السلام عليكم جميعا
الحمدلله ربنا وفقني من 10 ايام كده وجبت استرا 2009
العربيه بتاعة صحبي وعارف حالتها كويس مشكلتها انها كانت واخده خبطة من الجمب والايرباج فتح...
اساسيات العربيه كلها سليمه وخلصت فيها الحمدلله

بدون مطول عليكم العربيه كان ناقصها حزامين علشان كانوا قفشوا..ومحتاجه المديول طبعا..ولكلاكس مكنش شغال فقالولي الايرباج الي صحبي غيرها هي الي فيها مشكله..
المهم..رحت سألت عليهم طبعا سمعت ارقام خزعبليه

المهم كده كده كنت مسافر انجلترا فقلت اشوف واجبهم من هناك
وبالفعل نزلت امبارح سوق متخصص في سكراب العربيات وكانت الصدمة...ايه الاسعار ده !!
جبت حزامين ومديول وايرباج الدركسيون ب 100 باوند يعني 1100 جنيه !! الهو اقل من ربع السعر الي سمعته في مصر
وانا بتمشى لاقيت سيلكتور بتاع الايزي ترونيك بالاطار بتاع الكونسول معروضين للبيع ب 60 باوند ..قلت مش هتخسر قمت جايبها...

الهدف من موضوعي ده اني حزين بجد على حال بلدنا..ربنا يصلح الحال يارب

حد بقى يرشحلي مكان اركب فيه الحاجه ده

شكرا للمتابعه