بالله عليكم ارجو المساعدة واعطاء الرأي لاني قد ادخل السجن___________

الموضوع باختصار اني كنت جايب سيارة دايو موديل 2008 تبع بنك
وتعرضت لحادث سرقةالسيارة و كان معي بضاعة اجهزة مراقبة غالية جدا
واسترديت السيارة بعد دفع مبلغ من السارق عن طريق وسيط بعد تذللت له واخبرته اني مش معايا فلوس
اخد مني 25 الف جنيه

ومع بداية الثورة حصل تعثر في السداد
ولم ادفع الاقساك من ما يزيد عن 3.5 سنة
والبنك رفع علي قضية
ولكن البنك مش عارف مكاني الان
وانا عندي ركود تام ومش عارف اتصرف
لان كل شغلي كان شغل خاص
الموضوع سيئ جدا
لدرجة اني لا استطيع حتى تاجير محامي لحل الموضوع معي
لاني لم يدخل جيبي جنيه واحد تقريبا من بعد حادث السرقة بسبب الثورة
لان عملي خاص وتوقف والفلوس اللي كانت معايا يا دوبك سديت بها ثمن البضاعة المسروقة واسترددت السيارة

انا مش عارف اعمل ايه
السؤال ايه الي ممكن يعمله البنك ؟
وهي ينفع تصالح ؟
وازاي اخرج من المشكلة دي؟
انا فيه قدامي فرصة سفر للسعودية
بس خايف اروح المطار مش عارف ايه اللي ممكن يحصل

بالله عليكم اشيروا علي في حالتي ايه الي ممكن يتم
واحل القصة ازاي
لاني حتى مش معايا فلوس أأجر محامي
واعصابي سايبة لان علي حكم واول مرة اتعرض في حياتي لحاجة زي كده
والموضوع مخبيه عن الي حواليا لان ما فيش حد ممكن يساعد
ايه الاجراءات
وها سيصيبنيي ضرر لو حاولت اسافر ؟؟
؟؟؟؟؟؟؟؟؟؟؟؟؟؟؟؟؟؟؟؟؟
mohcontr@yahoo.com

اسأل الله العظيم رب العرش الكريم ان يفك كربك وكرب الغارمين جميعا

مش عارف والله اقولك ايه مفيش قدامى غير انى ادعيلك

ولكن حضرتك مفيش قدامك اي حد قريب منك وحاله ميسورة يقدر يشتري منك العربية دلوقتى حتى وهى عليها حظر بيع وبحقها تسدد اللى عليك ؟
وهل لو سددت اللى عليك يسقط الحكم والقضية ويتحل الموضوع ودي ام لا ؟
المبلغ المتراكم عليك كام وهل عليه فوايد بسبب التأخير ولا لا ؟

ما هو ده الي عايز اعرفه
ازاي اخلص من الموضوع بسرعة
وهل البنك سيتنازل عن القضية مثلا في هذه الحالة
ام ساسير مع المحاكم والمحامين
وممكن اتحجز او حاجة زي دي
انا عايز حد يعرفني الاجراءات

لعربية حالته كويسه يعني متوسطة بحاجة لحبة حاجات خفيفة في من الخارج
عاملة 73 الف ك
اجمال المبلغ المتبقى عليها من سنة بعد ما عرفت عن طريق اتصال بالبنك 46 الف جنيه
والبنك باركليز
والسيارة ممكن تعمل 43
بس المشكلة انا مش عارف اصرف
لان يعتبر دخلي صفر
والمحامين انت عارف
وخايف البنك يشوفني يعمل معايا مشاكل ، ويتم عرضي مثلا على النيابة ويكون فيه غرامات وبهدلة
السؤال هل البنك ممكن يتصالح بسهولة ولا هيلففني وراه وانا مش معايا مليم واحد

صديقي المواطن
أنا عايزك تسمع كلام الناس كلها هنا في المنتدى كلهم زملاء أفاضل وبيحبوا يخدموا ولو معجبكش الكلام كلمني على الخاص أتا أديك خلاصة الخلاصة والزبدة وكل اللي حيحصل لك وكل اللي حيجرالك وتتصرف إزاي وتعمل إيه ﻷن أنا خبرة وطنيه لا يستهان بها في الموضوع ده بالذات وعندي 3 محامين وأنا برضو عن نفسي بقرا وبذاكر في المواضيع دي

ولكن إسمع من كل الناس ثم كلمني عالخاص أديك تلفوني

ولكن نصيحة في المستعجل وفي السريع كده مبدئيا بكره العربية تغير مكانها وترفعها خالص ثانيا تطلع على النيابة تعمل معارضة في القضية مش حتحتاج فلوس ثم تكون إنت ربطت موضوع السفر للسعودية تحوش نص فلوس العربية بعد متحوشهم تبعت حد للبنك يفاوضهم وتدفع نص ثمن العرببة ﻷنك معاكش ولكن إن فتح الله عليك سدد ثمنهم بالكامل هذا رأيي وهذه نصيحتي وإن أردت أن تماطل فممكن تماطل 3 سنين ولكن مهما حصل لازم تدفع الفلوس في اﻵخر وبما إني عمري ما سمعت إن حد في مصر فلس وإغتنى تاني فلازم تسافر تكون نفسك حتى لو للسعودية ولكن لا تدفن نفسك هناك حاةل تروح أي مكان غيرها زي دبي أفضل
وهذا ما لزم بيانه ودمنم
وبالتوفيق وإلى اﻷمام ومن نصر إلى نصر
ودمتم للنضال
خد بالك لو إتكمسكت في كمين أو بظبط اﻷحكام حتعوز يومين إنت بايت ما بين حجز ونيابات وتشوف كل السحالات الضالة من علي علوكا وأشرف كخه ومحمد فرخه ولازم تغير عنوانك تأجر بسرعة في مكان تاني ولو تقدر تفاوض البنك ياخد 30 ألغ وحيوافق متقلقش بيع العربية وضالحهم وعوضك على الله بس المصيبة حتلاقي فين حد ياخد عربية عليها حضر

أشكرك على تعاونك وردك
انا فعلا متخبط
مش عارف اعمل ايه
البنك فعلا مش عارف عنواني وده الي مأخر الموضوع
في مكان اخر من المنتدي كنت نزلت برضو الموضوع
واصلح حل هو اني اشوف حد معايا يشتري العربية
واسدد جزء والباقي احاول اقسطه
بس انا عارف اني هافتح فتحة علي ربنا يستر
انا عارف ان البنك بيكون معاه بلطحية ما يصدقوا يصطادوا حد
وممكن بجروني
ويدفعوني غرامات
وان اصلا مش معايا
ولم حد اشترى العربية ممكن السعر مض يغطي فلوس البنك
ده لو لقيت حد ياخدها وطبعا لا زم يخسف سعرها
ادعولي والله ربنا يفك كربي

الاخ الفاضل دعاءئ لك بفك الكرب و اعلم جيدا ان فرج ربنا قريب اولا عاوزك تكون فى غايه الاطمانان بس لازم تبدا من البنك تروح لهم و معاك محضر سرقه العربيه و صارحهم قول لهم الحقيقه كامله و اشرح لهم ظروفك و انا واثق انهم ح يحاولو يساعدوك حاجه كده مثلا زى لو لقيت مشترى للسياره البنك يطمنه و يررفع الحظر من على السياره فى حاله السداد و اطلب من البنك يشيل اى غرامات او فوايد التاخير لان البنك كده كده خسران و لو اخد العربيه حيعمل بيها ايه تانيا متخافش البنك اكبر ما فيها ياخد عليك حكم غيابى و الاحكام دى ما بتتنفدش و مستحيل يحطوك على قواءم منع السفر لكن انصحك بشده الدهاب الى البنك وحاول تحل معاهم الموضوع ودى و صدقنى حيحترموك جدا و يشوفولك حل حتى لو سلمتهم العربيه بشكل ودى و عوضك على الله لكن متسافرش و تسيب المشكله دى لانك حترجع و تلاقى المشكله كبرت و حيصعب حلها و تمنياتى لك بالتوفيق

جزاكم الله خيرا جميعا
شكرا لكم على المشاركة وابداء المشورة

اقتباس:

---

المشاركة الأصلية كتبت بواسطة asmaa sakr

شدة وتزول

http://www.bu.edu.eg/faculty/nawiya.html

---

لا يا شيخة