سؤال للأباء و الامهات

**hhendmos** · 14-11-2013 05:04 AM

المشاركة الأصلية كتبت بواسطة Khalid_Mostafa

طب ما تحكلنا كده بتعمل ايه ...يعني ايه اخبار المدرسة و المدرسين ...مين بيذكرلهم في البيت ...ايه اخبار المناهج معاهم ؟

بص بقي يا سيدي الموضوع ده عاوز شرح لبكره الصبح
اولا انا عندي ولدين كل واحد عكس التاني خالص الكبير هادي جدا ومؤدب التاني بقي مش حاقولك مبيقعدش في حته اكتر من دقيقه
طبعا نظرا لظروف شغلي المدام (ربنا يديها الصحه ويخليهلنا) هيا اللي بتعمل كل حاجة مذاكره ليهم والواجبات
الكبير كويس بتعرف تسيطر عليه بالرغم من ظاهرة التمرد الجديدة اللي طالع فيها بس والله المواد كتيره جدا على طفل في الصف الرابع بجد حرام ده بياخد يجمع مليارات وناهيك عن الدراسات الواد
الصغير ده حكاية مش عارفه تسيطر عليه ابدا بالثواب والعقاب مفيش لدرجه ان جبنا له مدرسه في البيت اول مرتين كان ملتزم معاها جدا بعد كده بقي يلعب معاها وينطلها في اي حته لدرجه انها بطلت تدي دروس وقالت انها فشلت

بص دي بس نذة صغيره جدا من اللي بيحصل كل يوم

**Khalid_Mostafa** · 14-11-2013 05:57 AM

المشاركة الأصلية كتبت بواسطة hhendmos

بص بقي يا سيدي الموضوع ده عاوز شرح لبكره الصبح
اولا انا عندي ولدين كل واحد عكس التاني خالص الكبير هادي جدا ومؤدب التاني بقي مش حاقولك مبيقعدش في حته اكتر من دقيقه
طبعا نظرا لظروف شغلي المدام (ربنا يديها الصحه ويخليهلنا) هيا اللي بتعمل كل حاجة مذاكره ليهم والواجبات
الكبير كويس بتعرف تسيطر عليه بالرغم من ظاهرة التمرد الجديدة اللي طالع فيها بس والله المواد كتيره جدا على طفل في الصف الرابع بجد حرام ده بياخد يجمع مليارات وناهيك عن الدراسات الواد
الصغير ده حكاية مش عارفه تسيطر عليه ابدا بالثواب والعقاب مفيش لدرجه ان جبنا له مدرسه في البيت اول مرتين كان ملتزم معاها جدا بعد كده بقي يلعب معاها وينطلها في اي حته لدرجه انها بطلت تدي دروس وقالت انها فشلت

بص دي بس نذة صغيره جدا من اللي بيحصل كل يوم

ههههههههه ..اطمأن انت كأنك بتصف عيالي و بتصف الأحداث في البيت كل يوم

**elhelwany188** · 14-11-2013 11:01 AM

السلام عليكم ورحمة الله وبركاته ...
فكرتنى بايام الشقا قصدى ايام التدوير على مدرسة كويسة للواد ...
بص ياسيدى كنت بدور ازاى بقى ...
كنت بسأل العيال اللى عندى فى البرج واللى فى المسجد ...
كنت لما بشوف عيل صغير مبعتقوش هههههههههه ...
انت فى سنة كام ياحبيبى ؟؟ فى مدرسة ايه ؟؟ واهم حاجة بتاخد درررووووسسسسسسس ؟؟؟؟؟؟؟...
لحد الحمد لله ربنا وفقنى فى مدرسة معظم الاولاد اللى فيها اجمعوا انهم مابيخدوش دروس والمدرسين بيشرحوا كويس والمدرسة حلوة اوى ...
والواد فيها دلوقتى والحمد لله ماطلعتش سمعة على الفاضى وفعلا جزاهم الله خيرا بيشتغلوا فعلا من الاولاد ...
ولحد دلوقتى الحمد لله الحمد لله اول ما اصحيه الصبح واقوله يالا ياحبيبى علشان تروح المدرسة الاقيه نط من على السرير ههههههههههههههه ...
بس على فكرة انا ضد الدروس الخصوصية لانها سبب فشلى فى التعليم لانى الحمد لله كنت بطلع من الاوائل فى الابتدائية لحد مع الحاج والحاجة كرروا انهم يدونى دروس علشان اتفوق اكثر لدرجة انى كنت فى ثالثة اعداد كنت باخد فى كل مادة مع اثنين مدرسين بس للاسف حصل العكس ...