الموضوع: هو لازم اكون كووول عشان اعجب !!!

من الاخر انت كده كده مش هتعجب لا دلوقتى ولا بعدين و ده مش كلامى على فكره ده فى حديث شريف بيقول كده

ريح نفسك و اعمل اللى فى استطاعتك و صح و مناسب ليك و لظروفك طالما انه مش عيب او حرام

و تأكد ان نصيبك هيجيلك لحد عندك

مترميش نفسك على حد و على فكره ده مش مخصوص للبنات دى حاجه عامه

اللى عايزك اهلا و سهلا و اللى مش عايزك عادى جدا البلد فيها 90 مليون مبتقفش على حد

اللى انت عملته دا صح 100 * 100.....اسئلنى انا عن العند .......حتعيش فى مرار فترة حلوه لحد ما تقدر تكسر موضوع العند ولازم يكون نافسك طوييييييييييل اوى .

والله ربنا يوفقك
انا شخصيا شايف انك عملت الصح
اولا : انا شخصيا موضوع ان خطيبتى تحط صورتها على الفيس دا بيجننى اصلا عمرى ماقبل بحاجه زى دى
وكمان المفروض انك مش محتاج انك تتكلم فى حاجه زى دى هى من الاخر لو عارفه ان دا غلط مش هتعمله اصلا انما للاسف هى شايفه انو عادى ياعنى ايه المشكله
لا وكمان مش بتسمع كلامك ودا لوحده يخليك تفكر 100 الف مره فى الموضوع
انا عن نفسى معود خطيببتى ان فى كلام بيتقال مره واحده بدون جدال ماكلميش ولاد خليكى فى حالك حطى حدود فى المعامله حتى مع البنات لان فى بنات مش كويسه ممكن يبوظوا دماغها
وهى متقبله دا اوووى لانى مفهما ان دا من خوفى عليه
ياعنى من الاخر لو هى بتحبك وشايفه انك بتحبها هتحسبها انك خايف عليها مش عايز تتحكم فيه
انا بصراحه مش بحب النوع دا البنت لازم يبقى بنت بضعفها طبعا دا معناه انى احس انها دايما محتاجه ليا وبتسمع كلامى مش على طول حاطه راسها براسى

ثانيا بقى انت عملت الصح كوووول ايه يارجل هو الراجل يبقى راجل الا لما يحافظ ويغير على عرضه

المشاركة الأصلية كتبت بواسطة swimmer25

علي فكرة إنت فاهم غلط
المشكلة مش إنها حاطة صورتها أو لا
أو إنها مسمعتش كلامك وحطت صورتها وانت كنت طالب انها متحطهاش
المشكلة أكبر بكتير
المشكلة إنه عادي معاها جدا حد يقولها كلام زي اللي اتكتب لأن معني كدا إنها إتقالها كتير وهي معندهاش مشكلة وانها في حياتها مبتحطش خطوط حمراء في التعامل مع اي حد
ولا تقولي بقي مبتسمعش كلامي وبتعند
ده الموقف دا حصل مخصوص عشان ربنا يكشفلك النقطة دي

والله يا غالي الموضوع دا مجاش في دماغي خالص بس فعلا لما فكرت في كلامك حسيت ان الموضوع دا فعلا عادي وانا ميمشيش معايا الكلام دا

المشاركة الأصلية كتبت بواسطة friendship7897

المجتمع اللي بنعيشه شديد التناقض والفوضى والتخبط .
وأكيد البنات المصريات والشباب المصريين مش بُعاد عن هذه الفوضى
فحصلت تغيير في الصفات الطبيعية لكل منهم هي عايزة تثبت إنها زيها زي الراجل لازم ترد ولها شخصيتها القوية ولازم يكون لها صفحة على الفيس
وهو كمان التناقض في شخصيته بين طبيعته كراجل شرقي وكراجل متطور ومطلع على العالم المفتوح ، فهو بين عيب تعمل كذا وكذا ، وبنتي لو عملت كدة هكسرها رقبتها ، وبين حقها في التطور التكنولوجي بس بشروط ! إنها ما تحطش صورتها .
فهتلاقي الراجل "قبل الزواج" متردد ومتحير ومتناقض وهارب من تحمل مسئولية الإختيار وخائف من المجهول فيتلكك على أي حاجة !
فهو أصلاً مش عارف ! يتزوج ولا لأ ؟! وخصوصاً هو شايف أن زيجات كثيرة بتفشل وبسرعة ، وأزواجا كتيرة ما حققوش من الزواج اللي بيتمنوه وبالتالي مش سعداء يبقى يتجوز ليه ؟

فأنت في الآخر مش المفروض تكون كووووول – لكن خليك في المعقوووول
واللي هترضاه على أختك أو أبنتك أو أي قريبة ليك – أرضاه على اللي هتتجوزها .
ولو معملتش اللي هيرضيك من الأول والمتفق مع طباعك الشخصية وقناعتك أنت .... يبقى شكراً
وربنا يوفقك لما فيه الخير ،

هو احنا بنقول بلاش تتطور لا تتطور بس بالعقل والحدود وانا فعلا المعامله معاها بالذات كنت ببق حريص جدا وعلي قد ما اقدر كنت بحافظ عليها بس للاسف هي في حياتها الموضوع دا عادي وغير حجات تانيه كتير انا متغاضي عنها بس حسيت اني كنت غلطان
هي تربيه وانا تربيه تانيه خالص ممكن تكون حجات في حياتها بالنسبلها عادي انا بالنسبالي استحاله ان اختي تعملها ولو علي رقبتي
ربنا يصلح الامور ويهدي الجميع ان شاء الله

مش مسالة كول
مسألة في تفاهم ولا لا لو في هيكون في حياة
انما لو مفيش والموضوع عند اعتقد ملوش حل
والله اعلم

بص ياولد العم:

انك تكون كول فدي حاجة مش وحشة، وانك متكونش كول فدي حاجة احسن، وانك تكون نفسك سواء كول او مش كول..فدي أحسن حاجة في الدنيا بالنسبالك. كون نفسك عشان متبقاش انساس غشاش وبمليون وش. كون نفسك حتى لو نفسك دا مش هيعجب أي حد في كوكب الأرض والكواكب المجاورة...واللي عاجبه نفسك اهلا وسهلا بيه، واللي مش عاجبه نفسك يشرب من البحر..المهم انك ترضى عن نفسك.