الموضوع: ايه رأيكم الكيا سول

شكلها كويس ووواضح من الشكل انها امتن من السيراتو الشكل القديم بس مش عارف ليه مخدتش حقها في السوق مع انها من الواضح انها ممتازه

اعتقد قله انتشارها ناتج عن التصميم العقيم لها فهي نشاز عن اخواتها الكيا وتبتعد عنهم من حيث الاناقه وشياكه التصميم الخارجي وفي النهايه هي اذواق

كنت حتجنن و أشتريها , بس معظم الناس أقنعونى ان حيكون فيها مشكله فى سعر أعاده البيع و قطع الغيار

عربيه تحفه جدا و مفيهاش مشاكل

أعتقد المشكلة في عدم إنتشارها هو شكلها بس هي عربية كويسة و عيبها في رأيي العزل بتاعها ضعيف شوية و مساحة التخزين بتاعتها صغيرة

عربيه كويسه جدا و قبل ما اشتريها قرات عنها كويس في المنتديات و كل ملاكها معجبين بيها و بالرغم اني كنت امتلك لانسر قبلها الا اني لم اجد فرق بينها و بين اللانسر يعني موضوع الياباني و الكوري لم اشعر به
في رايي العربيه تتميز بحجمها المثالي الخارجي الكومباكت و دي طبعا ميزه خصوصا في شوراعنا و صالونها المناسب ايضا في الحجم لاسره متوسطه الى جانب قوة الموتور 128 حصان لموديل 2012 و الفتيس ستبترونك 6 سرعات بيخلي العربيه بتسحب بشكل جيد
شكل العربيه الخارجي مسالة اذواق و انا شايف ان شكلها رائع و مميز خصوصا في اللون الكريمي
عيب العربيه من وجهة نظري و نظر الكثيرين في العفشه الناشفه و خصوصا لما تكون جنط 18 و بنتغلب على المشكله دي بتغيير الجنط ل 16 و استخدام النتروجين بدلا من الهواء العادي في نفخ الكاوتش
في عيب تاني و هو صاج العربيه خفيف ده انا لمسته لما العربيه اتحكت مني
في المجمل هي عربيه جميلة شكلا و موضوعا