حصل لي موقف غريـــــب ... ما هي عقوبة كسر الإشارة؟

**itsonlyme** · 16-09-2008 01:21 AM

من أقل من ساعة حصل لي موقف غريب. كنت داخل عباس العقاد من الشارع الجانبي اللي جنب ناشونال بغداد. اللي عارف الدخلة دي عارف انه أول ما تدخل عباس العقاد هتلاقي ملف (U-turn).

المهم كان في ظابط واقف قبل ما أدخل عباس العقاد. أنا ماشفتوش ودخلت عباس العقاد وبعدين أخدت اليو ترن وكملت على حسين هيكل.
وأنا بعّدي الضابط أخذني مخالفة.
ركنت بعيد خالص ورحتله وأنا مش مصدق أنه أخذني مخالفة.
قلتله هو أنا مشيت عكسي؟ قالي لأ, أنت كسرت الإشارة.

اللي عارف المنطقة دي عارف إنها مفيش اشارة في الدخلة دي لعباس العقاد وعمر ما كان في عسكري ولا ظابط إلا عند اليو ترن نفسه.

المهم. يهديك يرضيك. قالي أنا كتبت المخالفة خلاص.
يهديك يرضيك مرة كمان قالي بطريقة تطمن (مجرد حتتحط في الُُدُسيه).
أنا مفهمتش الكلمة بس قلتله السلام عليكم ومشيت.

المهم. كده أنا يعتبر كسرت اشارة؟!
والعقوبه ايه؟

مكان المخالفة
http://www.wikimapia.org/#lat=30.064...18&l=0&m=a&v=2

**drhaytham** · 16-09-2008 01:25 AM

شوف اللنك ده
http://www.contactcars.com/News_View...sp?NewsID=2145

**itsonlyme** · 16-09-2008 01:41 AM

مفيش كلام عن كسر الإشارة.
إلا لو اعتبرنا كسر الإشارة سير عكس الإتجاه!
ساعتها الغرانه مش أقل من ألف جنيه!!

مع العلم إنها مش إشارة أصلا. ده مجرد طريق جانبي داخل على طريق رئيسي.

**amir** · 16-09-2008 01:55 AM

حصل موقف مشابه مع اخويا كان داخل شارع في الدقي و بعدين طلعلو ظابط وقفه و قاله انت ماشي عكس اخويا قالو مفيش يافطه قالو ماليش دعوه و خده مخالفه و سحب رخصته
من غير اي واسطه ولا توصيات اخويا طلع علي المرور او مديريه الامن اللي هناك اشتكي الظابط ده
الموضوع اخد حوالي ساعتين تلاته بس اخويا دخل للمدير اللي كلمه بكل ذوق و جابو الظابط و رجعوله رخصته بس المدير قاله علي سبيل الدعابه خد بالك لما تمشي في الشارع ده تاني هنسحب رخصك ليه لأنك هتلاقي اليافطه محطوطه المره الجايه!!!
انا من سكان مدينه نصر و عارف شارع عباس العقاد و نصيحتي ليك بكره تتطلع علي المرور تشتكي الظابط ده بالايصال اللي معاك و اتكلم بأدب و ذوق هتلاقي الموضوع مشي ان شاء الله
والله الظباط دول علي قد مافيهم ناس معقده الا ان الغالبيه العظمي بتحاول تخدمنا و تحافظ علي ممتلكاتنا ربنا يعينهم و يجازيهم خير علي تعبهم