الموضوع: ماما بتسلم عليكم !!!

إحنا دلوقتى بنتذكر تلك الحالة القديمة الجميلة من المشاعر الإنسانية اللى اتربينا عليها وبنترحم على الأيام دى .
دلوقتى والله الجار حتى ما بيرمى عليك السلام ولا صباح الخير والمهم الوش فى الوش زى ما الناس بتقول ومثلا تبقى الصبح نازل تركب عربيتك وبتمسحها ولا بتسخنها وتلاقى جيرانك كل واحد نازل وكله عامل نفسه أهبل وكله مش طايق بعضه .... حتى السلام عليكم يا ناس ... أعوذ بالله من دى نفوس .
خلينى ساكت وحاطط فى نفسى علشان أنا الموضوع ده مضايقنى جدا جدا .

طب بمناسبة المساجد والايمان والكلام ده كله
اول امبارح رايح النادى وانا بمشى من طريق داخلى المفروض انه مسفلت بس طبعا عوامل التعرية المتعمدة (اعمال الحفر واعمال البناء وتعمد الخلط على الاسفلت حتى لو فى تراب مجاور او صحرا او جبل )
المهم ماشى فى شارع عرضة 10 متر الاسفلت فيه بيكون تقريبا 5.5 متر وانا متعود على حته فيهااصحاب عمارة تحتيها مسجد بيركنوا العربية بالطول وجزء منها على الرصيف فبيسيب حته مترين بالكتير وطبعا لو عربيتين ماشيين فى نفس الوقت يبقى واحد لازم ينزل فى التراب
المهم اليوم ده وانا راجع اذا بالعربيات راكنه ووراها قوالب حجارة كأن حد عامل جون بس المسافة بين العرضتين متر وطبعا كل عارضة حجرين فوق بعض يعنى مينفعش اعدى فوقهم
ناديت على البوابة قالتلى علشان المايه اللى فى الحفرة مترطش على العربيات وانا لسه غاسلاها
معلش حضرتك امشى من هناك
ودار الحوار التالى
يا ستى هناك ده جبل مش للمشى والاسفلت عملوه لينا مش علشان العربيات تركن بالطول وكمان حضرتك تحطى كام حجر ياكلوا الاسفلت بالكامل
طب معلش يا استاذ اهو كله شارع وبعدين الطين بيبهدل العربيات اهو لحد ما اسد الحفرة بحاجه
يا سيتى الجامع ده المفروض يكون صحابه ليهم اخلاقيات وسلوكيات معينه مش يا فرحتى بانى جامع وقافل الشارع
معلش عدى من تحت النوبادى
انا يا جماعة الامام احمد بن حنبل رفض يدخل يصلى فى مسجد كان فيه كام درجه فى الشارع ومدخلش الا لما شالوهم لان ده طريق الناس مش للسلالم حتى لو لجامع
وطبعا العربيات ورايا كلاكسات وكأنى واقف برغى او بدلع مثلا مع السنيورة !!!!!
وعمار يا مصر وبكرا تشوفوا مصر !!!!