الموضوع: سؤال للأباء و الامهات

المشاركة الأصلية كتبت بواسطة AhMeD MeTwAlY

اهو انا كنت بدورله علي الفيديو دا
المزيعه يا عيني ضربت هههههههههههههههه

إتريقوا إتريقوا براحتكم ....بكره نقعد علي الحيط و نسمع الظيط (مش عارف الظيط مكتوبه كده صح ولا لأ)

انا عن نفسى ماعنديش خلق (الكدب خيبة) لو قولتلك بزاكر لبنتى الحمد للة مراتى بتقوم بالمهمة دية
بصراحة كفاية علينا قوى ان احنا نشتغل ونجيبلهم طلباتهم
بس ان جيت للحق تركيبة مخ الست فعلا رهيبة ممكن تطبخ وتزاكر وتنشر فى نغس الوقت هههههههههه
سبحان اللة فعلا كل ميسر لما خلق لة

بس بحكم التجربة اقولك للاسف لا بديل عن الدروس الخصوصية لأن الطفل واخد على ابوة وامة فبالتالى مابيسمعش كلامهم

وكدة كدة كلة بيدى دروس حتى المدارس الخاصة فأنا لو ماديتش دروس يبقى ابنى هايبقى مستواة ضعيف قدام الولاد التانية

انا مش بروج للدروس بس للأسف معظم المدارس مافيهاش تعليم

انا افتكر اول درس عن نفسى خدتة كان فى ابتدائى

المشاركة الأصلية كتبت بواسطة mastr_n

انا عن نفسى ماعنديش خلق (الكدب خيبة) لو قولتلك بزاكر لبنتى الحمد لله مراتى بتقوم بالمهمة دية
بصراحة كفاية علينا قوى ان احنا نشتغل ونجيبلهم طلباتهم
بس ان جيت للحق تركيبة مخ الست فعلا رهيبة ممكن تطبخ وتزاكر وتنشر فى نغس الوقت هههههههههه
سبحان الله فعلا كل ميسر لما خلق لة

بس بحكم التجربة اقولك للاسف لا بديل عن الدروس الخصوصية لأن الطفل واخد على ابوة وامة فبالتالى مابيسمعش كلامهم

وكدة كدة كلة بيدى دروس حتى المدارس الخاصة فأنا لو ماديتش دروس يبقى ابنى هايبقى مستواة ضعيف قدام الولاد التانية

انا مش بروج للدروس بس للأسف معظم المدارس مافيهاش تعليم

انا افتكر اول درس عن نفسى خدتة كان فى ابتدائى

طب لما ربنا يكرمك إن شاء الله بعيل تاني ...وياسلام لو ولد كمان (الولاد غير البنات خالص علي فكرة) ...حتعمل ايه الغلبانه الي في البيت دي ...و الله بيصعبوا عليا جداً لأني مجرب إني اذاكر لإبني و عارف اد إيه الموضوع مقرف و يخنق بالذات بقي لما الواد مخه يطجن في حاجه و مش عايزه تدخل دماغه وتلاقي نفسك شوط فيه من الغضب ..والعيب مش في الواد ..لكن العيب فينا إننا متصورين ان مخهم زي مخنا و طبعاً في فرق بحكم السن ..فطبيعي الي انت شايفه سهل وواضح هو ممكن يشوفه غامض ومش مفهوم.
وبعدين في بعض المناهج فعلاً عجيبة ..زي إن انت تجيب ولد في رابعة بتدائي و عايز تدرسله اسامي و تارخ كل ملوك الأسر الفرعونية ...او تشرحله اسامي ووظايف اجهزة الجسم كلها و يسلام لو بالإنجليزي كمان ...اسامي علمية و صعب نطقها ناهيك عن حفظها

المشاركة الأصلية كتبت بواسطة Eng_hatemfathy

مع اعتذارى لمن يقول ان الحل فى الدلروس الخصوصية لان ابنى بفضل الله 99.8 فى الابتدائية الماضية وبلا دروس واخته الخامسه على المدرسة فى رابعة ابتدائى
والمذاكرة كلها على الام تقريبا الا النادر
مدرسين ابتدائى للاسف الا ما رحم ربى هم عنوان للفشل والجهل -طبعا انا استثنيت ولكن الاغلبية اعلى من الاستثناء لدرجة ان مدرسة الرياضيات حلت مسألة سودوكو غلط للولد وانا طبعا مرضيتش اكتب لها الصح فى الكراسة علشان ميتعلمش عليها من الموجهة او المشرفة فكتبت الحل فى ورقة خارجية وحطيتها فى الكراسة فالهانم عملتلى صح وكتبت good
بصراحة كنت عايز ابعتلها لفظ مش لطيف
مفيش افضل من الاهل لو مستواهم العلمى يؤهلهم لكده
انا افتكر انى خدت رياضة وفيزيا بس فى الثانوية وكان معايا زمايل فى تالته اول مخدوش ولا درس وطبعا هندسة

العبرة مش فى الدروس قد ما هيا فى اكساب الطفل القدرة على التحليل والاستنتاج وضرب الامثلة من الواقع الحياتى لكل الدروس بحيث يثبت الموضوع ويجد رمز لكل نقطة يستطيع به ان يتذكرها وده التعليم بره
بيربط التاريخ بالجغرافيا بالعلوم باللغات
يعنى مصر ايام الاحتلال الفرنسى >وليس الحملة الفرنسية كما فى التاريخ المزور< كانت حدودها كذا وده من سنة كذا لسنة كذا وكان اشهر الزراعات كذا وده علشان التربة كذا والنيل كذا اما اكتشاف صناعة كذا فده بكذا وكذا وكذا
متفق معاك وربنا يباركلك غى اولادك ماشاء اللة
بس صوابعك كلها مش زى بعضها ممكن اولادك فى مدرسة خاصة ومستوى التعليم عالى
على فكرة انا بنتى مدرسة خاصة بردة بس خاص عن خاص يفرق فى مدارس بتوصل ل 30 و40 الف فى السنة بمهنى ان الطالب ببعمل home work فى المدرسة
انا بس بدى بنتى english علشان انا عايزها تحب اللغة مش اكتر
وبديها قرأن علشان عايزها تحفظة
يارب يباركلك فى اولادك واولادنا
عمار يا مصر