عفشة لانسر شارك

**carlans58** · 11-11-2013 08:52 PM

مساء الخير يا رجالة النهاردة كنت عند عفشجي فالهرم علشان الشارك عندي فيها تخبيط كتير في المطبات فقالي ان المساعدين الي ور ا عاوزين يتغيروا و جلب المقصات بايظين و احتمال المقص كلو باظ و البارات غير انو قعد يزم فالشارك ان هي مش بتتحمل و بيقول بيسموها ( الطويلة الهبلة ) علشان ضخمة علي الفاضي و ان قطع غيارها غير متوفرة فالاستيراد و الجديد نار و ان البومة برقبتها و بصراحة انا بدات اشك ان كلاموا صح علشان ازاي عربية عاملة 50000 كيوا و عايزة كل الحاجات دي فياريت حد يقولي ان من الوارد ان الحاجات دي تبوظ بدري كدة مع العلم ان العربية موديل 2008 و شبة مرفوعة

**ma7oo** · 11-11-2013 09:14 PM

ماهو حاجة من اتنين ياالعفشجى ده مبيفهمش لو كلامك صح والعربيه مرفوعه وزيه زى كل التجار يشتموا فى الشارك وخلاص مع انها مفيش وجه مقارنه بينها وبين البومه يا العربيه فعلا متبهدله حتى لو عامله 20000 مش 50000 بس صاحبها كان شامطها

**blazer** · 11-11-2013 09:23 PM

هو انت شارى العربيه من الزيرو ؟

**MITSUKERO** · 11-11-2013 09:35 PM

روح المتخصصون اكشف و اعرف اللي فيها و امشي لو معجبكشي الاسعار و هم مش هيضحكوا عليك

**carlans58** · 11-11-2013 10:11 PM

العربية شاريها زيرو و منزلها من الكويت

**carlans58** · 11-11-2013 10:16 PM

المشاركة الأصلية كتبت بواسطة ma7oo

ماهو حاجة من اتنين ياالعفشجى ده مبيفهمش لو كلامك صح والعربيه مرفوعه وزيه زى كل التجار يشتموا فى الشارك وخلاص مع انها مفيش وجه مقارنه بينها وبين البومه يا العربيه فعلا متبهدله حتى لو عامله 20000 مش 50000 بس صاحبها كان شامطها

لا واللة يا باشا العربية تعتبر مرفوعة علشان بتشتغل مرة ولا اتنين في الاسبوع غير ان هي متحركتش سنتين قبل كدة

**carlans58** · 12-11-2013 06:08 PM

اية يا شباب مفيش اي رد

**BANKER** · 18-11-2013 11:21 PM

واضح انى فصلت و بطارية دماغى عاوزه شحن لانى برد فى موضوع تانى
المهم
سيبك من كلام الراجل المخبول ده لانه يا اهبل يا حرامى
عفشة الشارك حديد و عن تجربة
بس فى الاخر طريقة استخدامك بتحكم عليك بتغيير مقصات او جلب او مساعدين وخلافه

**emam_co** · 19-11-2013 01:16 PM

بس يا باشاً
انتا تطلع على عفشجى محترم تانى و أسال أى حد من أصحابك عليه ده اولا
إنما كلام العفشجى الأولانى ده غريب جدا انا معايا موديل 2008 و لسه مغير مساعد أمامى يمين فقط ( مساعد بس ) و كانت عاملة 144000 كم بسبب المطبات و التخبيط الكتير ممكن له كذا سبب العفشة عاوز تربيط او ممكن الكاوتش نايم شوية او اسباب تانية كتير بس المهم المركز او العفشجى يكون أمين و مضمون و لو حبيت حضرتك تيجى بالعربية لغاية طنطا عندى عفشجى محترم جدا و أمين .... لو تحب كلمنى على الخاص و ابعت تليفونك
و من الأخر الشارك عربية ممتازة عيوبها قليلة بس هنا الصنايعة بيحب السهل اللى يشتغلوا فيه من غير دوشة

**hossamsmsm** · 19-11-2013 02:12 PM

المشاركة الأصلية كتبت بواسطة emam_co

بس يا باشاً
انتا تطلع على عفشجى محترم تانى و أسال أى حد من أصحابك عليه ده اولا
إنما كلام العفشجى الأولانى ده غريب جدا انا معايا موديل 2008 و لسه مغير مساعد أمامى يمين فقط ( مساعد بس ) و كانت عاملة 144000 كم بسبب المطبات و التخبيط الكتير ممكن له كذا سبب العفشة عاوز تربيط او ممكن الكاوتش نايم شوية او اسباب تانية كتير بس المهم المركز او العفشجى يكون أمين و مضمون و لو حبيت حضرتك تيجى بالعربية لغاية طنطا عندى عفشجى محترم جدا و أمين .... لو تحب كلمنى على الخاص و ابعت تليفونك
و من الأخر الشارك عربية ممتازة عيوبها قليلة بس هنا الصنايعة بيحب السهل اللى يشتغلوا فيه من غير دوشة

يااااااااه اخيرا لاقيت حد معاه شارك من طنطا
ازيك ياباشا
ياريت تقولى بقى بتعمل صياناتك فين فى طنطا ( كهربائى - ميكانيكى - عفشجى )
وياريت برضه لو نتقابل نتعرف على برضه يبقى احسن