هام جدا قبل الشراء- مصري بالخارج بخصوص الجمارك
من شروط جمارك السيارات في مصر للاستعمال الشخصي انك تكون المالك الاول في نفس سنة الموديل.
عندي سؤالين مهمين قبل قرار الشراء:
1- هشتري العربية زيرو موديل 2014 بالتقسيط بتمويل بنكي يعني العربية باسمي مرهونة للبنك وليس نظام التاجير المنتهي بالتملك زي اللي في السعودية. رخصة السيارة في البلد اللي انا فيها هيبقى مكتوب اسمي المالك الاول وفي نفس الوقت هيبقى مكتوب مرهونة للبنك. فهل ده فيه مشكلة لما انزل بيها مصر في بند المالك الاول.
2- السيارة موديلها 2014 وتاريخ الشراء هيكون نوفمبر 2013 فهل في ده اخلال لبند التملك في نفس سنة الموديل. انا اعرف ان السنة الجمركية في مصر بيبقى من اول اكتوبر الى نهاية سبتمبر. بس بند التملك في نفس سنة الموديل يعني موديل 2014 لازم اشتريها في سنة 2014 مش قبل كده. انا عارف ان الجمارك المصرية حطا البند ده عشان محدش يشتري بعد سنة الموديل لكن ماذا عن الذي ذكرته.
ياريت حد يأكدلي لاني في عرض ادامي تخفيض كبير على النترا 2014 والاوفر هيخلص اخر شهر نوفمبر 2013 وفي نفس الوقت يكون متأكد من المعلومة لاني لو الجمارك في مصر رفضت ادخالها انا هتسوح تسويحة طين. انا سالت مصريين كتير عندي وشكلهم مش فاهمين حاجة عشان كده عايز حد خبير يرد عليا
وشكرا جزيلا