حادثه كيا سيراتو على بسرعه 200 كيلو

**Silent~Dream** · 10-11-2013 09:12 PM

Speed thrills but kills يا جماعه الناس الى بتجرى بسرعات كبيره و هى مش متمكنه فى السواقه او مش عامل كل الصيانه الى العربيه محتاجاها و متاكد 100% من عربيته ميجريش لانه حتى لو عامل كل الى فات السواقه ملهاش كبير وممكن يحصل حادثه وتاذى ناس ابرياء ماشيين حوليك فى التانى السلامه و فى العجله الندامه فيها ايه الناس تمشى براحتها ولا جو السباقات و لا غرز ولا مايكل شوماخر و مصر فيها طرق اصلا عشان الواحد يمشى 60 كيلو حتى كل شويه مطب حتى فى الطرق المفروض انها سريعه بتلاقى حاجات غريبه فى الطريق و السواقين الى ما شاء الله يكسروا عليك الطريق ولا فيه احترام ولا ذوق ولا فن فى القياده هو تلاقيه مطلع الرخصه كده لله و الوطن و الناس الى بتعدى من اليمين بسرعه كبيره او حتى سرعه صغيره و الى ماشى عكس والى بيتكلم فى الموبايل يلا ربنا يرحمنا برحمته .

انهارده على الفيس بوك شوفت شاب تقريبا عنده 19- 20 سنه منزل صور لعربيته كيا سيراتو و بيقول عامل حادثه والعربيه اتقلبت على سرعه 200 و طلع سليم بس الصور بتتكلم عن فظاعه الحادثه ربنا يستر طريقنا و طريقكم و طريق الجميع .

**abo_lamar** · 10-11-2013 09:32 PM

ياريــت الناس تتعظ من الحوادث دي , بس المضحك بجد انك تلاقي واحد شايف حادثة قدامه وناس مرميه على

الاسفلت مصابة و متوفية , وأول ما يطلع من زحمة الحادثة دي تلاقيه شد بعربيته ولا كأنه كان لسه شايف حادثة

قدامه ... فعلا والله محدش بيتعظ من الحوادث دي .

**Khaled Lanos** · 10-11-2013 10:18 PM

لا حول ولا قوة إلا بالله الصور بشعه بجد..دا المفروض صاحبها يسجد شاكر لربنا انو طلع سليم من الحادثة دي.

**amrelsaqqa** · 10-11-2013 10:31 PM

الراجل ده اتكتبله عمر جديد بجد ، ايه ده !!!!

مفيش اي منطق يقول ان الحادثة دى حد يطلع منها سليم ، غير ارادة الله وقدر الله

ربنا بيحبه بجد ، محدش عارف ممكن وحيد والده ووالدته وكان قلبهم هيتقطع عليه ازاى ، ربنا كبير اوى

لا اله الا الله ، يا لطيف الطف بنا

**أحمد عبدالله** · 10-11-2013 10:34 PM

السرعة الطبيعية فى البلد دى لا تزيد بحال عن 80

**mohamedxsayed** · 10-11-2013 10:36 PM

سبحان الله انه طلع منها
انا واحد من الناس الى ضد السرعه تماما
بس هنعمل ده حتى لو انت شخص مش بتجرى ممكن يطلعلك يحدف عليك يقلبك انت ويجرى فبقيت ساعات لو واحد جه واريا وانا فى حارتى ويقعد كلاكسا وترعيش نور والله اغلب الاوقات مابعديه .

**Elkordy2000** · 10-11-2013 11:28 PM

صناعه السيارات تتطور بشكل سريع ورهيب , علشان كده اللي راكب عربيه جديده او موديل حديث يعني , بيغتر بالعربيه وبيجري اعتمادا علي كفائه العربيه وبينسي مع الاسف حاله الطريق في مصر وكمان ضعف الوعي عن اغلب السائقين وعدم التزامهم خصوصا الميكروباص والنقل الثقيل وده كارثه مصر ... مصر للأسف من اكثر دول العالم حوادث علي الطريق

**hugan** · 10-11-2013 11:36 PM

المشاركة الأصلية كتبت بواسطة abo_lamar

ياريــت الناس تتعظ من الحوادث دي , بس المضحك بجد انك تلاقي واحد شايف حادثة قدامه وناس مرميه على

الاسفلت مصابة و متوفية , وأول ما يطلع من زحمة الحادثة دي تلاقيه شد بعربيته ولا كأنه كان لسه شايف حادثة

قدامه ... فعلا والله محدش بيتعظ من الحوادث دي .

+111111111عارف ليه
لاءن الشيطان راكبهم
وبعد مايخرج من منظر الحادثه متخيل انه اخر واحد في الدنيا ممكن يحصل معاه كده

-

الموضوع: حادثه كيا سيراتو على بسرعه 200 كيلو

LinkBack

أدوات الموضوع

عرض

-

-

المواضيع المتشابهه

حادثه جامده .. ساعدونى بسرعه ارجوكم ..

اى حد اتسرق منه كيا سيراتو زيرو يدخل بسرعه

تحذير من سيراتو عامله حادثه

سيراتو عاملة حادثه مطلوب نص امامي

يا جماعه الحقوني عملت حادثه بالنيو سيراتو وعايز رأيكو اعمل ايه ؟

الكلمات الدلالية لهذا الموضوع

المفضلات

المفضلات

ضوابط المشاركة