم كدة وشكله غلط وحاسس بنقص الدنيا ويقللك انا ساكن فى المعادى وهو اصلا ساكن تحت بير السلم فى حتة متطرفة بس داخلة فى نطاق المعادى او يبقى قاعد فى اطراف مدينة نصر ( كلنا عارفين المنطقة دى عاملة ازاى ) ويقولك انا من سكان مدينة نصر ويحسسك انه عايش فى دور لوحده فى سيتى ستارز. عادى ده نتاج النقص الاجتماعى اللى بيعانى منه كثير من المصريين. الشاب من دول عايش فى منطقة متواضعة جدا ومش عارف يترسم او يتمنطر على اللى عايش فى التجمع مثلا فبيلاقى الفرصة لاشباع النقص جواه لما يلاقى واحد من اقاليم (بحرى=فلاح / قبلى=صعيدى) مع ان اللى من بحرى او قبلى ده ممكن يكون انضف منه وفرق بينهم وبين بعض بالسنين الضوئية سواء فكريا او علميا او اجتماعيا... ربنا يعف عنا ويرزقنا حسن الخلق

عادى جدا
الكلام ده انا عيشته من تلاتين سنه
بحكم انى من الصعيد ودراستى فى الزقازيق والقاهره
واقامتى كانت بالقاهره
ايام زمان كان اكتر الناس مبعرفوش انى بالصعيد محافظات
يعنى انت من فين : من قنا :يقولك هيه فين قنا .تقوله فى الصعيد
يقولك هى الصعيد بلاد ده انا افتكرها بلد واحده
كمان كان يطلق علينا فلان الصعيدى بدون ذكر اسم الاب.
الحاجه التانيه انه لما تتصرف تصرف حضارى ..عادى
انما لو غلطت طبعا ما انتا صعيدى
فى النهايه احب اقول انه اى واحد بيغلط فى الصعايده يبقى ماعاشرهومش
اللى يعاشر الصعايده يعرف المميزات اكتر من العيوب
انا عارف انه فى عيوب فى الصعايده زى الطبع الحاد والتصميم على الصح والغلط
ولكن المميزات من الشهامه وعدم الخيانه والصدق وعدم اللف والدوران
ودى عندى الاهم
خدها ببساطه...وبص على اللى بيتريق عليك وانت تعرف تفكيره ازاى
وشكرا

الصعايده اجدع ناس و هما رجاله البلد دي .....

ما تبصش للهاموش و لو كتر ...هايفضل هاموش

كل المواقف ال انت بتقولها عادى جدا لانك مش عايز فى مصر عموما وفى القاهره خاصه يا راجل دا احنا بنهرب من الزحمه ومن المترو ومن القاهره عموما وموضوع المترو كل الموضوع انك اول مره تستخدمه مش اكتر

شكرا يا رجالة على التفاعل ....
انا عارف ومتأكد من كلامكم وانا مش قصدى انى اقلل من شأن حد والله ..
ممكن احكى موقف ظريف شوية حصل معايا من شهر ..
كنت جاى من القاهرة وكان واحد صديقي من مصر الجديدة بيدرس معايا فى اسيوط كان مسافر وجيه معايا فى الطريق .
قبل ما اطلع كنت عايز اعرف طلعة الدائري للاوتوستراد وكنت واقف عند واحد بتاع كاوتشات وبصيت لقيت الكوتشات مريحه سنة بسيطه قلت ابص عليهم اضمن قلتله ظبط نيتروجين ... راح مظبط وقالى ناقصين اوى قالى هكشف قلتله أمين راح جاب ميه وصبون وكب على الفرد وقالى بينفسو ((بنفس اللفظ)) قلتله ايه هما انابيب ..
راح قالى الفردة عايزة لحام وانا كنت مسافر قلتله اعمل احسن نوع راح قالى فى نوع ب 10 و 15 انا معرفش الاسعار طبعا رحت قلتله اعمل ب 15 راح قالى الفردة فيها 6 خوابير بالرغم انها مكملتش 2000 كيلو .. انا اتصدمت ......... المهم اتكلمنا كتييييييييييييييير وشدينا مع بعض عشان قالى الفردة اللى ورا فيها 11 خابور .. اه والله وكان اجمالى الخوابير 20 خابور وراح عامل بادج فى الفردة اللى على اليمين .. بقله كام قالى 350 جنيه
تخيلو !! طبعا صحبي الجدع مسك فيه واتخانق معاه وظبط الدنيا والمصيبه انى سألت شاب كان جاي بعربيته يزود راح قالى الخابور ب 7 جنيه .. قالى هو شافك من اسيوط راح مظبطك فى السعر شكرت الشاب طبعا ورحت قلت لصاحبي ومسكنا فى الولد بتاع المحل المهم اديناله 180 جنيه ..
موقف مضحك بجد بس اهم سبب من الاسباب عدم معرفتى بأمور تصليح الكاوتش واسعارها .
ولولا ربنا وصاحبي كنت دفعت ال 350 مقفولين بحكم انى مش بحب اتخانق مع حد ..

باشا انا من بنها اللي هي علي بعد 45 ك للقاهرة والناس حاطة في دماغها ان وسيلة المواصلات الاساسية هي الحمار فاكيد اي حد من الصعيد هيبقي لسة عايش علي لمبة جاز يعني في اعتقادهم ههههههههههههه. مع انك تلاقي اللي بيتريق ده عامل زي ال ..... ولا بلاش.
فمتحطش في دماغك

بحكم اني من الصعيد....اقولك الصعايده عايزين الحرق ببنزين وسخ....بس كده

مثلا فمره العربيه غرزت علي صحراوي اسكندريه اكتر من عربيه وقفت تساعد منهم واحده باجيرو حاول يسحبها بس الحبل قطع وفالاخر وقفت عربيه ربع نزل منها 4 شالو العربيه شيل وطلعهوها

حصل موقف زيه علي صحراوي الصعيد عند الرست محدش ...طيب في الرست خلو بالكم من العربيه اوصل اجيب ميكانيكي...ملناش دعوه...كل سواق يسال علي المقاوله يسحبها لمدخل اول مدينه. ...ويقول لا...طيب خد اللي عايزه...برضه لا. ..امال بتسال ليه ذلوني ولاد ال.....شهامه فعلا
بس كلمه حق في الاخر واحد وقف نص نقل وسحبها لمدخل مدينته عند اقرب ميكانيي وجابلي كولا :) ومرضيش ياخد فلوس
ومن عند الميكانيكي ابتدي مشوار تاني من الاستغلال :/

صديقي المواطن
الصعايدة اجدع ناس
و احنا شعب عنصري و ما عندناش رحمة

ياباشا ولا يهمك عادى جدا
ولا تضايق نفسك انا عرفت صعايده فى الجيش الكلام ده من سنه 88 اقسم بالله قمه فى الرجوله والجدعنه وعملوا معايا مواقف عمرها ماتتنسى منهم واحد من البلينا وانا كنت محجوز اجازه عيد هنزل بعد العيد ولما لقانى زعلان ومتضايق ازاى مش هعيد فى البيت راح للظابط واتحايل عليه يتحجز هو وانزل انا ...
ومن ناحيه موقفك بتحصل معانا كتير انا من المحله وعربيتى نمرها ملاكى غربيه وبدون اى غلطه منى وانا سايق تسمع كلمه يافلاح طيب المحله مش فلاحين ولا حاجه بس هى مش شتمه الفلاحين جدعان انا باخد الكلمه دى كمدح مش شتيمه عادى خليك ريلاكس...
صدقنى استاذنا الفاضل مش ده السلوك السىء الوحيد كلنا حتى اهل المدينه الواحده بنتعامل مع بعض بقمه السوء
وكل واحد معتقد ان فى داخله ملاك ..ازاى بس امال تلاميذ ابليس اللى فى الشوارع جايين منين...
للاسف فيه ناس كتييييييييييييييييييييييي ير محتاجين اعاده تأهيل
سلوكيات واخلاقيات للاسف بعيد عن التحضر والادميه من الاصل

اقتباس:

---

المشاركة الأصلية كتبت بواسطة wawamoha

الصعايده اجدع ناس و هما رجاله البلد دي .....

ما تبصش للهاموش و لو كتر ...هايفضل هاموش

---

صديقي المواطن
كلامك جارح ومش وطني ومحتاج تراجع نفسك
وهذا ما لزم بيانه ودمتم
وبالتوفيق وإلى اﻷمام ومن نصر إلى.نصر
ودمتم للنضال

اقتباس:

---

المشاركة الأصلية كتبت بواسطة trise2

بحكم اني من الصعيد....اقولك الصعايده عايزين الحرق ببنزين وسخ....بس كده

---

ﺍﻟﻒ

ﺷﻜﺮ

العنصرية الحقيقة تلاقيها فى بعض المشاركات الموجودة على الموضوع يعنى اللى يقول الصاعيدة احسن ناس والباقى هموش واللى يقول الصاعيدة ازبل ناس فى كل محافظة او مدينة بل فى كل اسرة هتلاقى الشخصية المحترمة وهتلاقى الشخصية الزبالة وممكن يكونوا اخوات يعنى من ام واب واحد واكيد من بلد او محافظة واحدة فبلاش عنصرية كفاية كده والمحترم محترم بغض النظر عن مدينته او اسرته اوبلده او حتى ديانته
وشكرا

الصعايدة ناس رجالة ......و ناس معدنها الحقيقى بيظهر وقت الشدة ....اجدع ناس

اقتباس:

---

المشاركة الأصلية كتبت بواسطة gamal2000

العنصرية الحقيقة تلاقيها فى بعض المشاركات الموجودة على الموضوع يعنى اللى يقول الصاعيدة احسن ناس والباقى هموش واللى يقول الصاعيدة ازبل ناس فى كل محافظة او مدينة بل فى كل اسرة هتلاقى الشخصية المحترمة وهتلاقى الشخصية الزبالة وممكن يكونوا اخوات يعنى من ام واب واحد واكيد من بلد او محافظة واحدة فبلاش عنصرية كفاية كده والمحترم محترم بغض النظر عن مدينته او اسرته اوبلده او حتى ديانته
وشكرا

---

كلام كله عقل وموزون

اقتباس:

---

المشاركة الأصلية كتبت بواسطة omarhelalyehia

الصعايدة ناس رجالة ......و ناس معدنها الحقيقى بيظهر وقت الشدة ....اجدع ناس

---

والله كلك زوق

عادي
انا لما بقول اني من اسوان علي طول بيصفونا بالبوابين تخيل
في ناس كتير عديمة زوق
وفي ناس كتييير جهله لدرجه انهم فاكرين ان اسوان والاقصر واحد

الصعايدة أجدع ناس.
بس فئة كبيرة منهم مشوّهين صورة المصريين في الخليج ودول عربية معيّنة (ليبيا مثلا). بس الغلط مش منهم, الغلط من إهمال الحكومة لقطاع الصعيد من زمان. لا تعليم ولا صحة ولا زفت.

دا حال البلد كل واحد شايف نفسه احسن من غيره وان اغيره هو السبب فى ان البلد دى مش عاوزة تتقدم !!.. دا غير اننا لو شفنا تصرف سيىء من شخص بنعممه على جميع الاشخاص بافتراض اننا الانقى والاطهر ... المشكله مش مشكله صعيدى ولا غير صعيدى المشكله أزمة اخلاق وتربيه ودين .

فعلا كلامكم صح .. شكرا على التفاعل فى الموضوع
وانا اسف انى مدخلتش عشان كان عندى ظروف ...

شباب كل محافظه وليها وصفها او كنيتها وده راجع ليه؟ لولا حاجه اخنا شعب بيموت في التريئه ولو على نفسه و اقولك امثله من الي فاكره: الهرم اتخرم- المنوفي منوفي لو اكلته لحم كتوفي - شرقاوي ك ع- بورسعيد شبشب باتا-اسيوط يهود الصعيد-بني سويف بني..... -الفيوم بلد الكتاكيت- واخيرا بلدي اسكندريه مايه مالحه و و شوش زي العسل ههههههه
ماتخدش في بالك كلنا زي الفل