الموضوع: مضار ألغاء دوره التكييف السخن

المشاركة الأصلية كتبت بواسطة alameer81

البلف الي بيقفل السربنتينة بتاعه السخن مش موجود في كل العربيات وبالذات الاوروبي , فالكلام ده له وجه من الصحة في بعض العربيات
المصدر كان هنا في المنتدي بس مش متذكر عنوانه بصراحة

اولا هو محبس والمحبس ده لو مش موجود ها يدخل صهد وهواء ساخن من الهوايات حتى لو مش مشغل المروحه يعنى فى الصيف هاتبقى جهنم والمحبس ده مرتبط بالمزلاج او بالبكره بتاعه التحويل من السخن الى البارد. . فالكلام ده ليس له وجه من الصحه لأنك لما بتشغل التكييف بتجيب البكره او المزلاج ناحيه البارد يعنى انت بتقفل دورة المياه السخنه . والغاء دوره المياه الساخن المتجهه الى كابينه القياده ها يحرمك من ثلاث حاجات مالهمش اى لازمه وهما 1- الغاء التدفئه شتاءا 2- عدم أمكانيه أزاله الغباش ( بخار الماء المتكثف على البرابريز الأمامى فى ايام البرد الشديد وتقفيل العربيه مع تواجد عدد كبير داخل العربيه - بتوجيه الهواء الساخن عليه ) 3- الحاجه التالته اذا كان فى سخونه زايده فى الموتور ومش قادر تقف بالعربيه وعقبال ما تروح للميكانيكى ممكن فى الحاله دى تجيب البكره على الساخن وتشغل المروحه على أخر درجه من غير ما تشغل زر التكييف فى الحاله دى السخونه اللى فالرادياتير كلها ها تبقى فى كابينه القياده ( وأتحمل ) عقبال ما توصل للميكانيكى - انا كنت بعمل الحكايه دى ايام الريتمو كتير جدا .

كلام مش مظبوط لان اصلا الوضع الطبيعى ان محبس المياه بتاع الدفايه دى مقفول يبقى المحرك شغال عادى ولا كأن فيه حاجه ومش هاتضر فشىء ده مجرد سبرنتينه قد كفين ايدك كده يعنى ولا ليها اى تاثير