أفيدونى فى كمبيوتر مستعمل وارد الخارج
المواصفات كالآتى :
CPU Xeon Quad Core 2.5/12
Ram 6 G
R.W. DVD
Viga ATI Power Colour H.D. 5450
1G
Dell Precition T5400
معروض عليا بسعر 2400 ج كيسة بس من غير الشاشة
أفيدونى السعر ده كويس ولا غالى
عرض للطباعة
أفيدونى فى كمبيوتر مستعمل وارد الخارج
المواصفات كالآتى :
CPU Xeon Quad Core 2.5/12
Ram 6 G
R.W. DVD
Viga ATI Power Colour H.D. 5450
1G
Dell Precition T5400
معروض عليا بسعر 2400 ج كيسة بس من غير الشاشة
أفيدونى السعر ده كويس ولا غالى
يا راجل 2400 جنيه فى كمبيوتر مستعمل
يعنى بالشاشه يبقى 2700 جنيه
ده انت تزود 600 وتجيب لابتوب ديل زيرو
الجهاز محترم ..لكن السعر مبالغ فيه ..بالسعر ده ممكن تجيب xps ..
السعر المناسب له في حدود 1800 و انت مقولتش فيه هارد كم ؟
مول البستان في شارع البستان-ميدان التحرير
او مول كوين شارع الخليفة المامون -روكسي
هتلاقي اجهزة مستعملة كل الانواع والمواصفات
والاسعار افضل بكثير من المعروض عليك
السعر غالي. .انا قلت 1800 علي هارد ميقلش عن 500 لكن بهرد 250 كبيره 1600 جنيه
و نصيحه .. ابعد عن المول .. ده كلام واحد عارف شغلهم .. للاسف فيه شغل هناك التست بتاعه مجرد تشغيل الجهاز و قفله .. يعني يقولك شغال و مش عارف ايه لكن انت و حظك
هات جديد احسن ومن مكان مضمون
بجد بجد ربنا يباركلكم كلكم
بفكر فعلاً أشترى جديد ، طيب هل فى جديد بنفس المواصفات دى ولا لأ ولو جديد تقريباً سعر يكون كام
وياسلام بقى لو قولتولى أجيب منين شركة تكون كويسة ومضمونة ومحترمة
معلش بتقل عليكم
هات المواصفات دى وادعيلى
AMD FX-6300 3.5GHz Six Core 14MB Processor AM3 سعرها تقريبا 900 جنيه
Gigabyte GA-970A-D3 Socket AM3+ Motherboard سعرها تقريبا 750 جنيه
Western Digital (WD) Caviar BLUE WD10EZEX 1TB سعرها تقريبا 475 جنيه
EVGA GeForce GT 210 1GB DDR3 سعرها تقريبا 250 جنيه
kingstone 4GB ddr3 bus 1600 سعرها تقريبا 275 جنيه
ASUS 24X DVD-RW DL drive سعرها تقريبا 140 جنيه
Gigabyte GZ-X3 Mid Tower Desktop Case + 300W PSU سعرها تقريبا 310 جنيه
الجهاز ده مواصفاته قوية وها يقعد معاك سنين احسن من المستعمل المواصفات دى تقريبا موجودة فى مول سوق العصر وصعب تلاقيها فى البستان وخد بالك من المواصفات والارقام كويس ما تخليش الللى بيبيع يقنعك بحاجة اقل منهم او غيرهم لو ما لقيتهومش عند حد شوف عند غيره واسال عند كله واكتب الاسعار وخد اقل سعر وهات بيه والبروسيسور والبوردة غالبا ضمانهم 3 سنين لانهم AMD وها تلاقيهم فى High End او Maximum Hardware وما تخافش من AMD ماركة محترمة جدا واداءها عالى جدا وخصوصا فى الالعاب وضمانها 3 سنين وكده تبقى كيسة محترمة جدا وجديدة فى حدود 3000 جنيه مش ها تفكر تحدثها قبل 5 او 6 سنين
طيب ما هو لو هيدفع 3000 في المواصفات اللي مكتوبه .. طب ما يجيب xps جهاز يضرب ضعف المواصفات ده
http://hothardware.com/newsimages/it...x_interior.jpg
http://t3.gstatic.com/images?q=tbn:A...VfmUiQ-dxHiuQ8
الامكانيات اللى انا كاتبها عالية جدا والجديد تمنه فيه كفاية الضمان وخصوصا للبروسيسور والبوردة غالبا بيبقى 3 سنين والاجهزة استخدام الخارج غالبا بيبقى فيها مشاكل ومالهاش قطع غيار لكن المواصفات اللى كاتبهاله ها تقضيه كام سنة قدام وفى اى وقت اى قطعة ها يغيرها او يحدثها
ال xps ده صعب جدا تلاقيه ولو لقيته بيبقى core 2 xtreme ورامات ddr2 يعنى مواصفات قديمة لكن الكيسة والباور بتوعه كويسين جدا الباور تقريبا 1250watt والموديلات الحديثة بتاعته core i بتبقى غالية جدا بتبدا من 8000 جنيه
معلش الامكانيات اللي انت كاتبها مقارنه بي xps لا تذكر .. انا مش عارف حضرتك جبت منين الرمات ال دي دي ار 2 .. اذا كان ال 670 اللي بي 400 جنيه دي دي ار 2 و 690 دي دي ار 3 و بسعر من اول 900 جنيه ال xps بينزل ببروسيسور انتل كور i7 و رمات دي دي ار 3 مش 2 اب24 و 36 جيجا و بينزل بفيجا كوادرو fx 5000 عارف الكارت ده لوحده بكم ؟؟! و فيه كروس فير ..بيشيل كرتين . بيدعم هاردات ساس لحد 15 هارد .. ده بخلاف البور و غيره و غيره الجهاز ده ميفعش تقارنه باي حاجه من المواصفات اللي انت كاتبها .. و هو موجود عند المصريه في الدور الارضي في مول البستان و في الدور الرابع شوفته عند الفا
انا كتبتلك ان فعلا امكانياته عالية بس فى موديلات منه ddr2 على العموم لو صاحب الموضوع لاقى حد مضمون يجيب منه جهاز يتوكل على الله يجيبه بس الاجهزة الاوريجينال مشكلتها ملهاش قطع غيار وخصوصا اجهزة عالية زى دى مفيش منها فى السوق غير كام حتة بالعدد وكمان دايما الجديد تمنه فيه
عندك حق .. لكن ال xps القديم محدش بيشتريه و بيتباع بكتير اوي بي 400 جنيه ..أنا بتكلم عن الكبير .. ده جهاز خارق .. و امكانياته لا يمكن مقارنتها .. و بخصوص قطع الغيار .. للعلم ان قطع غيار الارويجنال متوفره اكثر من التجميع ..لان فيه اجهزه كتير بتنزل مش شغاله .. و مش معقول هيرموها .. و بيبعوها قطع غيار البورد و البورده و البروسيسور .. انا عمري ما جبت الا الاوريجنال و بشتري القطع بسعر و حاله ممتازه .. و طالما الجهاز علي حالته يبقي متقلقش .. فيه علامات و حاجات بتخلي الواحد يعرف انذا كان الجهاز ده هيعمر معاه و الا لا .. زي انه يبص علي الكثفات .. و يشوف حالة البورده و اذا كان حد فك حاجه من الجهاز او لا ..غير كده خد الاورجنال و انت مطمن .
الاجهزة دى فعلا امكانياتها عالية وخصوصا الموديلات اللى انت بتقول عليها ال i7 وعموما باورات الاجهزة دى بتبقى 1250watt يعنى ده لوحده سوى فلوس والكيسة بتاعته شكلها غير عادى وكمان كروت شاشتها عالية بس فى موديلات منه ddr2 و core 2 Extreme على العموم لو صاحب الموضوع لاقى حد مضمون يجيب منه جهاز يتوكل على الله يجيبه بس يتاكد من توفر قطع غياره خصوصا ان قلليل لو لقيت منها لانها غالية ومش اى حد بيشتريها ومفيش منها فى السوق غير كام حتة بالعدد وكمان صاحب الموضوع عاوزه لولاده يلعبوا عليه العاب يعنى مش ها يهمه الامكانيات الاوفر دى وفى النهاية بدون ضمان ولو حصله اى حاجة مش ها يقدر يغير فيه حاجة وها يرميه لو ملوش قطع غيار بالاضافة ان الامكانيات اللى انا كاتبها عالية وها تقضى غرضه كام سنة قدام بس انا معاك فعلا ان الاجهزة ال xps دى عالية قوى وفى النهاية احنا غرضنا احنا الاتنين نصح صاحب الموضوع نصيحة لوجه الله وهو يشوف ايه المناسب ليه ويا ريت تقولنا شفت ال i7 بتاعه عامل كام ومواصفاته ايه
الله ينور عليك .. تسلم يااباشا .. و ان شااء الله يشتري حاجه محترمه ..و الاي 7 عامل 5000 جنيه .. باتنين كرت كوادر 4000 بينهم كروس فير و هاردين ساس 146
و رمات 16
ربنا يباركلكم جميعاً مش عارف أشكركم أزاى والله
هشوف كده الجديد وضعه أيه ؟ وكمان هعدى على المصرية فى مول البستان وأشوف وهبقى أبلغكم
وتقبلوا تحياتى
شوف ياباشا
الشركات الام فى مول سوق العصر
عليك بشركة هاى اند او ماكسيم هاردوير
دول من افضل وضمانهم 100 /100
بالنسبة للجهاز يفضل تعمل حاجه ايه ام دى والماذر بورد تكون جيجا بايت ويفضل تكون الماذر بورد فرى فيجا وتجيب كارت شاشة خارجى يكونراماتهddr5
ويكون ati ده هيشغلك احدث العاب 2013 زى نيدفورسبيد ذارن therun
بالنسبه للهارد يفضل ويسترن ديجيتال ويفضل لو بلاك لو غالى عليك هات ويسترد بلو بلاش الاخضر لانه افضل ف التخزين
الرامات تكون باص 1600 او اعلى يفضل adata hاوكينجستون فى حاجات اعلى بس دول ممتازين وسعرهم مناسب
البروسيسور لوهتعمل الجهاز انتل يفضل كور اى فايف بلاش الاى ثرى
الكيسه يفضل تكون كولار ماستر 400 وات بس تتأكد ان كارت الشاشة هيكونمتوافق معال400 وات بتوع باور سبلاى الكيسه والارخص من الكيسه دى الجاما وبورها محترم
الشاشة لو لقيت فيوسونيك برغم انها صينى لاكن محققه افضل نتائج على المواقع اللى بتعمل مقارنات زالسامسونج ثم ال جى بلاش البينك او الماركات اللى مش معروفه وطبعا يفضل تكوناكبرمن 20 بوصه وتكون فيها اتش دى وبلاش شاشات الثرى دى لانها غاليه على الفاضى
طبعا ماتنساش صب كويس زى مازورى ده فى الحاجات اللى سعرهاقريب وصوتها محترم ودراعات البلاى ستيشن للكمبيوتر اسمها 2b ,والماوسوالك بورد لو لقيت a4tec هيبقى جهاز وهم بالنسبه للهارد ممكن تجيب هارد sd صغير علشان الويندوز وجنبه هاردتانى اخضر للتخزين بس هيكونغالى شوية