-
ميجان 2005
السلام عليكم اخوانى الكرام انا مقبل على شراء سيارة ولكن مثل اى واحد عايز يجيب عربية بيتجنن
اولا اخترت بروتون جين تو2007 " الناس قلقتنى منها بسبب التقفيل وانها تقيلة جوا المدينة فى المشى "
ثانيا اخترت هيونداى النترا 2006 " ولسه بفكر فيها "
ثالثا اخترت هيونداى فيرنا 2007 " ودى مخليها اخر اختياراتى عشان مافقدش اعصابى من التفكير "
رابعا واخيرا محبوبتى ميجان 2005 - " مانيوال" ( بس خفت عشان فى كلام على الفتيس ومشاكله النتشة البتحصل يعنى بس انا عايز اعرف هلى المشاكل دى على الاتوماتيك فقط ولا شاملة المنيوال كمان
طبعا انا عارف ان الفرنساوى قمة ما يتقارنش مع الكورى والماليزى بس بصراحة انا عايز العربية تكون مريحانى واستمتع بيعا
تحياتى
-
موضوع النتشة و السولونويد و الحاجات دي في الاتوماتيك فقط
بالنسبة للمقارنة فهي في رأيي افضل من الجين2 و الالنترا ولا تقارن بالفيرنا اصلا
بس لااااااااااااااااااااازم تكشف عليها في التوكيل قبل ما تشتريها
-
طيب انا على العموم هنزل السوق ايه اقرب مكان اكشف عليها فيه وايه هى الاعطال الهتظهر على الكمبيوتر التخلينا اسيب العربية الهكشف عليها ؟
-
مبدئيا هاتلاقي في السوق كلها عربيات متهانة , الاحسن تدور في الاعلانات , و هاتتعب شوية
بالنسبة للكشف فيا ريت في التوكيل , مكلف شوية (550 جنيه كشف شامل ) بس ده مبلغ بتحمي بيه نفسك من اي مقالب ممكن تبقى في العربية و مش باينة و المقالب في الميجان بتبقى ... انت عارف يعني :)
-
تحياتى ليك يا تامر باشا ادعيلى بقى ربنا يرزقنى بحاجة بنت حلال
-
الميجان المانيوال فتيسها مفيهوش مشاكل شغلها ردم وفحت مش هتقول حاجة
-
ربنا يباركلك يا شوقى باشا
-
بصراحة الميجان عربية حرام تتركب مانيوال . . معقول كل الامكانيات دى وعلى مانيوال ؟ اعتقد صعب . ثم ان الاوتوماتيك كانت مشكلة سوفت ويير فى توقيت النقلة واتحلت خلاص ايه الداعى اننا نعيد ونزيد فيها كدة
-
مع احترامي للجين 2 ...
لا مقارنة ما بينها وأي عربية من دول .. وجهة نظر شخصية عن تجربة
المانيوال اعتماديتها اعلى من الاتوماتيك من وجهة نظري ,, بس زى ما قالوا الشباب اكشف عنها كويس
-
لو ميجان مانويل يبقى دوس وششششش تبقى اخدت خير الميجان و بعدت عن عيوبها تماما
Content Relevant URLs by
vBSEO 3.6.0 PL2