القيادة عندهم .... والقيادة عندنا
معايا واحد ايرلندي في الشغل اليومين دول ولأنه في طريقي فبوديه الفندق بتاعه.
الراجل بيبقى هيتجنن من اللي شايفه
قال لي على شوية حاجات عندههم عجبتني قوي
أول حاجة السائقين الجدد بيتعمل لها تحديد سرعة لمدة سنة
يعني بعد ما تاخد اول رخصة لازم تفضل سنة ماتزيدش عن 45 ميل/ساعة
يعني حوالي 72 كم/ساعة
ولازم تحط علامة على الزجاج الامامي تفيد انك مستجد
نفس الحكاية بتحصل لو وصلت لـ 12 نقطة على الرخصة
اولا تتوقف سنه تتمنع من القيادة
تاني سنه تخضع لحد السرعة
الراجل برضه لاحظ لغة الكلاكسات
قال لي وانا راكب التاكسي سمعت كلاكس بنغمة معينة
وبعدين ناس ضحكوا وواحد اتضايق
سألني معناها ايه قلت له شتيمة.
برضه قال لي الناس ما بتلتزمشي بالحارة بتعاتها مع انهم لو التزمو المرور هيكون اسرع بكتير والاختناقات هتقل
وقال لي انه هناك ممكن تاخد مخالفة ب 60 جنيه استرليني ونقطتين على الرخصة للقيادة العنيفة Aggressive Driving
افتكر ان حد من الاخوة اتكلم عليها قبل كدة
وقال لي النور عندكم بحس انه معناه
Get the hell out of here
الراجل تعليقاته وجعتني وبجد حسيت اننا زي ما الاخ توت بيقول ج.ع.ع
امتى ممكن المرور عندنا يتغير
امتى الواحد وهو طالع من بيته بالعربية مايبقاش حامل هم انه هيرجع بالعربية سليمة ولا هتتخبط
هيوقفه أمين شرطة ولا ظابط بدون سبب ولا لأ